ازاي تقنع البوب او الحاج او ابوك بانك تجيب موتوسيكل؟؟؟؟

[Jack Box]

ههههههههههه طبعا كتير مننا نفسهم يجيبوا موتوسيكلات وابوهم بيرفض تماما الخطوات بقي اللي جايه دي ازاي تقنعه مهما كانت شخصيته صعب زي ما انا كنت بعاني زمااااان والتجارب شخصيه ومجربها بنفسي وقولت لزمايلي عليها ومجربينها كويس وجايبه نتيجه زي الفل.


خطوات اقناع المعلم :
1- تملي حيطه الاوضه بتاعتك بصور الموتوسيكلات .
2- طول اعدتك ادام التليفزيون تبقي عروض موتو جي بي بس خلي بالك ميكونش فيها حوادث عشان ميرجعش لعقله.
3- لو بيقعد علي الجهاز بتاعك حط كل يوم باك جراوند شكل اظرفوا خلفيات موتوسيكلات .
4- كل ما تحس انه داخل عليك الاوضه شغل فيديو موتوسيكلات او العب جيم رود راش مثلا .
6- خلي حد من اصحابك يتصل بيك في مره وانتا جمبه واعدوا اتكلموا عن اي حاجه في الموتوسيكلات المهم ياخد باله من كلامك .
7- لو بتشتغل حسسه انك بتشيل فلوس عشان الموتوسيكل .
8- زق ست الحبايب عليه كل شوية .
9-هاتلك تي شيرتين عليهم موتوسيكل او اتصور علي موتوسيكل من بتوع اصحابك واطبع الصوره علي تي شيرت ( علي فكره تجربه مقنعه جداااااااااااااا).
10- روح طلع الرخصه قبل ما تجيب الموتوسيكل وفاجاه انك طلعتها وقوله اصل جت ادامي فرصه .
11- اهم حااااااااااجه طول مانتا ماشي معاه في الشارع وعدي من جمبك بايك اقعد بص عليه ولو راكب جمبه العربيه طلع دماغك من الشباك لحد ما الموتو يختفي عشان تحسسه اد ايه انتا متعلق بيه.
12 - لو المساله معجزه مع الحاج في الفلوس اطلب منه انه يدخلك جمعيه .
13- حاول تجيب خوذه بتاعه واحد صاحبك تحطها يومين كده منظر في البيت .
14- خد الحاج علي حجرك اليومين دول اوي وكل واحد عارف يدخل للكينج منين وشيل بقي النغمه اللي انتا مخصصهاله علي الموبايل اللي هي ( ابويا اتحرق هي هي ابويا اتحرق - او سرينه الحكومه وخلافه ) وحطله اغنيه هو بيحبها وخليه يسمعها.

دول بقي الوصايا ال 14 عن تجربه شخصيه وخليت اصحابي يجربوها ونجحت جداااااا النصايح دي من دمااااااغي كلها والله بتجيب من الاخر ....... ها مين اول واحد اقنع البوب ..........

ههههههههههههههههههههههههه ههههههههههههههههههههههههه هه


والله انتا ملكش حل يا جاك

بس ممكن ابويا ايام ما كنت بفكر اشتريه لو عملت معاه كدا كان بظهر ايده علي دماغي وكان حطلي نغمة ده عند امه يا ادهم

[Injection]

فعلا أستاذ ياجاك, دى مش مشكلة شخص, دى مشكلة جيل بحاله, والأب أو الأم تقوله موتوسيكل وشه يضرب ألوان وتحس أنك بتقوله هاتلى مسدس العب بيه أو شيلنى أرمينى فى البحر.

المشاركة الأصلية كتبت بواسطة corsair ههههههههههههههههههههههههه ههههههههههههههههههههههههه هه والله انتا ملكش حل يا جاك بس ممكن ابويا ايام ما كنت بفكر اشتريه لو عملت معاه كدا كان بظهر ايده علي دماغي وكان حطلي نغمة ده عند امه يا ادهم

هههههههههههههه, الوالد شكله بيعزك قوى, ههههههههههه.

[احمد بدر1978]

المشاركة الأصلية كتبت بواسطة corsair ههههههههههههههههههههههههه ههههههههههههههههههههههههه هه والله انتا ملكش حل يا جاك بس ممكن ابويا ايام ما كنت بفكر اشتريه لو عملت معاه كدا كان بظهر ايده علي دماغي وكان حطلي نغمة ده عند امه يا ادهم

مش لوحدك دى العربية ماكنش عايزنى اسوقها عشان اسلوب سواقتى ايش الحال لو كنت اقولة موتوسيكل

[hazem_khidr]

انا لو كنت بفكر في الريس دا وعملت اللي بتقوله مع والدي
كان زمانه رماني من البلكونه