مشكلة السحب فى الريو مع التكيف و عطل فى الكتاليتيك

[Eng.Aboughaly]

السلام عليكم و رحمة الله و بركاته.
الاخوة الكرام اكيد وحشتكو صح ؟


ندخل فى الموضوع انا معايا كياريو هاى لاين خليجي 2013 سيدان
من حوالي شهر و نص كدا بداء سحب العربية يغير للاسواء بقا يبقا اضعف و اضعف و الامر بداء يزداد سوء لما كمان اشغل التكيف وانا ف وسط القاهرة يعني لو واقف فى اشارة و عاوز اتحرك بالعربيه و التكيف شغال العربيه بتزحف بمعني الكلمة بتزحف قولت يمكن فلاتر و بتاع نضفت فلتر الهواء بتاع العربيه و كنت لسا مغير زيت و حاطط شيل الترا 10 الالف و الفلتر معاه بردو
المهم قولت لا و لازم اروح التوكيل
روحت وكيل كيا فى ميدان روكسي وبعد الفحص و المحص قالي حضرتك عندك الكتاليتك فيه مشكلة و عاوز يتغير لانه باظ طي يا عم بكام لكتاليتك دا ؟
قالي 6 الالف جنيه و مش موجود هنعمل عليه طلب و هيجي ولما يجي هنقولك
طيب يا جماعه الخير العمل ايه فى العربيه كدا و هل هتمشي عادي معايا ولا ايه
قالي العربيه هتمشي بس السحب هيفضل زي ما هو بالظبط مفيش تعديل
المشكلة انى اخدت العربيه وم شيت و بقا السحب متغير شويه كويس مع التكيف و شويه وحش اووي مع التكيف و الموضوع مالوش فواصل معايا المهم قولت
اسئل الاخوة هنا اعمل ايه ف الحوار دا
هل اشوف مكان اخر اكشف فيه على العربية واخد من الرئي قبل التغير و دفع 6 الالف و طبعا هدفع المصاريف كاملة لاني خليجي و ماليش ضمان
و محتاج حد يدلني على مكان محترم لصيانات الكيا ما يكون زي اسعار التوكيل
و ازاي اشتري ضمان للسيارة انا مش فاهم شي من الموضوع دا
وللعلم انا شاري العربيه فى شهر 2 لعام 2013
و الاهم طبعا موضوع الكتاليتك دا
العربيه بتزحف يا سادة ولا الـ128 لما بتقوم بس لما بتجمع سرعة فوق ال80 كيلو
بلاقي ال120 و ال140 بتيجي ولا انا واخد بالي يعني بتبقا عربيه عادية جداااااا

[ابو هيما]

متابع معاك وإن شاء الله حد بيفيدك من أهل الخبرة

[Hisham.Elgazzar]

المشاركة الأصلية كتبت بواسطة Eng.Aboughaly السلام عليكم و رحمة الله و بركاته.

المشاركة الأصلية كتبت بواسطة Eng.Aboughaly الاخوة الكرام اكيد وحشتكو صح ؟ ندخل فى الموضوع انا معايا كياريو هاى لاين خليجي 2013 سيدان من حوالي شهر و نص كدا بداء سحب العربية يغير للاسواء بقا يبقا اضعف و اضعف و الامر بداء يزداد سوء لما كمان اشغل التكيف وانا ف وسط القاهرة يعني لو واقف فى اشارة و عاوز اتحرك بالعربيه و التكيف شغال العربيه بتزحف بمعني الكلمة بتزحف قولت يمكن فلاتر و بتاع نضفت فلتر الهواء بتاع العربيه و كنت لسا مغير زيت و حاطط شيل الترا 10 الالف و الفلتر معاه بردو المهم قولت لا و لازم اروح التوكيل روحت وكيل كيا فى ميدان روكسي وبعد الفحص و المحص قالي حضرتك عندك الكتاليتك فيه مشكلة و عاوز يتغير لانه باظ طي يا عم بكام لكتاليتك دا ؟ قالي 6 الالف جنيه و مش موجود هنعمل عليه طلب و هيجي ولما يجي هنقولك طيب يا جماعه الخير العمل ايه فى العربيه كدا و هل هتمشي عادي معايا ولا ايه قالي العربيه هتمشي بس السحب هيفضل زي ما هو بالظبط مفيش تعديل المشكلة انى اخدت العربيه وم شيت و بقا السحب متغير شويه كويس مع التكيف و شويه وحش اووي مع التكيف و الموضوع مالوش فواصل معايا المهم قولت اسئل الاخوة هنا اعمل ايه ف الحوار دا هل اشوف مكان اخر اكشف فيه على العربية واخد من الرئي قبل التغير و دفع 6 الالف و طبعا هدفع المصاريف كاملة لاني خليجي و ماليش ضمان و محتاج حد يدلني على مكان محترم لصيانات الكيا ما يكون زي اسعار التوكيل و ازاي اشتري ضمان للسيارة انا مش فاهم شي من الموضوع دا وللعلم انا شاري العربيه فى شهر 2 لعام 2013 و الاهم طبعا موضوع الكتاليتك دا العربيه بتزحف يا سادة ولا الـ128 لما بتقوم بس لما بتجمع سرعة فوق ال80 كيلو بلاقي ال120 و ال140 بتيجي ولا انا واخد بالي يعني بتبقا عربيه عادية جداااااا

