أجيب لوجان ولا لانوس ولا فيرنا

[ahmedashraf]

المشاركة الأصلية كتبت بواسطة sasay تمام يا استاذ احمد انا مقتنع باللوجان الحقيقة لكن تبقى حتت قطع الغيار والميكانيكة هي المشكلة الأساية بالنسبة لى علشان كل ما افكر اجيب حاجة اروح اجيبها من التوكيل وانا من الشرقية فهيطلع عينى في الحوار دة على عكس اللانوس والفيرنا ... قطع غيارهم موجودة وكل الميكانيكة بيفهموا فيها

دي بقى مقدرش أفيدك فيها، حضرتك بس إللي تقدر تحكم.
بس طالما العربية زيرو يفضل تتابع مع التوكيل في الصيانات الدورية وإن شاء الله متحتاجش تخلي حد يمد إيده فيها قبل ثلاث سنين وعليك خير، من رأي متخلش الحكاية دي تحكم إختيارك وكده كده اللوجان بتنتشر بسرعة، بس إنت أدرى، لو شايف إنهاهتسببلك مشكلة يبقى خلاص!د

[eslam1988]

حضرتك لو هتكيش هات لانسر 1300 مانيوال موديل 2008 حالة نظيفة لكن لو هتقسط هات طبعا زيرو على الرغم ان كونتاكت بيقسط استعمال ..انا لو مكان حضرتك هعمل كدة

[Tota El Masry]

المشاركة الأصلية كتبت بواسطة ahmedashraf sasay باشا ... الدواسة البلاستيك: بصراحة عمري مبصيت وشوف الدواسة بلاستيك ولا لأ وإن كان ده لايعيبها، أكبر صانعي السيارا في العالم بيستخدمو البلاستيك في دواسة البنزين والدبرياج كمان، إعمل بحث على gas pedal made of plastic m وشوف الماركات (مرسيدس، بي إم، شيفروليه، كرايسلر، دودج، ميتسوبيشي ...إلخ) يعني متتخضش، مش معنى إنها بلاستيك تبقى لعبة أطفال، لو فكرت شوسه هتلاقي 80٪ من خامات الصالون وحوض الموتور بلاستيك فقط الجسم العربية والأجزاء الميكانيكية زي الموتور العفشه... إلخ فقط من المعدن. فيديو الدواسة ده إشتغالة، الراجل بيعمل كيك داون فدواسة البنزين بتشحط في في الدواسة الكاوتش وتفضل محشوره ثانيتين وتنطر تاني، بالذمة هو فيه حد بيدوس على دواسة البنزين بالشكل ده أصلا؟ لو عملت بحث على gas pedal stuck in floor mat هتلاقي المشكلة دي ممكن تحصل في أي عربية طالما دواسة الأرضية مش محطوطة بشكل سليم وطبعا ممكن تسبب حوادث بس ده ملوش علاقة باللوجان بالتحديد. عشان أريحك عيوب اللوجان المعروفة والدارجة مبتخرجش عن: - إحساس بسخونة (ممكن نسميها دفئ) في كونسول التابلوه وجنب دواسة البنزين،مصدرها التكيف السخن وبتتحل جزئيا أو كليآ بالعزل أو إلغاء السخن وده مشروح في مواضيع أخرى. - أماكن الكلاكس وأزرار الزجاج، ودي فقط محتاجة للتعود وده مبياخدش أكتر من 500 كم أو إسبوع مثلا - لو مانوال ممكن تحس بڤايبريشن في دواسة البنزين وكذلك في عصاية الفتيس، الأوتو مفهوش الكلام ده. - التوكيل على فكره مش سئ، بالعكس تماما، أنا مشفتش توكيل بيغير أي حاجة معيوبة في الضمان من غير مقاوحه زي توكيل رينو، بس طبعا وارد يحصل فلتات أو مشاكل من نوع التأخير وعدم دقة المواعيد، نسيان إحدى طلبات العميل. إبتسم أنت في مصر. أسعار الصيانات الدورية معقولة جدا . - قطع الغيار متوفره في التوكيل وعليها ضمان سنه، ومتوفره بره التوكيل أرخص قد تصل لنصف السعر بس طبعا مش الأصلي بس صناعات نضيفة مثلا تركي وهكذا. بالنسبة لي بعد 1500 كم بعربيتي الأوتو، فقط كنت أتمنى يكون الكلاكس في الدركسيون، بس قشطة شغال يعني. وكل كام يوم أجرب أحط عزل في حته عشان أقضي على دفئ الكونسول والموضوع بيتحسن (أصلا أنا بتلكك والموضوع مش موثر للدرجة). العربية مش معجزة يعني، بس فعلا أنا مش شايف حاجة غيرها تستاهل الفرق لحد 100 ألف جنيه ولو تغاضينا عن الدلع الشكلي بتاع الكوري (بلوتوث، يو إس بي ... إلخ) يبقى لحد 120 ألف كمان، يعني مش هفكر أغيرها إلا لو معايا أجيب حاجة ياباني أو أوروبي تانيه أو كوري عالي تكون معدية فئة ال 130 ألف. أنا بقول الكلام ده لأني لما إشتريت اللوجان كان معايا أجيب أكسنت أر بي أو كيا ريو (منظر وشياكه بس وميستاهلوش الفرق) أو لانسر بومه كلاسيك (قدمت قوي على إنها تتجاب زيرو) أو صني (طلعت ضيقة جدا عليا). فإستقريت على لوجان على أساس أوفر الفلوس وأصبر لي كام سنه يمكن ربنا يكرم وأركب الكورولا بس بصراحة لافكرت في لانوس ولا فيرنا ولا أفيو، معلش مش عايز حد يزعل بس التلات عربيات دول بعد ما بقو يتقفلو عندنا مبقاش فيه مقارنة مع اللوجان، اللوجان بريستيجها أعلى دلوقت بصراحة وعربية محترمة،إللي جاب التلاته دول كوري فلت وبعدين فعلا قدمو وكفايه عليهم كده (برضه كلها 10 سنين ونقول كفايه على لوجان كده،عشان محش يزعل )، أصل في بلدنا أول ما العربية تقفل 10 سنين تلاقيها رطرطت تكسيات وتلاقي برستيجك في النازل. وبجد العربية طلعت حلوه ومقتنع بيها جدا لحد ما أعرف أغير لحاجة أعلى زي ماقولت.

