العودة   مصر موتورز مجتمع السيارات > السيارات الكورية والماليزية > كيا KIA

كيا KIA احد اعمدة عملاق الصناعة الكورى اندمجت مع هيونداى لتصبح اكبر مجموعة فى كوريا الجنوبية بينما بدات باعادة تجميع موديلات مازدا القديمة من اشهر الموديلات بيكانتو - سيراتو - ماجنتيس - كارينز - ريو - اوبيروس - كارنفال - سورانتو


إضافة رد
 
أدوات الموضوع
  #1  
قديم 27-09-2008, 03:27 PM
ahmed_su ahmed_su غير متواجد حالياً
عضو ذهبى
التخصص العملى: IT Consultant Engineer
 
تاريخ التسجيل: Jun 2008
الموقع: القاهرة
المشاركات: 106
ahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond repute
Angry مشكلة مع توكيل Eit - رب ضرة نافعة


الموضوع ده حصلى من كام يوم بس حبيت اكتبه لم اوصل لنهايته لانى كنت متضايق جدا



اسيبكم مع الموضوع

فى يوم كنت بافحص مستوى الزيوت وسؤال التبريد والفرامل ...الخ فى السيراتو

واكتشفت ان مستوى زيت الفتيس الاتوماتيك اعلى من الطبيعى على تدريج عصا القياس فى الحالتين (البارد والساخن) بمقدار 5سم

وكمان وجدت زى رشح زيت على بطحات المساعدين الاماميين ومن اسفل ايضا فوق العجل من الخارج , طبعا اتعكننت جدا ,انا مش حاسس بأى تقصير فى عمل المساعد امال الرشح ده جاى منيين ؟؟!!!

طبعا قلت اجرب النمرة الجديدة للتوكيل 19kia وكلمت الكول سنتر فالراجل بكل ترحاب بعد ما سمع المشكلة قال حضرتك تتفضل بكرة علشان نطمن على العربية - طبعا انا تفجأت لسرعة تحديد موعد- وطلبت منه يؤجل الموعد لبعد الغد لارتباطى بمواعيد عمل وبالفعل حجزت موعد فى اليوم الذى يليه الساعة 10 صباحا وادانى رقم الحجز

ذهبت فى الموعد المحدد واما البوابة سئلنى الامن عن الاسم وقلتلوه اسمى ورقم الحجز فراجع دفتر معاه وفتح البوابة وقلى اتفضل ....واتفضلت

ركنت العربية فى ساحة مخصصة وكان المكان تقريبا فاضى الا من عدة عربيات يتعدو على صوابع اليد الواحدة , دخلت الى الاستقبال وقابلت احد مهندسى الاستقبال اللى طلب منى رخصة العربية وشيك على رقم الحجز وسئلنى ... ايه المشكلة وحكيت له فابدى استنكاره الشديد بقولى المساعد من حواليه زيت وجاوبنى بكل قرف "زيت !!!!" اذا كان المساعدين دى غاز اساسا - الحقيقة استفذنى اسلوبه جدا -ptmnlo123per195 وقلتله بكل سخرية معلش اعذر جهلى بنوع المساعدين , انا عندى مشكلة والمفروض انك تبص عليها - طبعا هو لاقى اسلوبى كده راح اعتذر وقالى لا ابدا يا افندم اتفضل ورحنا على العربية فى مكان الخدمة السريعة مش فى الورشة الرئيسية ونادى احد الفنيين وفتحو الكبوت ولما شاف الزيت قالى لاء ده بخار الزيت والشحم اللى موجود على الكرتيرات علشان تحمى العربية اتناء الشحن ومع سخونة الموتور بيسيل وبيتكون عليها تراب (بينى وبينكم ماقتنعتش بس قلت عديها طالما المساعد سليم)

وخلى الفنى يفحص مستوى الزيوت ولاقى مستوى زيت الفتيس عالى وقال انه مش مؤثر قلتله مش مؤثر ازاى اذا كان مانيول السيارة بيوصى ان مستوى الزيت يكون لا اقل ولا اكثر ؟!! فقلى خليها ملحوظة عند صيانة الـ5000 كم .... حاجة غريبة مانا هنا والمشكلة موجودة ليه استنى صيانة الـ5000 كم فقال علشان تكون جمعت كل الملاحظات على العربية – مش عارف ايه اللى خلانى سكت – ولقيت الفنى بيقس مستوى زيت الموتور وبيقول ده ناقص شوية هو حد لعبلك فى العربية طبعا انا كنت هاولع وقلتله انت بتقول ايه العربية زيرو وعاملة 1500 كم انت اول واحد يلمسها وبعدين هو حد يقيس زيت الموتور والعربية سخنة وجاية من مشوار طويل مش المفروض تصبر عليها شوية يكون الزيت وصل لمستواه علشان تعرف تقيسه .