حمدا لله على السلامة حضرتك روح توكيل كيا اللى في شارع جوزيف تيتو اسمه الميكانيكيون العرب عندهم فنيين كويسين
آخر حاجة تغيير الكاتاليك ماأظنش انه اتسد هو احتمال الحساس هو اللى يكون فيه مشكلة

لو افترضنا طيب الحساس سليم ولازم تغير علبة كتاليك
لو انا مكانك على طول هقصها واركب بدالها ماسورة وبعدها السوستة عادى والتعديل ده هيتكلف 60 جنيه مصنعية وخامات 60 مثلا أحسن وافضل من 6000 جنيه
وبالنسبة لأستعدال الجنوط في الحى السادس او شارع أحمد سعيد متخصصين جدا ف الكلام ده بس أهم حاجة تفاصل لأنهم بيدوا أسعار مضروبة في 2 بعضهم وليس الكل

بالتوفيق بإذن الله تقبل مرورى ورمضان كريم

[Eng.Aboughaly]

اخى Hisham.Elgazzar اشكرك من كل قلبي علي الرد على موضوع الكتاليتك دا

طيب انا الى فهمته من كلامك ان الكتالتيك دا للعادم فقط مالوش شغل تاني
انما فى التوكيل الشاب الى هناك قالي انه بياخد البخار الخاص بالنزين من اعلا التانك لتخفيض ضغط التانك و اعادة دمجه بالهواء و ادخاله الى الماتور لاضافة المزيد من العزم للماتور للسيارة الـ1400 سي سي زي الكيا ريو
فهل الكلام دا بيسرح بيا و تخريف عنيف ولا دى هتكون حاجة خاصة بالكياريو ولا دى وظيفه عامه للكتاليتك فقط انه ينقي العادم من الابخرة الضارة فقط
ولا ايه يعني الشاب فى التوكيل بيشتغلني ولا ايه كداااااااااااا
شكلي لو طلع الكلام كدا هروح اعمل معاه السليمة

لو انا مكانك على طول هقصها واركب بدالها ماسورة وبعدها السوستة عادى والتعديل ده هيتكلف 60 جنيه مصنعية وخامات 60 مثلا أحسن وافضل من 6000 جنيه

[Hisham.Elgazzar]

المشاركة الأصلية كتبت بواسطة Eng.Aboughaly اخى Hisham.Elgazzar اشكرك من كل قلبي علي الرد على موضوع الكتاليتك دا طيب انا الى فهمته من كلامك ان الكتالتيك دا للعادم فقط مالوش شغل تاني انما فى التوكيل الشاب الى هناك قالي انه بياخد البخار الخاص بالنزين من اعلا التانك لتخفيض ضغط التانك و اعادة دمجه بالهواء و ادخاله الى الماتور لاضافة المزيد من العزم للماتور للسيارة الـ1400 سي سي زي الكيا ريو فهل الكلام دا بيسرح بيا و تخريف عنيف ولا دى هتكون حاجة خاصة بالكياريو ولا دى وظيفه عامه للكتاليتك فقط انه ينقي العادم من الابخرة الضارة فقط ولا ايه يعني الشاب فى التوكيل بيشتغلني ولا ايه كداااااااااااا شكلي لو طلع الكلام كدا هروح اعمل معاه السليمة لو انا مكانك على طول هقصها واركب بدالها ماسورة وبعدها السوستة عادى والتعديل ده هيتكلف 60 جنيه مصنعية وخامات 60 مثلا أحسن وافضل من 6000 جنيه

لأ كدا واضح انها لها كزا وظيفة بقى مش علبة عادية ( تنك وعادم وفايظ ) كدا دخلنا في متاهات جامدة مرحبا بك في جيل معقد ومكلف من العربيات

حاول تسأل متخصص في القصة دى على اساس انه هيلغى راجع التانك بتاع البنزين واساسا لو حصل خطأ في منظومة العادم ممكن تعرض العربية كلها للضياع مش عارف بيعملوا فينا ليه كدا
انا عارف ان فيه صمام بياخد جزء من العادم ويدخله على الموتور
انما ليه ياخدوه على تنك البنزين ، عجبى
مهم اوى واحد متخصص اللى يلغى الحركة دى ولو مفيش حد لا مفر من دفع ال 6000 في التوكيل او احد من دول الخليج يرسلها