اوعى تشترى فلوانس خليجى

[Zizo1]

ارجو حد يفيدنا يا جماعة

[Marlborooo]

الكلام ده مضبوط 100 % قريته في منتديات كتيييييير،
الخليجي الفتيس متاخد من نيسان والماتور اجزاء كتير

الخليجي فتيس وماتور مختلفة عن الوكيل مع اختلافات بسيطة في الشكل

وصيانتها مختلفة

شكرا علي التحذير

[Zizo1]

مهو حد يا جماعة يكلم الميكانيكون العرب او فرينش موتورز ويسألهم عالموضوع ده ؟؟؟؟؟؟؟؟؟؟ ياريت حد يعمل خير ويتصل ويقولنا هنا , زائد اني سألت العربية هنا قلبها كله نيسان يعني مش شرط صيانتها في التوكيل , انا في الامارات حاليا ارجو الافادة

[3bdo]

المشاركة الأصلية كتبت بواسطة Zizo1 في ناس سئلت في فرينش موتورز والميكانيكيون العرب قالوا انهم بيعملولها صيانة, زائد ان العربية من جوه معظمها نيسان, موتور وجير بوكس, بس انا مش متأكد من الكلام ده , ممكن حد يتأكدلنا ؟ بس هو الاكيد ان الوكيل في مصر محروق من الفلوينس الخليجي البتنزل مصر , على الرغم من افضليتها بمراحل عن المصنوعة في تركيا من حيث الجيربوكس وشكل الشبكة الامامية , ارجو الاتصال بالميكانيكون العرب او فرينش موتورز وحد يفيدنا لو سمحتوا لاني في الامارات الان .

الكلام اللى انا كاتبه ده انا جايبه من صفحة رينو على الفيس بوك من خلال متابعتى ليها لقيت ناس كتير بتسالهم على قطع غيار وصيانة الفلوينس بتاعتهم وكاتبين انها خليجى والصفحة ردت عليهم قالت ان مكونات العربية الخليجى غير المصرى ولذلك مش هينفع نشتغل فيها وطبعا مفيش شك ان الخليجى احسن من المصرى من نحية كل حاجة

[AbOnOrA]

انا ضد ابتزاز التوكيلات للناس وفرض عقوبات على اللى يشترى من بره او ينزل بعربيته من بره ومش من حق توكيل انه يعمل كده ابداً والتوكيلات اللى كانت بتعمل كده كان بيترفع عليها قضايا والناس غالباً ما بتكسبها

غير كده زى اى عربيه مع الوقت والانتشار صيانتها بتتحفظ وممكن تعملها بره التوكيل احسن ما بتعملها فى التوكيل نفسه وقطع الغيار نفس الكلام مع الوقت بتنتشر بره التوكيل
ده غير ان الشركات الكبيرة اللى بتنزل خليجى غالباً ما بتبقى مظبطة مراكز خدمة تابعة ليها لخدمة العربيه

ده غير ان ممكن تشترى اى عربيه خليجى وتأمن عليها مع شركات التأمين المكمل وده بيشمل الصيانات والاصلاح

طبعاً فيه ناس مبتحبش تتعب نفسها فى كل ده وعايز يجيب العربيه ويواظب على الصيانات فى التوكيل وبس

لكن اللى عايز يوفر او يجيب مواصفات براحته يشترى من بره التوكيل عادى وفيه ميه حل وصرفه خاصة لعربيه منتشرة زى الفلوانس