بفكر اشترى A113 كـ اول سيارة لى .. عندى استفسارات تافهه جدا ولكن مهمة جدا بالنسبالى

[MessiLoVeR]

السلام عليكم

ف البداية انا معايا مبلغ 30 الف
والله بطلوع الروح وبالحلال الحمد لله
عايز عربية هتكون مشاويرها متوسطة بالاضافة للسفر وكده بعد ما ابقى تمام ف السواقة

المهم للاسف لانى مش هجدد العربية فقررت اشترى جديدة
هدفع 30 مقدم واقسط الباقى
عجبتنى A113 صغننة فهعرف ازوغ بين العربيات وحجمها محكوم


ف عندى اسئلة
دلوقتى لو اشتريتها اعمل اية واشتريها قسط منين واية افضل مكان؟
وعمال اشوف توبيكات كتيييييييييييييير يقولك خلى التوكيل يعمل مش عارف اية ف الفرامل والدبرياج يعلى وحاجات كتير كده وعضعضة فى الغيار الثانى وحساس سرعة
ممكن اعرف قبل ما استلم العربية اية الحاجات اللى اقولهم يعملوها قبل ما استلمها

واية رايكم ف العربية هى هتكون اول مرة اسوق عربية ملكى فهتنفعنى ولا لا وبصراحة شكلها الصغير حاسس انها هتطييييييييييييييير لو عدت ال100
ف اية اللى اعملة علشان ازود الثبات

انا مش متهور ف السرعة وكمان لسة جديد بس عايز عربية لو سافرت بيها بعد كام سنة الاقيها ثابتة

واية رايكم فى موديل 2012 لان مع صاحبى موديل 2008 قالى هو افضل موديل وبعد كده بيلعبوا ف الخامات

ف ياريت لو حد عندة نصيحة ميبخلش عليا بيها

[jojojojojo]

ربنا يوفقك للخير

[merna amer]

انا كمان حشتريها واول سواقه ليا حتبقى عليها بص
هى 2012 احسن موديل فيها كل حاجه تتخيلها وبسعر ممتاز
ال 30 الف دول فى المصريه للسيارات يعنى مقدم 50% مش 40% كمان يعنى بال خمسين دول تقدر تاخدها بالبطاقه بس بدون يجل تجارى او بطاقه ضريبيه لانك حتدفع 50 منها
بالظبط 30540 ال 50%
وده حيقللك طبعا قسطها حيبقى على 3 سنين 1035 فى الشهر
انا سالت ناس كتير عنها قالولى ممتازة فى كل حاجه حتى على الطريق وثابته جدا
وربنا يوفقك

[MessiLoVeR]

merna amer @ الف شكر لرد حضرتك
اا شوفتها فى كونكت كار .. اعتذر لو مش مسموح اقول اسمة
قسط 650ج على 5 سنين بالنسبالى مناسبة جدا

بس خايف بامانة اروح التوكيل كل يومين واقعد اكع فى 400 و500ج اسبوعيا هكرهه نفسى

كمان والدى شافها قالى ياعم دى متدخلش نصنا وهتبقى وحشة لانها ضيقة وبتاع
هو المشكلة انى مليان شوية فاكيد هرجع الكرسى لورا وكمان انا طويل فخايف اللى هيقعد ورايا بالنسبالة قاعد فى برطمان صلصة

هو مش خوف هو رعب اصلا لانها اول عربية والواحد لو العربية اتخدشت ممكن يروح فيها
هو ناس قالتلى جيب لانوس 1 قشط مستعمل بس مش عارف بقى لسة مقررتش والجديد طبعا لا يعلى علية

وفكرت اجيبها كسر زيرو بس مش عارف دى هتكون معيوبة ولا اية

[engfathy]

هو بالسعر ده ممكن تجيب مستعمل كتير كويس ويستحمل معاك برضة
زي السكودا فيليشيا والسيات الابيزا 94 والاوبل كورسا هاتشباك وطبعا الشاهين كمان
وبالتوفيق سواء مع الجديد او المستعمل