|
#1
15-11-2012, 05:10 PM
|
||||
|
||||
قواعد التعامل مع الماروتي صيفاً وشتاء
بسم الله الرحمن الرحيم السادة اعضاء مصر موتورز الكرام السلام عليكم ورحمة الله وبركاته في بدايه القول احب ان اهنئكم بحلول عام هجري جديد  كل عام وانتم بخير  واسئل الله العلي القدير ان يكون عام سعيد ومليء بالخير والصحه الوافرة علينا جميعاً نيجي بقي لموضوعنا ايه هيا قواعد التعامل مع الماروتي صيفاً وشتاء  هناك فارق بين بدايه تشغيل السياره في الصيف وفي الشتاء في الشتاء طبيعة الجو باردا مما يوثر علي حالة الماتور وتوجد مؤثرات خارجيه تقلل من كفائة تشغيلها وهيا البرد الشديد خاصة في الصباح حيث قام مصنع السياره بتفادي هذه النقطه وأمن الماتور بثلاثه نقاط هامة يجب التعامل معها وظبطها 1- ترموستات الكوع Thermostat:  ووظيفتها المحافظه علي درجة حرارة الماء ساخن داخل الماتور ولا تسمح بخروج الماء الي الريداتير الا في حالة وصول درجة حارة الماء الي درجة مرتفعه في هذه الحالة تكون الثرموستات فتحت البوابه بدرجه بسيطه ليخرج الماء الساخن خارج الماتور ويختلط بماء الريداتير ليبرد ويدخل مكانه من الناحية الاخري ماء بارد ليبرد الماتور وميزتها انها تفتح هذه البوابه حسب درجة الحراره فأذا ارتفعة درجة الحرارة درجه طفيفه فهذه البوابه تفتح البوابه قليا بدرجة بسيطه حيث يجر بعض الماء البسيط ولا يخرج الماء دفعه واحده وإذا كانت درجة الحراره مرتفعه جدا تفتح البوابه لاقصها حتي يتثني للماء ان يتدفق بسرعه ويحل مكانه ماء اخر بارد حتي يتم المحافظه علي درجة حاره ثابته للماتور وميزتها : انها تحافظ علي درجة حرارة الماتور بعدة خلط الماء الساخن بالبارد وتجعل الماتور في درجة حرارة ثابته حيث انها المسؤوله عن المحافظه علي ثبات درجة حرارة الماتور لان لو الماتور كانت درجة حارة اقل من الازم استهلك السيارة وقود اكثر من اللازم الخلاصه بأن هذه الترموستات تساعد الماتور بأحتباس الماء بداخله بسبب تسخين الماتور في فتره اقل بعض الميكانيكيه (العباقره) بيعتقدوا ان وجود الترمو.بيسخن الموتور وبيشيلوها وده غلط طبعا 2- محبس عمة الكربيراتير  طبعا الصورة ده انا لما صورتها وعملتها علي الرسام مكنش الموضوع في دماغي كده ولا كنت هشرح الشرح ده ولا كنت هتعرض لترموستات الكوع ولكن بفضل الله الموضوع خرج كده علشان الاعضاء هنا ناس محترمه وربنا منا علينا اننا نخرج الموضوع بالشكل ده علشان يكون شامل ويكون مرجع لكثير من الناس ايه حوار محبس عمة الكربيراتير ده؟ فيه كتير ممنا ميعرفش الكلام ده في الصوره رقم 1 في ماسورة الكربيراتير وده المسئوله عن دخول الهواء للماتور ليتم خلطه مع البنزين وهنا يرقد فلتر الهواء في هذه العمة ههههههههه علشان الهواء يدخل نظيف بدون زرات اتربه داخل غرف الاحتراق علشان نحافظ علي الماتور لان زرات التراب ده بتعمل داخل الماتورر كأنها سنفره وبتخرب الدنيا طيب ايه المفيد هنا في الماسورة ده يوجد محبس ثلاثي الاتجاه او بوابه كما يسمونها وده لازم نظبط الدراع في الشتاء علي وضع الشتاء وده بيكون بشد الزراع ده للأما ناححية الكشاف الامامي اليميمن كما مبين بالصوره رقم 1 هذا الذراع يقوم بتحريك بوابه داخل فوهت العمه ليقوم بغلقها نسبيا بنسبه 75% تقريبا ويفتح طريقا للهواء الخارج من عملية الاختارق والمفروض يروح للشكمان المفروض ان الهواء ده