أستخدم زيت ايه للماروتى ؟؟

[عمرو السعدنى]

المشاركة الأصلية كتبت بواسطة أيمن عبدالواحد أحمد الأستاذ الفاضل : مبروك عليك السيارة الجميلة وربنا يحفظها لك ياريت تعمل صيانة الألف كيلو فى التوكيل لأنه يجب تغيير فلتر الزيت وأمامك خيارين من الزيت موبيل وان أو موبيل عادى وأنا أستعمل الأول لأنه بيمشى 10000 كيلو .

الف شكر على الاهتمام بالرد

انا حطيت موبيل عادى ... بس كبرت دماغى عن موضوع التوكيل لأنى من المنصوره و للأسف مفيش توكيل لسوزوكى عندنا ... فمش معقول كل ما هاجى اعمل حاجه هروح القاهره أو شبين !! و كمان سمعت انهم غاليين على الفاضى فقلت انا اعمل الصيانه مع نفسى و اجيب قطع الغيار الاصليه كل مره و خلاص

تحياتى

[عمرو السعدنى]

المشاركة الأصلية كتبت بواسطة حبيب الناس العربيه الماروتي احلي حاجه فيها انك ممكن تحطلها اي زيت بس طالما العربيه لسه جديده خليك في زيت موبيل وان بتاع الـ10000 بالنسبه للفلتر بتباع عند بتوع قطع الغيار وهو معروف قولهم فلتر زيت للماروتي فيه منه اكتر من نوع في تقريبا صيني بحوالي 10 جنيه وفيه سعودي او اماراتي بحوالي 20 وفيه مصري بحوالي 15 وفيه هندي وفيه يباني بحوالي 25 جنيه انا بجيب ابو 20 اللي هوا السعودي او الامارتي هوا الفلتر قصير علشان ضيق مكان التركيب لكنه فلتر زي اي فلتر زيت طبعا ده اول مره تغير الزيت خليك في زيت ال5000 علشان لما تعمل صيانه ال 5000 تغره بالمره وتحط بعد كده ال 10000 لو الزيت ده غالي عليك هات زيت شل الجركن الاصفر بحوالي 110هما بيقولو 8000 وانا بغيره علي حسب الظروف انا مره غيرته بعد ال8000 وكان كويس محلش وكمان الزيت ده بالنسبه للماروتي احسن من اموبيل لان اللزوجه فيه عاليه وده بيخلي صوت الماتور ناعم وواطي

انا حطيت موبيل العادى الجركن ب 110 و بيتغير كل 3000 .... ايه رأيك ؟؟ و هل صحيح ان تغيير الفلتر مش ضرورى قبل 15000 ؟؟

[حبيب الناس]

المشاركة الأصلية كتبت بواسطة عمرو السعدنى انا حطيت موبيل العادى الجركن ب 110 و بيتغير كل 3000 .... ايه رأيك ؟؟ و هل صحيح ان تغيير الفلتر مش ضرورى قبل 15000 ؟؟

الفلتر معروف من اسمه وظيفته تنقية الزيت من الشوائب العالقه بالزيت وثمنه مش هيزيد عن 25 جنيه الواحد مش عارف الراسب اللي هتحوه قد ايه فيفضل نغير الفلتر مع تغير الزيت مرة ومرة يعني نغر زيت مره والمره التنيه نغير زيت وفلتر افضل من ان الفلتر يتسد ويمنع دخول الزيت للماتور وللعلم لمبة الزيت في التبلوه مبتنورش الا لو الزيت قل مستواه في الكرتيره اسفل السياره فلو الفلتر اتسد اكيد مستوي الزيت هيفضل زي ماهوا لان الزيت مبيطلعش للماتور فبالتالي اللمبه مش هتور لانها خاصه بقلة الزيت مش خاصه بسدد الفلتر ولو الفلتر اتسد لا قدر الله العربيه هتسخن وممكن الماتور يفوت فتمن الفلتر مش كتير علي اضراره
وبعدين يعني ايه فلتر اصلي طيب ما كده كده هيتفك ويترمي فنحافظ عليه ليه

[suzuki maruti]

المشاركة الأصلية كتبت بواسطة حبيب الناس الفلتر معروف من اسمه وظيفته تنقية الزيت من الشوائب العالقه بالزيت وثمنه مش هيزيد عن 25 جنيه الواحد مش عارف الراسب اللي هتحوه قد ايه فيفضل نغير الفلتر مع تغير الزيت مرة ومرة يعني نغر زيت مره والمره التنيه نغير زيت وفلتر افضل من ان الفلتر يتسد ويمنع دخول الزيت للماتور وللعلم لمبة الزيت في التبلوه مبتنورش الا لو الزيت قل مستواه في الكرتيره اسفل السياره فلو الفلتر اتسد اكيد مستوي الزيت هيفضل زي ماهوا لان الزيت مبيطلعش للماتور فبالتالي اللمبه مش هتور لانها خاصه بقلة الزيت مش خاصه بسدد الفلتر ولو الفلتر اتسد لا قدر الله العربيه هتسخن وممكن الماتور يفوت فتمن الفلتر مش كتير علي اضراره وبعدين يعني ايه فلتر اصلي طيب ما كده كده هيتفك ويترمي فنحافظ عليه ليه

كلامك صح 100% انا بردو معايا ماروتي واصلآ الفلتر بتعها مش اصلي هو مركتة (فرام) يعني ممكن يشترية من اي حتة حتي ولو من برة التوكيل لان مفيش فلتر سوزوكي ماروتي اصلي اصلآ
نهههههههههههههه

[mr_astra]

الموبيل مش حلو على فكرة
اول الف كيلو فقط بيكون كويس انما بعد كدة صوت الموتور بيعلى عن الطبيعى وبيكون فى نسبة بخرة
لكن ممكن يمشى الحال فى الشتاء وانصحك التغيير الجاى بامر الله تشوف شل hx1 & hx3 ويا سلام بقى بعد ما حضرتك لينت العربية تحط اضافة للزيت زى مثلا abro المكنة هاتبقى اهدى كتير والتسارع بتعها هايكون افضل مع توفير ملحوظ فى الوقود وحماية اكثر للكرنك والسبيكة والشمايز