رأيكم معايا فى افضل نوع كاوتش للفانتازيا

[طارق عبد السلام]

المشاركة الأصلية كتبت بواسطة ahmed_zamalek7 بص حضرتك حدد الاول حضرتك هتدفع كام يعنى مثلا حضرتك حاطط ميزانيه مثلا 1200 للفرديتين يبقى هتكلم على فرده بى 600 يبقى حضرتك مثلا هتكلم فى رود استون ده عندى انا مركبه كوتش محترم جدا الصراحه وفرامله كويسه قوى وصوته مش مزعج ومع السرعات كويس حضرتك هتذود هتتنقل لى فئه اعلى المهم مقدرت حضرتك الماليه ومحدد ميزانيه كام

الحمد لله اخى الفاضل انا منتظر ردودكم وان شاء الله مش هيفرق السعر بس لانى كنت بتعامل مع كاوتش 13 قبل كده فطبعا حاسس ان السعر عالى
يعنى الاربع فرد بثمن فرده او اتنين من ال16
وبردوا الكاوتش مهم
والاكثر انى لسه مرخص العربيه وعندى صيانه 60 كمان 5 الاف وحاسس ان كل دى مصاريف زايده
بس الكاوتش عادى مش هتفرق بس بردودكم انتم وخبراتكم
وبردوا ايه الفرق الكبير بين الكمهو والبيردجستون الكبير ده ده اكثر من النصف
وشايف ان الاخوه بيشكروا فيه وانا ميال له بس عايز تجارب
والنقشه اللى حضرتك منزلها دى كاوتش نوعه ايه هل هو جود يير

[طارق عبد السلام]

المشاركة الأصلية كتبت بواسطة eng/walaaeldeen السلام عليكم مادام هتجيب فرده تقدي الغرض فكر في الGT الأندونيسي والله المستعان

اهلا يابشمهندس نورت الموضوع يا ابو الغالى ربنا يبارك لك فيه
هو انا مضطر اجيب فردتين لتوحيد النقشه مش معمول الفردتين اللى ورا يبقوا نقشتين مختلفين هيعمل صوت مش مستحب وبردوا غلط
وسعر الجى تى كم لو حضرتك تعرف

[ahmed_zamalek7]

المشاركة الأصلية كتبت بواسطة tarek/ الحمد لله اخى الفاضل انا منتظر ردودكم وان شاء الله مش هيفرق السعر بس لانى كنت بتعامل مع كاوتش 13 قبل كده فطبعا حاسس ان السعر عالى يعنى الاربع فرد بثمن فرده او اتنين من ال16 وبردوا الكاوتش مهم والاكثر انى لسه مرخص العربيه وعندى صيانه 60 كمان 5 الاف وحاسس ان كل دى مصاريف زايده بس الكاوتش عادى مش هتفرق بس بردودكم انتم وخبراتكم وبردوا ايه الفرق الكبير بين الكمهو والبيردجستون الكبير ده ده اكثر من النصف وشايف ان الاخوه بيشكروا فيه وانا ميال له بس عايز تجارب والنقشه اللى حضرتك منزلها دى كاوتش نوعه ايه هل هو جود يير

ديه نقشه كاوتش road stone n900 انا لسه مغير الاربع فرد قريب وجبتهم النوع ده كانت حاطط ميزانيه 600 للفرده وجبتهم دول عشان كده كنت بقول لحضرتك حدد الفرق بيبقى فى الخامات اكيد ثبات الكاوتش نظامه ايه فى الملفات احتكاكه بى الارض ازاى وده بيتفسر بى الرموز على الكاوتش وده اليفرق فى السعر

و ديه كل الرموز اللي هنلاقيها ع الكاوتش سواء مؤشر الاحتكاك او السرعة القصوي او..او ...الخ..الخ


السرعة القصوي لكل رمز
150 كم ساعة P
160 كم ساعة Q
170 كم ساعة R
180 كم ساعة S
190 كم ساعة T
200 كم ساعة U
210 كم ساعة H
240 كم ساعة V
270 كم ساعة W
300 كم ساعة Y
300+ كم ساعة (Y(Y
+240 كم ساعة Z

نوعية الكاوتش محددة بالرمز
P - كاوتش العربيات الملاكي
LT - كاوتش النقل العادي
C -كاوتش المقطورات

تصميم الكاوتش
R - كاوتش بطبقات الاحزمة الفولاذية
B - كاوتش بطبقات من الاحزمة النسيجية

الاحتكاك
يعني القدرة ع الاحتكاك بالاسطح
الرموز
AA - A - B - C
اكبر معدل احتكاك AA
اقل معدل احتكاك C

مقاومة الحرارة
الرموز
A - B - C
اعلي مقاومة A
اقل مقاومة C

منقول للامانه

[tamer.koko]

ياطارق الكومهو اللي حضرتك بتقول سعرها دي اتأكد انها كوري لان ده سعر الكومهو الفيتنامي
وشوفها هي v ولا w وفهمني انت عاوز تغير الاربعه ولا عاوز تغير 2 واو هتغير الاربعه عشان النقشه فبقولك موضوع النقشه مش هيفرق لو ال 2 الجداد زي بعض وركبوا قدام
انا خبره في الكاوتش ال 16 من سنه 2008 وانا راكب عربيات كلها 16 55/205 ودلوقتي معايا الالنترا والكورولا الاتنين نفس المقاس واتهريت شرا ماركات مختلفه

[طارق عبد السلام]

المشاركة الأصلية كتبت بواسطة tamer.koko ياطارق الكومهو اللي حضرتك بتقول سعرها دي اتأكد انها كوري لان ده سعر الكومهو الفيتنامي وشوفها هي v ولا w وفهمني انت عاوز تغير الاربعه ولا عاوز تغير 2 واو هتغير الاربعه عشان النقشه فبقولك موضوع النقشه مش هيفرق لو ال 2 الجداد زي بعض وركبوا قدام انا خبره في الكاوتش ال 16 من سنه 2008 وانا راكب عربيات كلها 16 55/205 ودلوقتي معايا الالنترا والكورولا الاتنين نفس المقاس واتهريت شرا ماركات مختلفه

الكومهو كورى (v)
انا عايز اغير الفردتين ورا
الفردتين قدام جداد بريدجستون يابانى
وعايز خبرتك فى الكاوتش ال16 افضل نوع ركبته ومهم عندى موضوع الصوت
لان عزل الفانتازيا مش قد كده