العودة   مصر موتورز مجتمع السيارات > تعديل السيارات والاكسسوارت > تعديلات رفع الاداء

تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ...


إضافة رد
 
أدوات الموضوع
  #41  
قديم 24-10-2010, 10:13 AM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
افتراضي رد: فلتر الهواء الرياضى, كمان وكمان.

معلش ياباشا أتأخرت عليك سامحنى, ظروف والله.

ال single point injection أو الهاف أنجكشن نظام نادر فى مصر حبتين, وفى العالم كله كمان, بس عامة طريقة دخول الهواء للنظام بتختلف, فيه أنظمة الفلتر فيها عادى زى الأنجكشن ودى يركب عليها الفلتر المخروطى.





الفلتر هيركب مكان الصندوق الأسود على الشمال, أو على الخرطوم الأسود اللى خارج من مدخل الهواء للموتور بدل الفلتر القديم.


وأنظمة تانية الفلتر فيها فى العمة, ودى الفلتر الرياضى بتاعها من الحرفيين, ومش هيفرق فى الصوت كتير وهيبقى زى الفلتر الأصلى وممكن يفرق فى الأداء حبتين.




وأنظمة تانية غريبة شوية, وأنا بصراحة مش عارف أيه اللى يركب, بس غالبا هيبقى فلتر مخروطى (الأسطوانة دى هتتشال, والفلتر يركب على الخرطوم بتاعها, بس ده فتى منى علشان مشفتش الموتور على الواقع
).



فالموضوع كله بيعتمد على موتور حضرتك, لو فلتر بوكس عادى زى الأنجكشن يبقى الفلتر المخروطى هيركب, لو عمة زى الكاربراتير ممكن تركب فلتر كاربراتير, لو فلتر عجيب ومالوش وصف, الموضوع هيعتمد على الخرطوم الخارج منه, هلى هينفع يركب عليه فلتر مخروطى ولا لأ.


أرجو أنى أكون أفدتك ياباشا, وبعتذر على التأخير مرة تانية.
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.





رد مع اقتباس
  #42  
قديم 11-11-2010, 10:55 PM
mody soft mody soft غير متواجد حالياً
 
تاريخ التسجيل: Nov 2010
المشاركات: 8
mody soft is on a distinguished road
افتراضي رد: فلتر الهواء الرياضى, كمان وكمان.

يا جماعة انا روحت لى محل وقال ليا سعر الفلتر الى هو مخروطى الصينى 65 ومحل جنبة قال 70 فا قولت لى عاوز اركبة تحت الحوض قالى عادى ..المهم اى مكان فاضى ومش اتكلم على المسورة ولا اى حاجة
فى حاجة تانية ؟ بقولة هو الفلتر دة بيعمل فرق فى السحب؟ قالى مين الى قالك الكلام دة ؟؟ وهو مجرد بيعمل صوت بس ومش بيدى اى ختلاف فى الاداء زى ما الناس بتقول وكل واحد بيوهم نفسة ؟؟ وقولت لى على k.n قالى دة ممكن بيكون بيدى اداء احسن بس انا مش سمعت عنوا وهو مش عندى ؟
فا انا الصوت مش مهم اوووى بالنسبة ليا انا عاوز الاداء ؟ فاهل الصينى والامريكى صوت فقط ولا فى صينى نزل صوت بس ؟ وهل الكلام دة صح ولا خطاء ؟

وياريت حد فاهم ياجماعة يرد عليا ؟؟؟
رد مع اقتباس
  #43  
قديم 11-11-2010, 11:23 PM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
افتراضي رد: فلتر الهواء الرياضى, كمان وكمان.

بص ياباشا, أنت دلوقتى بتقارن بين فلتر ب 65 جنيه وفلتر ب 350 +جنيه, فى رأيك أنهى واحد فيهم هيدى صوت وأداء أفضل من التانى.

محدش قال على الصينى جبار, هو بيعمل صوت حلو, وطبعا بيدى تحسن فى الأداء, الراجل اللى قالك العكس ده بيفتى, أنت شفت الفلتر اللى راكب عندك وقارنته بالفلتر الجديد (صينى أو ماليزى حتى
), أنهى واحد فيهم فى رأيك أحسن للأداء.

