دايهاتسو جراند تريوس (تقرير شامل)

[TheSantos128]

المشاركة الأصلية كتبت بواسطة ابو محمد المصري اولا تحياتي للجميع لأن دي اول مشاركة لي حيث أعمل في السعودية ........ انا ملاحظ حاجتين في التقرير المرفق و صوره ....حيث ان انا شخصيا معايا التيريوس 5راكب اللي هي 4wd ولونها silver metalic بالضبط زي المتصورة لكن انا ملاحظ ان الدركسيون شكله مختلف فهو له اربع اذرع مش تلاتة زي اللي عندي (و هي 2009 موديل ) التانية ان اللي اعرفه هو ان الجراند دفع خلفي فقط مش رباعي فهل ياترى عندنا في مصر عربية الوكيل وعلى ذكر الوكيل الوكيل في السعودية و مصر هو واحد عبداللطيف جميل . العربية وجهة نظري فيها اولا عالية يعني تنفع في المقبات اللي زي الكاللو اللي في شوارعنا في مصر و ركوبة كويسة تكييفها كويس بس انا أخد عليها فعلا حتة الـــstsbility دي عند التعرض لمطبات مش حلوة بمعنى لازم تكون صاحي وانت سايق لكن لو relax كده و فاكك و جالك مقب او مطب و انت بسرعة - سرعة يعني فوق ال80 مثلاً - العربية بتعوم منك لحظات لكن لازم نتفق على حاجة اسمحولي المفروض ان الواحد - العادي - مننا جايب العربية عشان يقضي بيها مصالحه مش عشان يدخل بيها رالي الفراعنة و بالتالي اخوتنا الشباب اللي غاويين جري بسرعة فائقة و خمسات وكلام من ده اكيد مش هتعجبهم انا شخصيا مبسوط منها جدا خاصة ان كل يوم بيمر بتاخد عليها اكتر و اكتر تحياتي

شكرا جدا للمعلومه يا استاذ ابو محمد بس كنت حابب اعرف شويه حاجات صغيره:
1- ال 5راكب اللى مع حضرتك يابانى 100%؟
2-هى 4*4 ولا زى اختها ال7 راكب دفع خلفى؟
3-الفول اوبشن الاتوماتيك بكام؟
4-عامله ايه معاك؟؟

وشكرا جدا

[BASSEM BESO]

الموتور صغير جدااااااااااااااااااااااا اااااااااا عليها لو 2000 سى سى تبقى تحفة

[د/حسام]

وشبابية

مشكووووووووووووووووووووور

[محمد حسن عبد الفتاح]

الاخوة الافاضل ...
كل عام و انتم بخير ...

، قرأت كل التعليقات أعلاه و متفق مع الجميع فى الاراء ، و وجه الاستغراب أننى متفق مع وجهات النظر أعلاه ( المؤيد - المعارض ) أننى أعمل فى شركة عبد اللطيف جميل بالمملكة السعودية منذ 3 سنوات و خصوصا بالدايهاتسو
فأنا مؤيد ... من حيث أنها سيارة عائلية بمواصفات اقتصادية .
و بأيد المعارض بأنها ليست سيارة صحراء بل أظن أنها صممت خصيصا للمصرين
و فى حالة طلب المساعده أو الامداد عن المواصفات الخليجة نأمل الاتصال على شخصيا أوبل المراسله على الايميل الشخصى .ah111333@yahoo.com

[محمد مصر]

السلام عليكم ورحمة الله وبركاته

أولا : أحب أعرفكم بنفسي ، مهندس مدني ، أعمل بأحدي دول الخليج ، ومن ملاك هذه السيارة ذات 5 أفراد ،

السيارة موديل 2008 فضي ، دفع رباعي ، السيارة ياباني ، ياباني ،

وإلي الآن لا أجد مشكلة إلا في بعض الأوقات في السحب فقط ، عندما يكون التكييف يعمل وخصوصا في فترة الصيف ،

أما في الشتاء الحقيقة السيارة سحبها عادي جدا ، ومريح ، وزي الفل بجد ،

سيارة عملية جدا جدا ، ومن رأيي الشخصي أفضل سيارة للشوارع المصرية ،

طولها أقل بقليل من الأكسنت ، وعرضها نفس العرض ، عاليا جدا جدا ،

يعني من الآخــر تمشي في شوارع مصر المحروسة وأنت مغمض ، ومش تخاف من

حفرة في الشارع أو بير مجاري مفتوح ، أو المطبات الغبية بتاعتنا ،

يعني من الآخــر العربية عادية جدا جدا ، لكنها جيب بس هو ده الفرق ، وده اللي كل المصريين بيدورا عليه ( عربية عالية مش واطيــه )

لكم تحياتي جميعـــــا