مشوارنا مع السواقه ( للدردشه والاستفادة )

[نبيل عبدالرحمن]

ربنا معاكى ويستر طريقك ويسلمك من كل سوء ، وعلى فكرة فى ستات بيسوقوا أحسن من الرجاله

[Om Marem]

المشاركة الأصلية كتبت بواسطة نبيل عبدالرحمن ربنا معاكى ويستر طريقك ويسلمك من كل سوء ، وعلى فكرة فى ستات بيسوقوا أحسن من الرجاله

جزاك الله خيرا على مرورك بجد اسعدنى دعوة حضرتك حسيت ان والدى اللى بيتكلم ربنا يبارك فى حضرتك
اعتقد السواقه مش بتفرق من راجل لست اللى بيفرق انسان متعلم صح وانسان متعلم غلط وللاسف اول كلمه اتقالتلى لما بدات اتعلم انى لازم اعرف قواعد المرور وانساها خالص وانا بسوق جوة مصر هههههههه بس انا الحمد لله بطبقها تقريبا بالحرف وبتشل لما الاقى واحد بيعدى منى من على اليمين وخصوصا فى الملفات بجد ببقى عايزة انزل اضربه لان دة كان اول درس اتعلمه من بابا وانا صغيرة خالص لما كنت بركب معاة واقوله ما تعدى العربيه يا بابا يقولى ما ينفعشى نعدى فى ملفات
ربنا يسترها معانا جميعا
بشكر حضرتك تانى على الدعوة الحلوة

[ahmed_eng2001]

المشاركة الأصلية كتبت بواسطة zing0 بصراحه: عندك حق التوتر ضد التعلم تماماً و بصراحة الرجاله بيخافوا عالعربية أكتر من زوجاتهم, ده العادى, أومال بتغيروا من العربية ليه؟

انا كنت بتحايل على مراتى انى اعلمها السواقة على عزيزة ... بس هى مرضيتش و خافت منها ...
دلوقتى بتتحايل عليا علشان تتعلم عليها ... قلتلها لما نخلص السمكرة علينا و عليكى بخير

[ام روجي]

انا اول مرة اسوق العربية دخلت في مكتب في الشارع عادي وكنت هخاف بجد ومش هكمل بعد كده الحمد لله تمام وفل بقالي 10 شهور الحمد لله
ربنا يسترها معاكي ومعانا ومع كل اللي بيسوقوا بس مننساش حقوق الناس اللي ماشية في الشارع

[eng/walaaeldeen]

السلام عليكم
اللى يخاف من العربيه والسواقه عمره ما هيتعلم
لازم تكوني جريئه وتتوكلي علي الله
والله المستعان