أزاى تنقل بالبايك صح؟

[Injection]

مواتير الأحتراق الداخلى اللى هى مواتير العربيات والبايكس, العزم بتاعها غير ثابت وبيتغير على مدى عدد لفات الموتور, يعنى مثلا العزم بيتصاعد لنقطة معينة مع عدد اللفات لحد مايوصل لأعلى نقطة, وبعد كده يهبط بسرعة جدا, وبالتالى علشان تستفيد من قوة الموتور, لازم تنقل عند عدد اللفات اللى بيطلع أكثر عزم أو أكثر هورس باور حسب النقلة اللى أنت عليها.

لنفترض أنك بتشد بCBR 250 وده بيطلع أعلى عزم عند 10500, وأنت بتحتاج العزم فى التسارع, بالتالى هتحاول تنقل عند 10500 أو بالقرب منها ويفضل قبلها بسنة, كده أنت خدت عزم الموتور كله, ومش بعيد البايك يرفع حصان بيك.



التانى برضه أنت محتاج فيه عزم, فهتنقل بنفس الطريقة.

باقى النقلات أنت بتحتاج فيها خليط من الهورس باور والعزم, والهورس باور بتاع ال 250 بيطلع على 14500 لفة, بالتالى أنت هتزود عدد اللفات اللى بتنقل عليه بدأ من النقلة التالتة تدريجيا, يعنى من التالت للرابع على 12000 لفة, ومن الرابع للخامس على 14000 لفة و الخامس على 15000.

العزم والهورس باور بيزدادوا تدريجيا مع عدد اللفات لحد عدد معين, وبعد كده بينزلوا زى الصاروخ, فأيه فايدة أنى أحرق فى النقلة لحد 19000 لما ممكن أبدأ نقلة جديدة وأخد تسارع أقوى.

وده بيفرق أن لو واحد نقل عند أعلى نقطة مثلا 10500 وواحد تانى حرق وكمل من غير ماينقل, الأول بيطلع منه, لأن التانى ضيع وقت مهم فى التسارع كان ممكن ياخد بيه عزم أكثر لو نقل للنقلة التانية, وبالتالى سرعة أعلى.





تانى نقطة, لازم وأنت بتنقل تحاول على قد ماتقدر توازن بين عدد لفات العجل والموتور, بحيث البايك ماتبرجلش, ولا تعلى عدد لفات الموتور أكثر من اللازم علشان صحة منظومة الدبرياج وعلشان تستفيد برضه من قوة الموتور, وفى الحالتين علشان البايك ما تاخدش وقت على ماتلقط.

ودى حاجة بتيجى بالتعود على البايك, أنك تعرف أنت محتاج عدد لفات موتور قد أيه قبل ماتسيب دبرياج.

وده تجميعة بسيطة لعدد اللفات اللى البايك بتطلع عليه أعلى عزم وأعلى هورس باور:-

1 - 1988-1989 cbr 250 العزم عند 10500, والهورس باور عند 15000

2 - 90 -93 cbr 250 العزم عند 12000 والهورس باور 15000

3 - 94 -99 cbr 250 العزم عند 11500 والهورس باور عند 14500

وللأسف دول اللى لقيتهم قدامى, اللى عايز يدور, جوووووووووووجل, أو التجربة العملية خير دليل

والى اللقاء.

[SmoothRider]

المشاركة الأصلية كتبت بواسطة Injection مواتير الأحتراق الداخلى اللى هى مواتير العربيات والبايكس, العزم بتاعها غير ثابت وبيتغير على مدى عدد لفات الموتور, يعنى مثلا العزم بيتصاعد لنقطة معينة مع عدد اللفات لحد مايوصل لأعلى نقطة, وبعد كده يهبط بسرعة جدا, وبالتالى علشان تستفيد من قوة الموتور, لازم تنقل عند عدد اللفات اللى بيطلع أكثر عزم أو أكثر هورس باور حسب النقلة اللى أنت عليها. لنفترض أنك بتشد بCBR 250 وده بيطلع أعلى عزم عند 10500, وأنت بتحتاج العزم فى التسارع, بالتالى هتحاول تنقل عند 10500 أو بالقرب منها ويفضل قبلها بسنة, كده أنت خدت عزم الموتور كله, ومش بعيد البايك يرفع حصان بيك. التانى برضه أنت محتاج فيه عزم, فهتنقل بنفس الطريقة. باقى النقلات أنت بتحتاج فيها خليط من الهورس باور والعزم, والهورس باور بتاع ال 250 بيطلع على 14500 لفة, بالتالى أنت هتزود عدد اللفات اللى بتنقل عليه بدأ من النقلة التالتة تدريجيا, يعنى من التالت للرابع على 12000 لفة, ومن الرابع للخامس على 14000 لفة و الخامس على 15000. العزم والهورس باور بيزدادوا تدريجيا مع عدد اللفات لحد عدد معين, وبعد كده بينزلوا زى الصاروخ, فأيه فايدة أنى أحرق فى النقلة لحد 19000 لما ممكن أبدأ نقلة جديدة وأخد تسارع أقوى. وده بيفرق أن لو واحد نقل عند أعلى نقطة مثلا 10500 وواحد تانى حرق وكمل من غير ماينقل, الأول بيطلع منه, لأن التانى ضيع وقت مهم فى التسارع كان ممكن ياخد بيه عزم أكثر لو نقل للنقلة التانية, وبالتالى سرعة أعلى. تانى نقطة, لازم وأنت بتنقل تحاول على قد ماتقدر توازن بين عدد لفات العجل والموتور, بحيث البايك ماتبرجلش, ولا تعلى عدد لفات الموتور أكثر من اللازم علشان صحة منظومة الدبرياج وعلشان تستفيد برضه من قوة الموتور, وفى الحالتين علشان البايك ما تاخدش وقت على ماتلقط. ودى حاجة بتيجى بالتعود على البايك, أنك تعرف أنت محتاج عدد لفات موتور قد أيه قبل ماتسيب دبرياج. وده تجميعة بسيطة لعدد اللفات اللى البايك بتطلع عليه أعلى عزم وأعلى هورس باور:- 1 - 1988-1989 cbr 250 العزم عند 10500, والهورس باور عند 15000 2 - 90 -93 cbr 250 العزم عند 12000 والهورس باور 15000 3 - 94 -99 cbr 250 العزم عند 11500 والهورس باور عند 14500 وللأسف دول اللى لقيتهم قدامى, اللى عايز يدور, جوووووووووووجل, أو التجربة العملية خير دليل والى اللقاء.

سيدي يا سيدي على التفاصيل الدقيقة والصور المرفقة
وكويس إنك اتكلمت عن ال CBR 250 عشان اللي لسة بيبتدي هو اللي محتاج الكلام ده.

ألف شكر على المعلومات القيمة
موضوع مفيد جدا

[دكتور رعد]

الله ينور عليك يا عمور تسلم ايدك على الموضوع الجميل ده وكويس فعلا انك كتبت عن ال250

[Jack Box]

ايوه كده هو ده الاداء
الله ينور ياعمور موضوع مش محتاج ولا كلمه بصراحه وتفاصيلك سهله ومفهومه واتمني الكل يستفاد

[tamertamer]

رائع ممتاز طيب وال400 اة اخبرها