الحمد لله جبت ماروتي جديدة

[محمود1199]

المشاركة الأصلية كتبت بواسطة myackoo السلام عليكم و رحمة الله وبركاتة اخواني في المنتدي الجميل بعد متابعة لمنتداكم الاكثر من رائع اقتنعت بالعربية الماروتي و الحمد لله و بفضلة ربنا انعم علينا بعربية جديدة 2011 جبتها من المصرية ب 38000 و الحمد لله العربية ما شاء الله لا قوة الا بالله جميلة جدا و مريحاني انا و زوجتي و رحمنا من بهدلة المواصالات احنا لسة جيبنها من اسبوع هو بس في حاجتين مضايقني من العربية دي اول حاجة قدر الله و ما شاء فعل و اشتريتها من المصرية للسيارات و اللهم لا اعتراض كان ابتلاء من عند ربنا اننا اتعملنا مع الشركة دي بس اللهم لا اعتراض تاني حاجة انا لما جيت امون العربية الراجل اللي بيمونها في البنزينه فضل يدوس علي المسدس بتاع البنزين بالراحة جداااا لان اول ما جيه يحط المسدس و يمون البنزين وقع علي الارض فاضطر انه يدوس سنه سنه بالراحة لحد ما فول العربية وده اخد وقت طويل فهل كل الماروتي كده ولا لسة عشان كانت اول تفويله ولا ايه الوضع بالظبط و في النهاية احب اشكر الاخ حبيب الناس و الاخ البورسعيدي و amr وكل الاخوة اللي افادوا المبتدئين امثالي بمعلومات كانت قيمة جدا و اللهي و انا فرحان اني انضميت لنادي الماروتيين معاكم طبعا لو تسمحولي و عملت العضوية في المنتدي انهردة و كتبتلكم جزاكم الله خيراا و اسف للاطالة

لولولولولولولي....لولولول ولولولولي
تريليون مبروك يا عمونا.....
يارب يديك خيرها دايما ويبعدك عن شرها ...
ويصفتي عندي ( جراند ماروتي 2005)..هههههههههههه....وا لله اسم جامد صح.
بس احب اوضح شوية حاجات كدة يعني:
موضوع البنزين ده عادي جدا ...لان اكيد الواد اللي ماسك المسدس ....مشبروفيشنال(من الهواة يعيني)....! ههههههههههه
انا بفول التانك كله ب 45 جند (بنزين 90) .. بصراحة بحب ادلع عربيتي ههههههههههه.

وتاني حاجة لازم حضرتك تاخد بالك منها ان عربيتنا خفيفة حبتين علي الطريق السريع..يعني خد بالك من موضوع الثبات ده...يعني بلاش تجري بيها وتحفر كتير... ومتقلقش العربية حلوة واقتصادية وبسم الله ماشاء الله قطع الغيار متوفرة..
طلب اخير منك : ايه حوار المصرية معاك.....؟

[aborawan]

الف مبروك وربنا يديك خيرها ويكفيك شرها

[myackoo]

الف شكر يا جماعة و اللهي انا مش عارف اقول ايه لاهتمام الناس و ذوق اخواتي هنا في المنتدى و شكرا علي توضيح موضوع البنزين
اما بالنسبة لموضوع المصرية
فهما اولا ناس مش محترمين اطلاقا و اقصد فيما يخص باحترام كلمتهم مع العميل
بعد ما تتفق و تدفع عربون يغلوا عليك و يقولولك اصل العربيات غليت
انا اتخنقت هناك خناقة لرب السماء زي ما بيقولوا ... عشان بعد ما دفعت العربون العربية غليت في السوق تاني يوم و غلوا عليا 250 جنيه طبعا هو مبلغ بسيط بس المبداء نفسه ما ينفعش
و تيجي تشتري يقولولك اللون اللي انتا متفق عليه مش موجود
و المندوب اللي بيبعتوه يخلص في المرور تحس انه عاوز يشتغلك هناك و يطلع منك فلوس اد كده
كمان المبايعة كان رقم المتور فيها غلط فالترخيص اتعطل لحد ما صلحوا الرقم تاني
و حاجة كده كلها قرف في قرف انا شفت المعارض المحترمة التانية بتتعامل ازاي و مندوبينهم في المرور اخر احترام و كل وجع القلب ده لا حصل مع اخويا مثلا و كان مشتري عربيته رينو لوجان من معرض اسمة عربيات في المهندسين و كمان ناس اعرفهم اشتروا من حتت تانيه و ما قبليتهمش المشاكل دي
مع اني شاري العربية كاش و المفروض ما اتعبش بالطريقة دي ولا يحصل معايا كده
علي فكرة هما بيبقا العربيات عندهم في المخزن و مدفوع تمنها بس بيغلوا علي الناس طمع كده و خلاص
المهم حسبنا الله و نعم الوكيل فيهم و انا اسف جداااااااااااا للاطاله عليكم

واشكر كل واحد اهتم و رد عليا او حتي مردش و ربنا يوفق لل فيه الخير

[Al Ghareeb]

ألف مبروك و ربنا يديلك خيرها و يكفيك شرها

[egyptiandiver]

الف الف مبروك