ساخن جدا فالبوابه ده بتخليه يدخل للماتور بدل ما يدخل هواء بارد وده بتساعد الماتور انه يكون دائما ساخن في الشتاء ولو لم نحرك هذه البوباه في الشتاء علي وضع الشتاء سنلاحظ ان السيارة تأخذ وقت طويل في الصباح حتي تصل لدرجة الحرارة المثلي ويجب علينا في الصيف ان نعيد هذا الزراع الي مكانه في وضعية الصيف ليقوم بغلق البوابة عل الهواء القدام من فرن الاحتراق ويسمح فقط للهواء البارد بالدخول الي الماتور علشان المتور ميسخن بسرعه وتكون وسيلة تبريد كم انتي عظيمه ايتها الماروتي 3- شفاط البنزين : كام هوا واضح في الصوره رقم 2 هوا زراع موجود بالطبلوه علي جه يسار الدكسيون واسفل زراع النور وعليه علامه قريبه من الرسمه ده |o| كما هوا واضح من الصوره ووظيفته: قبل ان نقوم بتدوير الماتور صباحاً نقوم بشده درجه او درجتين او ثلاثه درجات علي حسب بروده الجو ويقوم هذا الزراع بدوره بشد دواسه الاكسراتير قليلاً ويقوم بغلق البوابه الموجوده في اعلي الكربيراتير لقليل دخول الهواء وده علشان الماتور ميترجرجش وبعد ما العربيه تدور يجب خفضه تدريجايا يعني لو شدناه 3 درجات نرجعه درجه وننتظر حتي يسخن ماتور السياره ويصل مشؤر الحرارة علي الحرف C نقوم بأرجاع الشفاط علي وضع الاول يعني نرجعه للأخر طبعا الفروض ان فيه ورقه مكتوب عليها تحزير اننا منسيبش الشفاط مشدود ونمشي بالعربيه علشان علبة البيئه متبوظش وعلشان العربيه متسخنش اكتر من اللازم وهنا اكون انتهيت من توضيح قواعد التعامل مع الماروتي صيفا وشتاء ويارب مكنش ضيف ثقيل عليكم وبأنتظار تعليقاتكم واي اسئله انا جهاز إن شاء الله
__________________
 
|
|
#2
15-11-2012, 07:03 PM
|
|||
|
|||
رد: قواعد التعامل مع الماروتي صيفاً وشتاء
الحقيقة بما انى مش خبيرة الحاجة الوحيده ايلى بستعملها هى الشفاط لانه جناب الماروتى مش بتدور الا لما ادى ثنه بنزين وبعدها الشفاط مباشرة !!
شكراااا على المعلومة وبصراحة انت ايلى محببنى فى الماروتى انا كنت بفكر اغيرها بس مواضيعك بتحسسنى انها عربية خسارة الواحد يغيرها وخصوصا ان الاسعار بقت مرتفعة جدااا ... شكرا لحضرتك
__________________
لا اله الا انت سبحانك انى كنت من الظالمين
|
|
#3
15-11-2012, 07:17 PM
|
||||
|
||||
|
رد: قواعد التعامل مع الماروتي صيفاً وشتاء
تقرير متميز ووافى
تسلم ايدك وفعلا موضوع يستحق التثبيت 
|
|
#4
16-11-2012, 03:44 PM
|
||||
|
||||
رد: قواعد التعامل مع الماروتي صيفاً وشتاء
اسكرك اختي marwa miro علي مرروكبالموضوع وتعليققك الجميل بالفعل الماروتي سياره جميله كل عيبها انها محدودة الامكانيات بمعني انها لو كانت اوسع قليل من الداخل وماتورها اعلي بقليل وليكن 1100 سي سي لكانت اكثر من رائعه وده العيب الوحيد اللي انا شايفه فيها بصراحه
__________________
|
|
#5
16-11-2012, 03:46 PM
|
||||
|
||||
رد: قواعد التعامل مع الماروتي صيفاً وشتاء
مرورك نور موضوعي انا كان لي موضوع من اسبوع وقام الاخ ابو نورا بالد عليه وتم تثبيته وثاني لو لم اجده بعد ان تعبت في كتابته وتجميعه ولحسن الحظ لان الموضوع طويل كنت اكتبه علي الكمبيوتر علي الورد ثم ارفعه مجمع وعندما صدمت ثاني يوم ولم اجده رفعته مره اخري فهل ممكن اعرف سبب حرفه وهذا رابط الموضوع http://masrmotors.com/vb/showthread.php?t=102373
__________________
|
 |
|
|