فرد مهندس الاستقبال وقال لاء بسيطة زودله الزيت ومستوى سائل التبريد وكمان علشان اطمنك على العربية.... شغل الرفعة ودخلنا تحت العربية وبيقولى شايف العربية زيرو (بالذمة انتم ردو اقوله ايه ) سكت وقاى تعالى اعملك تصريح خروج.

شكرته وادانى التصريح ورحت لاقيت الفنى مقفل العربية وكل حاجة تمام ومع السلامة ياباشا ... خدت العربية ومشيت وانا مش مبسوط قوى من مستوى المهارة وطريقة تعاملهم مع الامر ptmnlo123per144



قفلت الازاز وشغلت التكيف ومع صوت الاخ جورج واصوف من سي دى العربية ابتديت الرحلة من ابو رواش الى مدينة نصر مقر شغلى حوالى حوالى 48 كيلو ووصلت وركنت .... والساعة 6 مروح ...



بادور العربية صوتها غريب المهم ركبت وخليت الازاز مفتوح وكل مادوس بنزين صوت عالى كأن الشكمان مخروم ... ايه الحكاية .... كملت شارع الطيران وقلبى وجعنى من الصوت الغريب رحت راكن وبطلت العربية وبفتح الكبوت ....... وعنيكم ماتشوف الا النور ........... الفنى المحترم سايب غطاء الزيت مفتوح وحطه على فبرة الموتور (كويس انه موقعش ) وزيت الموتور غرق الدنيا انا جالى هلع مغولى وقلت يادى المصيبة اعمل ايه الموتور راح ولا ايه ... المهم ربنا صبرنى وهديت شوية علشان اعرف اتصرف استنيت حوالى 10 دقائق والعربية ملحقتش تسخن اصلا واستهلكت الوقت فى تصوير العربية بالموبيل علشان كنت ناوى اعمل ميل زى الزفت للشركة الام مرفق فيه الصور , وقست مستوى الزيت ..الحمد لله قرب الرينج الحمد لله ان الفنى الحمار زود زيت بزيادة ... قفلت غطاء الزيت وجففت اللى اقدر عليه من بحيرة الزيت بواسطة الكلينكس ودورت الحمد لله الموتور صوته نعم تانى زى الاول , كان صوته عالى علشان غطاء الزيت كان مفتوح . ptmnlo123per111



رووحت وانا كاره نفسى والعربية والتوكيل ده عمر الميكانيكى العادى ماعمل معيا حركة زى دى





كلمت الكول سنتر وسئلتهم عن اسم مدير مركز الصيانة وادونى اسمه ومواعيد عمله وسئلونى اذا كان عندى مشكلة فقلت لاء انا هكلم مدير الصيانة بكرة فى مواعيد عمله اصرو يعرفو فيه ايه فحكيت لهم فاعتذر بشدة وطلب من ان اتفضل بكرة لفحص العربية فقلتله انا مش فاضى كل شوية اخد اذن من شغلى انا هكلم الراجل بكرة ولما اشوف .



تانى يوم الساعة 9 كنت بكلمهم وعاوز اكلم مدير الصيانة وبعد فترة قالولى هو مش على مكتبه وهو هيكلم حضرتك فى خلال ربع ساعة ...فعلا الراجل كلمنى بعد ربع ساعة وعرفته بنفسى وقلتله لو قتك يسمح اشرحلك الموضوع او الافضل ابعتهولك ميل فقلى اتفضل وكان صبور وسمع كل التفصيل والراجل الحقيقة كان خجلا جدا واعتذرلى بشدة واكثر من مرة وطلب منى ان ارسل له فاكس بكل التفاصيل وهو هيكلمنى بعد ربع ساعة



فعلا بعت له الفاكس ولقيت تليفون بعد نصف ساعة ولقيت مهندس بيعرفنى بنفسه واسم فلان الفلانى مدير الورش والذى اعتذر بشدة واكثر من مرة وابلغنى انهم قامو بفصل الفنى واعطاء جزاء لمهندس الاستقبال بعد تحقيق سريع فقلتله يابش مهندس انا مش هدفى قطع عيش حد او جزاء لاى حد انا عربيتى تعرضت للضرر ولن يفدنى جزاء المهمل مش قضيتى فقلى لاء دى رولز الشركة قلتله على عينى وراسى رولز الشركة المهم عربيتى انا و ان سبب شرائى ليها فى الاساس سمعة الوكيل يطلع الموضوع كده مافيش اى احتراف !!!!... فقلى انا هاجى بنفسى بعربية الصيانة السريعة ونعمل كل اللازم حتى الموتور هنغسله بالفوم و...الخ , بس بعد مواعيد الدوام الرسمية علشان انا مصر اجى بنفسى واطمنك على العربية ولو فيها اى حاجة اوعدك هنديلك عربية لحد مانكشف على العربية ونرجعهلك زى الفل وانا متأكد انها مافيهاش اى حاجة فقلت له طيب وانا مش مقتنع



