تحركو لانقاذ مرافق الدولة

[AbOnOrA]

انهاردة مات على الطرق اكتر من 100 شخص فى حوادث مختلفة وعلى مدى الاسبوع كان فيه حوادث وكوارث فى جميع المرافق (مترو المرغنى - مترو الانفاق - قطار الفيوم واسوان وعشرات الحوادث الاخرى على الطرق )

67 في منفلوط + 33 في طريق مصر أسيوط + 7 في أسوان + 1 في اسماعيلية + 1 في الإسكندرية + 7 في البحر الأحمر + 20 في الواحات
بالإجمالي 136 مصاب وقتيل في طرقات مصر في 8 ساعات فقط







يعنى واذا اضفنا ليهم ماهو معلوم مسبقاً هنلاقى ان مرافق الدولة كلها بتنهار وتحولت من وسائل خدمة للمواطن لاسلحة قتل واراقة دماء للمواطنين اكثر فتكاً من اى سلاح او حرب اخرى ولا عجب ان مجمل من قضو فى حوادث المرور تجاوز من ماتو فى جميع الحروب التى خاضتها مصر

حادثة انهاردة للى بيشوف بعين واحدة مشكلة سواق او عامل مزلقان
لكن بالعنين الاتنين هيشوف انها مشكلة مرافق حكومية (مترهلة) و(فاسدة) و(فاشلة) لأبعد حد وكل يوم هنموت ونتذل أكتر واكتر طول ما اركان وزوايا الفساد والفشل موجودة

(قمة الفشل) ان عشرات الاطفال يموتو فى حادثة المتسببين فيها ميتقدموش للمحاكمة (((الجنائية))) قبل الادارية

(قمة الفساد) ان تستمر المرافق الحكومية بدون هيئات رقابية حقيقية فعالة تمتلك كل الصلاحيات والاستقلال لتطهير كل هيئه ومؤسسة من الداخل


(قمة الترهل) ان الهيكلة الادارية من اول موظف لاكبر مدير معتمدة على الواسطة والمعارف والاقدمية وبدون حد ادنى او اقصى للمرتبات او نظام حقيقى لقياس الاداء والمحاسبة

والنتيجة مرافق الدولة اللى هى اساس الدولة ودورها خدمة المواطن بقت وسائل لاذلال واراقة دماء نفس المواطن

تحركو لانقاذ مرافق الدولة
الطرق والكبارى والسكك الحديد والنقل العام والمترو وشبكة المياة والكهرباء كل ده مهدد بالانهيار الكامل لو فضلنا ساكتين

يجب ان يقدم للمحاكمة الجنائية المسئولين المقصرين فى هذه الحادث
ويقدم للمحاكمة الإدارية والسياسية كبار المسئولين فى السكك الحديد ووزارة النقل

يجب ان يقدم للمحاكمة المسئولين عن هيئات الرقابة والتفتيش لجميع مرافق الدولة ويتعين غيرهم وهما عارفين انهم لو مشتغلوش صح هيتعمل فيهم زى اللى قبلهم

لازم القيادات السياسية بداية من ادارات المرافق للورزاء للرئيس يصدرو قرارات وقوانين ولوائح وكل ما يلزم لتنظيم وتطوير مرافق الدولة بكره الصبح مش بعد بكرة

[محمدصلاح القاضى]

انا محتار اعبر ازاى
لكن من جوايا زعلان على اللى احنا بقينا فيه
وحاسس اننا بقينا فى نص النفق
لا احنا عارفين نرجع ولا شيفين بصيص نور نتحرك ليه

[mr_astra]

اللى هايموتنى من الغيظ
ان الماتش دلوقتى شغال وسامع هيصة ولا اكن فى حاجة حصلت
والواحد من الصبح مش جايلة نفس يعمل اى حاجة بسبب اتوبيس المدارس

انا نفسى الموضوع دة ميعديش بسهولة وزى كل مرة

نفسي يكون فى حاجة جديدة
وقفة بجد
ازاى بجد الدنيا تتظبط ......مش عارف
لكن فعلا لازم المهزلة دى متعديش بالساهل
انا بشتغل فى هيئة حكومية
وعندنا خمس تلاف جهه رقابية
ومنهم التفتيش المالى والادارى جم فى مرة لقو موظف بيشحن موبايلة فى فيشة المكتب اخد جزاء فيها عشان بيستخدم كهرباء الدولة فى شحن موبايلة
طب فين الناس دى ...........لية مش بتشوف شغلها بحزفيرة كدة فى ارواح بقى مش بتعريفة كهرباء
جهاز مركزى للمحاسبات بيفضل يلف ويدور عشان خاطر شنكل بخمسة تعريفة
مندوب وزارة المالية اللى واقف زى العسكرى يقول دى تتصرف ودى لا
وكل الناس دى معاها عربيات وبيخدو مرتبات وليهم خدم ومتشالين على كفوف الراحة ....مهم جهات رقابية
فنكم بقى من دم الاطفال دول

[screamseko]

التفتيش المالى والادارى جم فى مرة لقو موظف بيشحن موبايلة فى فيشة المكتب اخد جزاء فيها عشان بيستخدم كهرباء الدولة فى شحن موبايلة

الكلام ده عندنا في مصر !!!
دول اكيد ملايكه ونزلوا غلطه !!

[محمدصلاح القاضى]

• لا دول نازلين تعسف: bb127bc6eab060e3e23