الفلتر الرياضى (صينى أو مريخى حتى) عامة أكبر من الفلتر العادى بمراحل, ده لوحده بيسهل دخول الهواء الى العربية ومش بيخنقها زى القديم, ومسامه أكبر من القديم ودى تقدر تشوفها بعينك, وبيدخل هواء أكثر للموتور.


فلتر أصلى




فلتر صينى



من الصور, أنهى واحد فيهم هيخلى الموتور يتنفس بسهولة أكثر؟, الأجابة واضحة زى الشمس.


دلوقتى لو عايز حاجة تديك أداء مضمون وأنت مطمن هات K&n بس أعمل حسابك فى الفلوس, لو عايز تجرب الفلتر وتسمع صوته وتشوفه عمل تحسن ولا لأ هات واحد صينى وركبه مكان القديم على طول وجربه فترة, مش هتخسر حاجة, ولو عجبك النظام أبقى هات K&n.

وموضوع الماسورة ده أنا مفهمتش أنت عايز تركب الفلتر فين وأزاى.

عايز تركبه فى حوض الموتور من جوه ركبه على الماسورة اللى خارجة من المانيفولد وريح دماغك, عايز تركبه تحت حوض الموتور هتجيب مواسير صرف صحى (بجد مش هزار) وتركبه تحت الحوض علشان يسحب هواء ساقع, أو تجيبله ماسورة أصلى من عند بتاع أكسسوارات بفوق 350 جنيه.

وأنا مركب الفلتر تحت الحوض, ودى صور من عندى, أنت لو عايز تركبه فى الحوض هتركبه على الماسورة السوداء على طول.



ملحوظة: الصور قديمة والمواسير أتغيرت بمواسير أكبر, ونضفت المشروع كله عامة عن الحالة دى.
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.





رد مع اقتباس
  #44  
قديم 12-11-2010, 02:56 PM
mody soft mody soft غير متواجد حالياً
 
تاريخ التسجيل: Nov 2010
المشاركات: 8
mody soft is on a distinguished road
عاجل رد: فلتر الهواء الرياضى, كمان وكمان.


المشاركة الأصلية كتبت بواسطة Injection مشاهدة المشاركة

بص ياباشا, أنت دلوقتى بتقارن بين فلتر ب 65 جنيه وفلتر ب 350 +جنيه, فى رأيك أنهى واحد فيهم هيدى صوت وأداء أفضل من التانى.

محدش قال على الصينى جبار, هو بيعمل صوت حلو, وطبعا بيدى تحسن فى الأداء, الراجل اللى قالك العكس ده بيفتى, أنت شفت الفلتر اللى راكب عندك وقارنته بالفلتر الجديد (صينى أو ماليزى حتى
), أنهى واحد فيهم فى رأيك أحسن للأداء.

الفلتر الرياضى (صينى أو مريخى حتى) عامة أكبر من الفلتر العادى بمراحل, ده لوحده بيسهل دخول الهواء الى العربية ومش بيخنقها زى القديم, ومسامه أكبر من القديم ودى تقدر تشوفها بعينك, وبيدخل هواء أكثر للموتور.


فلتر أصلى




فلتر صينى



من الصور, أنهى واحد فيهم هيخلى الموتور يتنفس بسهولة أكثر؟, الأجابة واضحة زى الشمس.


دلوقتى لو عايز حاجة تديك أداء مضمون وأنت مطمن هات K&n بس أعمل حسابك فى الفلوس, لو عايز تجرب الفلتر وتسمع صوته وتشوفه عمل تحسن ولا لأ هات واحد صينى وركبه مكان القديم على طول وجربه فترة, مش هتخسر حاجة, ولو عجبك النظام أبقى هات K&n.

وموضوع الماسورة ده أنا مفهمتش أنت عايز تركب الفلتر فين وأزاى.