انتظرت حتى الساعة 8 مساء وجدت مهندس اخر يطلبنى لتحديد مكان يجلى فيه وقلتله العنوان وكان عندى بعدها بنصف ساعة وراكب عربية سيراتو مكتوب عليها كيا سيرفيس وبعد مزيدا من الاعتذارات ان مهندس فلان ارتبط بعمل مهم وانه مكانه... وقام بفتح كبوت العربية ووجد الموتور وكل مكوناته غرقانة بالزيت فقام بفك الفبرة اللى بتغطى الموتور وقام بتجفيف الزيت بواسطة فوطة فأنا اضيقت جدا وقلتله مع احترامى ليك انا كان ممكن اعمل كده مش ده اللى قال عليه المهندس فلان وبعدين الدنيا ضلمة وفين الفوم ...؟ الحقيقة انا مستاء جدا... فقلى الافضل انك تيجى المركز علشان نكشف على العربية ونغسل الموتور صح ..طيب ياجماعة مقلتوش ليه كده من الاول ...مش عاوزين نتعب حضرتك ؟؟؟!!!!



وحددت موعد يوم السبت (امبارح) ورحت الساعة 12 قابلنى مدير مركز الخدمة بمزيدا من الترحاب والاعتذارات واجلسنى فى مكتبه وكان يوم مزدحم بالعملاء وطلب من احد مهندسى الاستقبال ادخال العربية فورا وسئلنى هل فيه اى شكوى تانى بخلاف اللى حصل فقلت لاء وطلبلى نسكافيه واتكلمنا شوية على ان الموضوع اول مرة يحصل ودى اخر مرة ...الخ وان الوكيل عامل مفجاءة ان هينزل سيراتو 2009 بس شكل جديد ومش هى الفورتى وهى دى المفجاءة ... ...الخ



وبعد نصف ساعة قالى تحب تتفرج على العربية فقلتله ياريت دخلت الورشة الرئيسية وكانت العربية مرفوعة على الرافعة وفرجنى على كل حتة فيها وقابلت مدير الورش اللى كلمنى قبل كده ورحب بى وقلى اننا شيكنا على جزء فى الموتور وكل حاجة تمام وطلما لمبة الزيت منورتش فامفيش اى ضرر وعملو فحص بجهاز الاسكانر وغيرولى الزيت وكل ده امام عينى وكنت مستمتع جدا بمستوى الورشة العالى واحترافية الناس هناك بعد ان شكيت فيهم الحقيقة .

ونزلوها من على الرافعة وغسلو الموتور بالفوم ورجع انضف من الاول وقلى مدير مركز الخدمة نقعد فى المكتب علشان الحر على مالعربية تتشفط بالهوفر وتتغسل



وسبنى وبعد نصف ساعة لقيت مهندس بيدينى اذن خروج وقالى دقايق وتقدر تستلم عربيتك يافندم شكرته ولقيت فى الوصل التكلفة زيرو وخرجت علشان استلم العربية لقيت مدير مركز الخدمة بنفسه جاى سايق العربية انا الحقيقة مصدقتش ان ده فى مصر ونزل وادانى المفتاح وقالى انا عملت دبل تشك بنفسى واحنا بنعتذر لحضرتك مرة تانية ولو فيه اى حاجة ماتترددش انك تكلمنى طبعا شكرته جدا على اهتمامه وحسن ادارته للموضوع

والراجل الحقيقة فضل واقف وبيودعنى وانا خارج فله جزيل الشكر.

