للخبراء فقط .. السكودا أوكتافيا أم الرينو فلوانس ؟

[omaralfateh]

السلام عليكم ،،

لو سمحتوا كنت عاوز أسأل عن العربيتين دول

سكودا أوكتافيا
و
رينو فلوانس

أنا ناوي أشتري عربية منهم إن شاء الله .. بس مش عارف أختار أنهي واحدة فيهم .

الأوكتافيا ميزاتها جامدة جدا لكن سعرها عالي أوي
والفلوانس مش عارف درجة انتشارها وجودتها وسهولة بيعها وكدا ...

فإذا كان ممكن مقارنة بسيطة بين إمكانيات كل عربية مقارنة بسعرها .. أو حد يقولي أي عربية فيهم أحسن عن تجربة

وجزاكم الله خيراً

[YahiaAshraf]

بالنسبه للاوكتافيا

الفئة - اوكتافيا فانتازيا
عدد السلندرات - 4
صندوق التروس - مانيوال / Tiptronic
سعة المحرك - 1600 سى سى
قوة المحرك - 102 حصان
طول / عرض / ارتفاع - 4569 / 1769 / 1462

سعة خزان الوقود - 55 لتر
معدل استهلاك الوقود - 7.8 / 100 كم
وزن السيارة فارغ - 1235
انظمة الأمان - ABS - MBA - MSR - ASR
اطارات السيارة - 195/65
الوسائد الهوائية - 2

اسعار موديلات سكودا اوكتافيا فانتازيا 2011

- سكودا اوكتافيا فانتازيا 2011 مانيوال
154.900 جنيه مصرى

- سكودا اوكتافيا فانتازيا 2011 تيبترونيك
171.000 جنيه مصرى

- سكودا اوكتافيا فانتازيا 2011 تيبترونيك سبورت
187.000 جنيه مصرى

- سكودا اوكتافيا فانتازيا 2011 تيبترونيك اليجانس
211.000 جنيه مصرى

- سكودا اوكتافيا فانتازيا 2011 تيبترونيك اليجانس + GPS
213.900 جنيه مصرى

كماليات سكودا اوكتافيا فانتازيا 2011

تكييف هواء - باور استيرنج - سنتر لوك بالريموت مع مفتاح سيارة فولدر - فتح الشنطة الخلفية و غطاء التنك بالريموت كنترول - ضبط و تسخين و طى كهربائى لمرايات الابواب - مع خاصية التعتيم الاوتوماتيكى - مثبت سرعة - عجلة القيادة متعددة الوظائف - ضبط ارتفاع مقعد قائد السيارة - مصباح للقراءة بالمقعد الخلفى - المرايات الخارجية مزودة بمصابيح للاضاءة جانب الابواب - كمبيوتر رحلات - درج الكونسول مجهز بخاصية التبريد للمشروبات - ضبط مستوى عجلة القيادة باربعة اتجاهات - مساحات خلفية وامامية مرنة - فوانيس شبورة امامية و خلفية - اضافة الى فانوس فرامل خلفى ثالث - غلق مصدر الوقود عند التصادم - خمسة مساند للراس يمكن ضبط مستوى ارتفاعها - احزمة امان امامية و خلفية مع ثلاث مستويات ارتفاع - تصفيح اسفل المحرك - رف خلفى مقسم لسهولة وضع الحقائب - راديو - سى دى




بالنسبه للفلوانس

الفئة - فلوانس
نمط السيارة - سيدان
صندوق التروس - مانيوال / اوتوماتيك
سعة المحرك - 1600 سى سى
قوة المحرك - 110 حصان

طول / عرض / ارتفاع - 4620 / 1809 / 1479
اطارات السيارة - 205/65R16
الوسائد الهوائية - 2
انظمة الأمان - ABS - EBD - BAS
سعة خزان الوقود - 60 لتر

اسعار موديلات رينو فلوانس 2012

- رينو فلوانس 2012 مانيوال E 1
122.000 جنيه مصرى

- رينو فلوانس 2012 اوتوماتيك E2
132.000 جنيه مصرى

- رينو فلوانس 2012 أوتوماتيك E3
142.000 جنيه مصرى

- رينو فلوانس 2012 أوتوماتيك هاي لاينE3
167.000 جنيه مصرى

- رينو فلوانس 2012 اوتوماتيك E3S
150.000 جنيه مصرى

كماليات رينو فلوانس 2012

دعامات في الأبواب للحماية من اخطار الإصطدام الجانبي - مساند رأس يمكن تعديل ارتفاعها و ميلها 4 أوضاع - أحزمة أمان ذات نقاط تثبيت ثلاثية يمكن تعديل ارتفاعها - نظام إيموبيليزر للحماية ضد السطو و السرقة - تكييف هواء اوتوماتيكي - نظام غلق مركزي - مخارج خلفية للتكييف - إمكانية التحكم في وضع عجلة القيادة - مصابيح ضباب في الأمام -رؤية الجانبية يمكن ضبطها كهربائياً - نظام مثبت سرعة ديناميكي مع نظام محدد للسرعة - مسند يد أمامي مزود بصندوق تخزين و حامل أكواب- درج تابلوه مزود بإضاءة و تبريد فقط مع تكييف أوتوماتيكي - نظام المساعدة في صف السيارة






الاوكتافيا انتشارها اكتر من الفلوانس و سعر اعاده بيعها افضل شويه

بالنسبه لقطع الغيار
معرفش الصراحه

و ده كل اللى اقدر افيدك علشان مفتيش كلامى يطلع كله غلط

تحياتىىىىىىىىىىى

[omaralfateh]

جزاكم الله خيرا يا باشا بصراحة انت اديتني معلومات كتير أوي مفيدة جدا عن العربيتين

واضح إن حضرتك بتميل للأوكتافيا

بس تنصحني أنا بإيه ؟

أنا طبيب ومحتاج عربية عائلية مش للسباق وكدا

يعني أهم حاجة تكون واسعة من جوا ومريحة وعوامل الأمان فيها عالية

مين في العربيتين دول أحسن ؟

[Andrew_97]

المشاركة الأصلية كتبت بواسطة omaralfateh جزاكم الله خيرا يا باشا بصراحة انت اديتني معلومات كتير أوي مفيدة جدا عن العربيتين واضح إن حضرتك بتميل للأوكتافيا بس تنصحني أنا بإيه ؟ أنا طبيب ومحتاج عربية عائلية مش للسباق وكدا يعني أهم حاجة تكون واسعة من جوا ومريحة وعوامل الأمان فيها عالية مين في العربيتين دول أحسن ؟

بالتسبة للمساحة الفلوانس اوسع لكن الاوكتافيا اكبر فى الشنطة بحوالى 30 ليتر بس بردو الفلوانس شنطتها واسعة 530ليتر و الوكتافيا 566ليتر