عايز تركبه فى حوض الموتور من جوه ركبه على الماسورة اللى خارجة من المانيفولد وريح دماغك, عايز تركبه تحت حوض الموتور هتجيب مواسير صرف صحى (بجد مش هزار) وتركبه تحت الحوض علشان يسحب هواء ساقع, أو تجيبله ماسورة أصلى من عند بتاع أكسسوارات بفوق 350 جنيه.

وأنا مركب الفلتر تحت الحوض, ودى صور من عندى, أنت لو عايز تركبه فى الحوض هتركبه على الماسورة السوداء على طول.



ملحوظة: الصور قديمة والمواسير أتغيرت بمواسير أكبر, ونضفت المشروع كله عامة عن الحالة دى.

شكراا بجد انتا تعبت نفسك جامد شكراا يا بوب وانا بجد استفت وانشاء هاركبوا واجيب ليكم الصور :D


بس ياريت طريقة التركيب على الافيوا و 128 وهل فى اختلاف فى الفلتر ؟
رد مع اقتباس
  #45  
قديم 12-11-2010, 03:39 PM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
افتراضي رد: فلتر الهواء الرياضى, كمان وكمان.

بص ياباشا, الأفيو مشابه لللانوس فى الموتور, فهشرح على موتور اللانوس أسهلى.



ده حوض الموتور, العلبة السوداء اللى على الشمال دى هى اللى فيها الفلتر, الوش الأسود بتاعها متركب بكليبسات يادوبك بتفكها بأيدك وتشيل الوش وتلاقى الفلتر القديم قدامك.


هتفك الأفيز اللى ماسك الخرطوم اللى رايح على الصندوق (اللى جاى من المانيفولد), وتركب علي الخرطوم الفلتر مباشرة, وتربط الأفيز تانى علشان تثبته كويس.


كده الفلتر ركب, وقدامك طريقتين لتثبيته, ياتسيبه مكان الفلتر القديم فى الصندوق الأسود, ياتشيل الصندوق الأسود خالص والفلتر يبقى مكانه, وده هو اللى المفروض يتعمل.


ومبروك عليك الفلتر.


ودى صورة ب الماسورة الأستانلس, كده هتضطر تشيل الخرطوم بالكامل علشان تركبها مكانها (وفى رأيى مالهاش لازمة وبتسخن بسرعة)


ولو عايز تركبه تحت ده بقى موال تانى خالص, تحت العلبة السوداء اللى أحنا بنتكلم عليها دى علبة تانية وظيفتها تكتم صوت الهواء الداخل للموتور, دى هتتفك وهتركب المواسير زى ما العبد لله عامل بالظبط.




شايف الأختلاف عن الصورة الأولانية, الصندوق أتشال تمام بالفلتر, وتحته كان فى فتحة أسفل حوض الموتور, تحت الفتحة كان فيه صندوق تانى أنا شلته وركبت المواسير والفلتر مكانه.


الأفيو موتورها هيبقى مشابه جدا للى شرحته, والموضوع مش هياخد منك وقت لو هتثبته مكان القديم مباشرة, لكن لو هتثبته تحت العربية هتتعب, بس النتيجة بصراحة عندى تستحق.


أما ال 128 فدى موتورها كاربراتير, ولو رجعت لأول الموضوع, هتعرف أن الفلتر المخروطى ماينفعش يتركب على الكاربراتير مباشرة, الا من خلال خلع العمة وتركيب مواسير مكانها الى مكان أخر لتثبيت الفلتر عليه, أو ممكن تركب الفلتر المشرووم, بس الموضوع فى الكاربراتير مش هيبقى زى ماأنت متصور, الصوت مش هيبقى خيالى ولا الأداء حتى.


الكاربراتير ليه فلتر تانى لوحده نادر وجوده بس ممكن تلاقيه فى الحرفيين, بس يستحسن تغير اللى عندك بواحد جديد وخلاص وهتحس بفرق فى الأداء.
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.






التعديل الأخير تم بواسطة Injection ; 12-11-2010 الساعة 03:49 PM
رد مع اقتباس
إضافة رد

الكلمات الدليلية
موتور, سبور, فلاتر, فلتر, هواء

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:24 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017