والنهاردة بعت له فاكس اشكره على جهده وهو الحقيقة راجل يستحق ... والحمد لله الواحد بقى معروف فى ابورواش وكسبنا معرفة هناك...... وفعلا رب ضرة نافعة. ptmnlo123per1127


كل سنة وانتم طيبين
رد مع اقتباس
  #2  
قديم 28-09-2008, 06:47 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,066
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: مشكلة مع توكيل Eit - رب ضرة نافعة

فعلا رب ضارة نافعة

بص يا استاذ احمد اللى حصل ده ليه معنيين مهمين اوى يفسروا جزء كبير جدا من واقع وحال التوكيلات فى مصر

اولا . ان مهما كان التوكيل كويس فهو عرضة للمشاكل الناتجة من تردى حال الفيين المتخصصين فى السيارات فى مصر ككل

ومع احترامى للعامل المصرى الذكى المجتهد بس ممكن عامل تانى اقل ذكاء يكون اكثر حرصاً ونظاماُ ودراسة وممارسة فى شغلة وشوفوا العيال الهنود بتشتغل ازاى فى توكيلات الخليج

ثانياً . ان ادارة التوكيل اكيد من مجمل الموقف ادارة محترمة وحاطة رضاء العميل فى اولوياتها بس ده برضو لا يمنع ان المهندس اللى جايلك ينسى يحط علبة الفوم فى العربية او ان مهندس الاستقبال يتعامل مع العميل بالردود الساذجة ديه

من ضمن المواد اللى بتدرس فى مناهج اعداد الدعم الفنى للكمبيوتر ان المهندس يتعلم ازاى يتكلم مع العميل وموصلهوش مثلا استغرابة من المشكلة او حيرتة فى سببها او يدخلوا فى تفكيرة فى احتمالات حصول المشكلة (troubleshooting)


وده اللى بيخلى من الافضل ان التعامل مع العميل يبقى من خلال مهندس الاستقبال اللى المفروض اللى بيميزة عن مهندس الورشة قدرتة الافضل فى التواصل مع العميل

فاجمالا من مشكلة حضرتك ديه التوكيل فعلا محترم ومواردة كافية للتعامل مع حجم مستهلكى السيارة حالياً ويمكن زيادة كمان بس لازم تبقى فيه شوية منغصات تنطبق على حال كل التوكيلات زى ما وضحت

وحمد لله على سلامة السيراتوا يا باشا وربنا يباركلك فيها يارب دائماً ptmnlo123per122

__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #3  
قديم 28-09-2008, 11:08 AM
ahmed_su ahmed_su غير متواجد حالياً
عضو ذهبى
التخصص العملى: IT Consultant Engineer
 
تاريخ التسجيل: Jun 2008
الموقع: القاهرة
المشاركات: 106
ahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond repute
افتراضي رد: مشكلة مع توكيل Eit - رب ضرة نافعة

متشكر يامعالى الباشا على ردك الجميل

بس اسمحلى اعلق على نقطة ان العامل المصرى مش مجتهد ولا حاجة وان كان يتميز بالذكاء

مش بيستخدمه فى اجادة مهنته وانما بيستخدمه فى الفهلوة

وزى مابتقول حضرتك ممكن عامل اقل ذكاء بس ماشى فى منظومة بتخليه مايغلطش وان غلط بيتحاسب

وده دليل نجاح المصرى اما تكون الادارة غير مصرية لانه بيمشى زى مالمنظومة عايزة واذا غلط فالجزاء رادع

متشكر على تفاعلك - كل سنة وانت طيب
رد مع اقتباس
  #4  
قديم 18-10-2008, 12:37 AM
محمد خيرى حسن محمد خيرى حسن غير متواجد حالياً
 
تاريخ التسجيل: Oct 2008
المشاركات: 6
محمد خيرى حسن is on a distinguished road
افتراضي رد: مشكلة مع توكيل Eit - رب ضرة نافعة

السلام عليكم
المهم العربيه وصل عداد الكيلو متر معاك كام وايه الاخبار حلوة ولا مو حلو طمنى
احسن انا عايز اجيب سوراتو بس سمعت ان اسعار قطع الغيار مولعه وغير موجوده
ايه رئيك فى الكلام دة ولك منى كل الشكر
رد مع اقتباس
  #5  
قديم 19-10-2008, 11:09 AM
الصورة الرمزية islam_galal
islam_galal islam_galal غير متواجد حالياً
من انا؟: عبد من عباد الله
التخصص العملى: Mechanical Engineer
 
تاريخ التسجيل: May 2008
الموقع: Alexandria
المشاركات: 2,442
islam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond repute
افتراضي رد: مشكلة مع توكيل Eit - رب ضرة نافعة

أنا لسة شايف الموضوع النهاردة
جزاك الله خيرا يا ahmed_su عل الموضوع ده
أنا مش مصدق إن في توكيلات بتتبع سياسة احترام العميل بالشكل ده

بس الفهلوة مفيش فايدة فيها (الزبون ساذج حتي يثبت العكس و طالما ساذج يبقي مالوش حق و نشتغله كمان)
__________________

مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
رد مع اقتباس
إضافة رد

الكلمات الدليلية
eit, kia

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:43 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017