قررت أجيب الإسبرانزا A113

[peter magdy]

انا مش عارف الناس اللى عندها عقدة الخواجة من الصينى
مع ان الصينى اثبت كفائة و اعتمادية كبير -- مقارنة بأمكانياتة و سعرة
و عايز افكر الناس اللى بتهاجم الصينى
ان اول ما الكورة نزل متمثل فى شركة هيونداى - كانت بتتهاجم هجوم الصينى
شوف دلوقتى بقى الكورى عامل ازاى
ياريت اللى عندة عقدة الصينى علشان اشترى موبيل و باظ ميحكمش على حاجة ميعرفهاش
و اللى صاحب الموضوع اشترى العربية و توكل على اللة العربية جامد جدا و تكسب فى امكانيتها و سعرها عربيات غالية و مشهورة
مبروك مقدما

[mahmoudelmasry2016]

المشاركة الأصلية كتبت بواسطة peter magdy انا مش عارف الناس اللى عندها عقدة الخواجة من الصينى مع ان الصينى اثبت كفائة و اعتمادية كبير -- مقارنة بأمكانياتة و سعرة و عايز افكر الناس اللى بتهاجم الصينى ان اول ما الكورة نزل متمثل فى شركة هيونداى - كانت بتتهاجم هجوم الصينى شوف دلوقتى بقى الكورى عامل ازاى ياريت اللى عندة عقدة الصينى علشان اشترى موبيل و باظ ميحكمش على حاجة ميعرفهاش و اللى صاحب الموضوع اشترى العربية و توكل على اللة العربية جامد جدا و تكسب فى امكانيتها و سعرها عربيات غالية و مشهورة مبروك مقدما

اه انا معاك فعلا فى النقطة دى اه الصينى فعلا انتشر وبقى كتير فى مصر جدا لكن هل تقدر تقولى هل كفاءته زى الكورى ولا اليابانى يعنى مثلا ولا العمر الافتراضى بتاعه هديك توضيح اكتر وليه انا بقول كدا انا شايف ان ال64 الف تجيب سيارة شيفروليه اوبترا محترمة هل تقدر تقولى بقى فيه وجه مقارنة اصلا ؟؟؟؟؟؟؟؟؟؟؟؟؟ ؟ ده غير فخامة الشكل والمتااااااااانة وقطع غياااااار متوفرة فى كل حتة عند البقال تلاقى ................. انا مش بقول كدا بحبطك "تذكرة" بس بجد قولت اقولك واكسب فيكى ثواب وانا اقسم بالله واحد قريبى جايب الاوبترا رووووووووعة معاه وشوفى حد شاطر يجيبهالك استعمال بسيط وتكونش متهانة ,,,,,,,,,,,,,,,,,,, ااما لو عايزة جديد بقى وموصرة فا صلى استخااااااااارة وفى الاخر الاختياااااار ليكى والله المستعان

[mahmoudelmasry2016]

وفيه سيارة على موقع دوبيزل مصر ادخلى على قسم الكيا فى الموقع هتلاقيها بتاريخ اليوم 30\3 المهم دى سيارة كيا سيراتو موديل 2009 واتوماتيك يعنى هتريحك احسن من المانوال اللى مكتوب فى الاعلان اهو "سيراتو الشكل القديم 2009 زيرو برة وجوة رشه حزام كامله اتوماتيك بطنطا معرض سعيد البنا 01220212170 والسعر 61 الف ج طبعا بعد ما تشوفى حالة العربية وتاخدى ناس والكلام ده كله وهتنزلى ف سعرها وتفاصلى وده أكيد منه اوفرلك ومنه احسن واضمن من الاسبرانزا ............ وملحوظة بسيطة الشكل الجديد بتاعها وطبعا كلنا عارفينه القديم بقى وده شكل الاوبترا تقريبا وهو رافع صورها ف الاعلان شوفيها واناا بس شان مش عارف بترفعوا الصور ازاى لو كدا كنت رفعتها هنا ووريتهالك

[Hadeel HodHod]

العفشة بتاعتها ناشفة جدا ده اكتر عيب فيها، قربتي جايباها موديل 2012 جديدة ، انا استغربت من اث مطب صغير بينطط العربية
لكن هي عربية اقتصادية و بتوفر في البنزين ومنتشرة
انا رأيي اي عربية حتى لو جديدة هيكون فيها عيب بيظهر بعد كدة ، لكن الواحد بيحاول يصلح العيب ويحافظ على صيانة العربية عشان عمرها الافتراضي يزيد

[queen]

المشاركة الأصلية كتبت بواسطة Hadeel HodHod العفشة بتاعتها ناشفة جدا ده اكتر عيب فيها، قربتي جايباها موديل 2012 جديدة ، انا استغربت من اث مطب صغير بينطط العربية لكن هي عربية اقتصادية و بتوفر في البنزين ومنتشرة انا رأيي اي عربية حتى لو جديدة هيكون فيها عيب بيظهر بعد كدة ، لكن الواحد بيحاول يصلح العيب ويحافظ على صيانة العربية عشان عمرها الافتراضي يزيد

كلام سليم جدا
انا جايباها زيرو 2012 وفعلا عيبها الأساسى هو العفشه الناشفه لكن غير كده ممتازة واحسن من عربيات كتيرة زى الفيرنا مثلا تعبانه اوى وقطع غيارها موجوده وهى ناعمه جدا على فكرة يعنى مناسبه للستات.
واخيرا احب اقولك ان انتشارها وزياده سعرها اكبر دليل على نجاحها
استخيرى ربنا وتوكلى على الله