العودة   مصر موتورز مجتمع السيارات > السيارات الكورية والماليزية > شيفروليه الكورية CHEVROLET و دايو DAEWOO > ﻻنوس (دايو - شيفروليه)

ﻻنوس (دايو - شيفروليه) كانت و أصبحت chevy gold logo


إضافة رد
 
أدوات الموضوع
  #1  
قديم 02-04-2013, 01:06 AM
casper35 casper35 غير متواجد حالياً
من انا؟: محمد
 
تاريخ التسجيل: Dec 2012
المشاركات: 85
casper35 will become famous soon enough
افتراضي تجربتى مع الشورت بلوك كنت حابب انقلها ليكو

السلام عليكم
انا هعرض لكم تجربتى مع تغيير نص ماتور اللانوس اللى تقريبا اسمها شورت بلوك
اولا انا مكنتش هغير ولا حاجه انا كنت عرضت مشكلتى هنا قبل كده لان كتير من الميكانيكيه نصحونى ان التكتكه اللى فى الماتور دى من البلوف ولما غيرتها مرتين وكل طقم اجيبه يفضل نفس الصوت مستمر قالولى غير وش سلندر.
هى المشكله عندى ان الماتور كنت بسمع فيه تكتكه فى كل احواله السلاسنيه او الجرى وصوتة بيعلى شويه مع الجرى ودة اللى خلاهم يقولو وش سلندر وبلوف وكده دا غير ان العربيه مش حلوة فى السحب على الطريق المستوى فما بالكو فى المطالع وبعد ال 120 بتعلى ببطىء اوى اوى لحد ما توصل ل 160 وتحلف ميت يامين وماهى مزوة عن كده.
المهم بالصدفه انا كاعربيه لانوس 2000 اكيد الزمن جار عليها من على الصاج وكده فكنت برش العربيه البويه الالمانى دى ماعدا السقف لان ناس كتير نصحتينى اخلى السقف الفابريكه بتاعتها حتى لو فيها تأريح شويه قولت مش مشكله ابقى احط عليه استيكر والكلام دة وكنت غيرت وش التابلوة اللى فيه الهوايات بواحد تانى جديد فيه ساعه وزرار حراره قولت اعمله للفوجات قولت بقى اشوف الماتور بالمره عند صنايعى كويس واعتقد الناس كلها هنا عرفاه بدون ذكر اسامى
المهم دا كان الميكانيكى الوحيد اللى كان بيقولى يا بيه دة عمود الكرنك اللى فى النص اللى تحت فيه حاجه هى اللى عامله الصوت دة ومسمعه فوق وبصراحه الراجل دة رائع وانا برتاحله جدا لانه بيعامل ربنا.
كان الكلام فى البدايه على اننا هنجيب نص ماتور وناخد اللى فيه ونركبه فى الماتور بتاعى اللى فى العربيه وبكده نكون ظبطنا الاداء وهربت من حته ماتور ورقم ومرور والقصه الفاشله دى
بصراحه انا لما جبت نص الماتور كان حاجه كده اكنها مركبتش فى عربيه قبل كده او كان راكب ولسه مش اتلين بسم الله ما شاء الله جبته من واحد فى العشرين ربنا يباركله واخته منه بعد غلو الاسعار دى من غير فتيس ولا اى حاجه ب1100.
المهم سمينا الساعه 9 الصبح وفتحنا الماتور ونزلنا الفتيس والماتور وجبنا الزيوت وطقم الشنبر والجلب حاجات كده فى حسبه 500 جنيه انا مكنتش فارقه معايا على قد ما فارق معايا الصوت دة يروح
فكينا وجبنا نركب العمود الجديد بكراسيه فى القديم ونجرب بادينا مش بيلف .....طب العمود القديم وكراسيه نجربه فى الماتور الجديد مش بيلف بردة ....طب العمود الجديد والكراسى القديمه مش بيلف برده.....طب العمود القديم والكراسى الجديده مش بيلف برده ....وكانت حاله غريبه جدا لحد دلوقتى انا مش فاهمها
انا من الاول عينى كانت طالعه على نص الماتور الجديد المهم قولتله ركبه مش مشكله المرور ونبقى نجيبه ورقه وارخص تانى المهم حاجه نضيفه تبقى راكبه
الحمد لله ركبنا وحطيت زيت تقيل شويه 3000 علشان ينضف الماتوروقولت همشى عليه 1000 كيلو وبعدها اغير البوجيهات والسلوك بتاعتها وابقى اغير الزيت على 2000وظبتنا الدنيا وسبتها يوم تليت وهى واقفه
وعملت بيها لحد دلوقتى 900 كيلو كبيرى فى السرعه 70 كيلو
الحمد لله الصوت راح خالص وصوت العربيه بقى ناعم جدا مبقتش عارف هى العربيه دايره ولا لا لو انا واقف جنبها شويه كده
السؤال هنا بقى انا حاسس ان فيه زى ترتيله فى العربيه خفيفه كده متحسش بيها غير عند الشكمان دة يبقى بوجيهات عايزة تتغير؟
وسؤال كمان انا تقريبا الوقت كله الشكمان بيجيب نقط رزاز خيف كده بيبان لو العربيه واقفه ميه على ما اعتقد هل دة صح؟
رد مع اقتباس
  #2  
قديم 02-04-2013, 10:40 AM
الصورة الرمزية sokaroz
sokaroz sokaroz غير متواجد حالياً
 
تاريخ التسجيل: Sep 2010
المشاركات: 181
sokaroz is a splendid one to beholdsokaroz is a splendid one to beholdsokaroz is a splendid one to beholdsokaroz is a splendid one to beholdsokaroz is a splendid one to beholdsokaroz is a splendid one to beholdsokaroz is a splendid one to behold
افتراضي رد: تجربتى مع الشورت بلوك كنت حابب انقلها ليكو

بسم الله ماشاء الله
__________________

سبحان الله وبحمده سبحان الله العظيم
رد مع اقتباس
  #3  
قديم 02-04-2013, 10:56 AM
الصورة الرمزية Hisham.Elgazzar
Hisham.Elgazzar Hisham.Elgazzar غير متواجد حالياً

من انا؟: الفقير إلى الله
هواياتي: جميع الأعمال اليدوية-IT
 
تاريخ التسجيل: Dec 2011
الموقع: مكـــــــ عين شمس-م.نصر-التجمع الأول ــــــانى
المشاركات: 5,061
Hisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond repute
افتراضي رد: تجربتى مع الشورت بلوك كنت حابب انقلها ليكو

الحمدلله طالما الأصوات العالية راحت باقى بس شوية ظبط الكهربا وحساسات البوابة والرشاشات
رد مع اقتباس
  #4  
قديم 02-04-2013, 02:16 PM
moh_faheem moh_faheem غير متواجد حالياً
 
تاريخ التسجيل: Feb 2012
المشاركات: 16
moh_faheem will become famous soon enoughmoh_faheem will become famous soon enough
افتراضي رد: تجربتى مع الشورت بلوك كنت حابب انقلها ليكو

الف مبروك ياباشا
رد مع اقتباس
  #5  
قديم 02-04-2013, 02:41 PM
egyptiandiver egyptiandiver غير متواجد حالياً
 
تاريخ التسجيل: Jul 2010
المشاركات: 106
egyptiandiver is a jewel in the roughegyptiandiver is a jewel in the roughegyptiandiver is a jewel in the roughegyptiandiver is a jewel in the rough
افتراضي رد: تجربتى مع الشورت بلوك كنت حابب انقلها ليكو

الف مبروك...
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:13 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017