هيا الفيرنا هيا هيا الاكسنت القديمة ؟

[AbOnOrA]

المشاركة الأصلية كتبت بواسطة عظيمه يعنى احنا فعلا بيتنصب علينا كدة المفروض الفيرنا دة مخزون قديم مثلا؟؟

لاء مش مخزون قديم ده بيبقى لما الشركة الام تجيب خط انتاج لموديل جديد بتبيع خط الانتاج القديم كله وبالتالى بيستمر تصنيع نفس المكونات بشكل متجدد لاكن طبعا الخامات ممكن تختلف وطبعا طبعا مقايس الجوده والعامل البشرى بيختلف

زى ما كنا شاريين زمان خط انتاج ال 128 مثلا وزى البرايد بتاعتى ديه ابتاع خط الانتاج من كوريا لايران فى سنة 2000 وفى 2006 باعوه الايرانيين لسوريا وهكذا

لمعلومات اكثر عن خطوط تجميع السيارات
http://en.wikipedia.org/wiki/Assembly_line

مثال مع الفارق طبعا شاهد .. تجميع نيسان


وفيه حاجة تانية كمان ان المصنع بيطلع من عنده حاجة مش فاكر اسمها ايه كده اختصار هو كده
المهم البتاع اللى مش فاكر اسمة ده عبارة عن المكونات الاساسية للسيارة الساسية والموتور بحاجتة والعفشة وبتكون مفكوكة طبعا وبتخش بجمارك اقل بكتير طبعا وهنا تتجمع مع اضافة بعض المكونات المحلية وده اللى بيتقال عليه مصانع تقفيل وده الوضع هنا فى مصر

[Ahmed Anwer]

الفيرنا هيا الاكسنت الجيل التاني ،،

النيو اكسنت هيا الاكسنت الجيل الثالث

زي ماقال ابو نورا و اكسبرت اعادة انتاج لموديلات قديمة

و علي فكرة الفيرنا ( اكسنت الجيل الثاني ) مازالت بتنتج في مصر و ايران و الهند و السودان

زي اللانوس و النوبيرا و النيسان صني و اللانسر البوما كمثال

و زي عربية ابو نورا كيا سابا ، و البروتون ويرا ( لانسر بطه ) و البرودوا كليسا ( ديهاتسو ميرا )

و لو الاسامي تفرق ،، المفاجأة ان الاكسنت اسمها في كوريا فيرنا

[MoSHaX]

الاكسنت النيو اكسنت الفرينا الفيرنا فيفا ..دول اكتر الموديلات الى فيهم لعب حسب كلام صديق لى كان شغال فى غبور
الاكسنت القديمة خالص مكنش ليها وجود خارج مصر من فترة قريبة وكان الاكسنت برة هو الفيرنا الى كانت بتنزل باسم فيرنا فى مصر بس هى الاكسنت برة ولما نزلت النيو اكسنت الى هى تعديل الفيرنا الى عندنا اضطر لالغاء الاكسنت القدية ...والفيرنا الفيفا دى سيارة قديمة اساسا ونازلة مصر على اساس ان دى سيارة جديدة او تعديل الفيرنا ولا كن دة موديل فاشل اساسا...كمان سمعت حاجة عن الاكسن الى كانت فى مصر اولا العربيات كانت بتتلم من السوق الى مستعمل والى حوادث وكدة ويعاد بيعهم وتانى حاجة الشنحة بتاعة الهيونداى الى غرقت فى توسونامى وبعد خروجها ودفع التامين عليها اشترها غبور بسعر ارخص وهى اساسا مكنتش جاية لمصر وكان اغلب الشحنة دى اكسنت واتوس ...وانا ساعتها قريت الخبر دة فى جرنال وبحذر فية من شراء الموديلين دول..الخبر دة من فترة بس انا فاكرة لانى وقتها كنت عاوز اشترى اكسنت او اتوس فالخبر معلق معايا لغاية دلوقتى ...ولاكن من وجهة نظرى موضوع الاسماء دة اللعب الى بيعملة غبور فيها دة كلة عادى ادام بينزل عربيات كويسة وفى سعر يخدم شريحة كبيرة من المصريين