ربنا يكرمك بجد معنوياتي بدات تترفع تاني بعد ما زلهالي مجموعة من القرشانات في الرض ربنا يسامحهم بقى

[Tota El Masry]

المشاركة الأصلية كتبت بواسطة ahmedashraf sasay باشا ... الدواسة البلاستيك: بصراحة عمري مبصيت وشوف الدواسة بلاستيك ولا لأ وإن كان ده لايعيبها، أكبر صانعي السيارا في العالم بيستخدمو البلاستيك في دواسة البنزين والدبرياج كمان، إعمل بحث على gas pedal made of plastic m وشوف الماركات (مرسيدس، بي إم، شيفروليه، كرايسلر، دودج، ميتسوبيشي ...إلخ) يعني متتخضش، مش معنى إنها بلاستيك تبقى لعبة أطفال، لو فكرت شوسه هتلاقي 80٪ من خامات الصالون وحوض الموتور بلاستيك فقط الجسم العربية والأجزاء الميكانيكية زي الموتور العفشه... إلخ فقط من المعدن. فيديو الدواسة ده إشتغالة، الراجل بيعمل كيك داون فدواسة البنزين بتشحط في في الدواسة الكاوتش وتفضل محشوره ثانيتين وتنطر تاني، بالذمة هو فيه حد بيدوس على دواسة البنزين بالشكل ده أصلا؟ لو عملت بحث على gas pedal stuck in floor mat هتلاقي المشكلة دي ممكن تحصل في أي عربية طالما دواسة الأرضية مش محطوطة بشكل سليم وطبعا ممكن تسبب حوادث بس ده ملوش علاقة باللوجان بالتحديد. عشان أريحك عيوب اللوجان المعروفة والدارجة مبتخرجش عن: - إحساس بسخونة (ممكن نسميها دفئ) في كونسول التابلوه وجنب دواسة البنزين،مصدرها التكيف السخن وبتتحل جزئيا أو كليآ بالعزل أو إلغاء السخن وده مشروح في مواضيع أخرى. - أماكن الكلاكس وأزرار الزجاج، ودي فقط محتاجة للتعود وده مبياخدش أكتر من 500 كم أو إسبوع مثلا - لو مانوال ممكن تحس بڤايبريشن في دواسة البنزين وكذلك في عصاية الفتيس، الأوتو مفهوش الكلام ده. - التوكيل على فكره مش سئ، بالعكس تماما، أنا مشفتش توكيل بيغير أي حاجة معيوبة في الضمان من غير مقاوحه زي توكيل رينو، بس طبعا وارد يحصل فلتات أو مشاكل من نوع التأخير وعدم دقة المواعيد، نسيان إحدى طلبات العميل. إبتسم أنت في مصر. أسعار الصيانات الدورية معقولة جدا . - قطع الغيار متوفره في التوكيل وعليها ضمان سنه، ومتوفره بره التوكيل أرخص قد تصل لنصف السعر بس طبعا مش الأصلي بس صناعات نضيفة مثلا تركي وهكذا. بالنسبة لي بعد 1500 كم بعربيتي الأوتو، فقط كنت أتمنى يكون الكلاكس في الدركسيون، بس قشطة شغال يعني. وكل كام يوم أجرب أحط عزل في حته عشان أقضي على دفئ الكونسول والموضوع بيتحسن (أصلا أنا بتلكك والموضوع مش موثر للدرجة). العربية مش معجزة يعني، بس فعلا أنا مش شايف حاجة غيرها تستاهل الفرق لحد 100 ألف جنيه ولو تغاضينا عن الدلع الشكلي بتاع الكوري (بلوتوث، يو إس بي ... إلخ) يبقى لحد 120 ألف كمان، يعني مش هفكر أغيرها إلا لو معايا أجيب حاجة ياباني أو أوروبي تانيه أو كوري عالي تكون معدية فئة ال 130 ألف. أنا بقول الكلام ده لأني لما إشتريت اللوجان كان معايا أجيب أكسنت أر بي أو كيا ريو (منظر وشياكه بس وميستاهلوش الفرق) أو لانسر بومه كلاسيك (قدمت قوي على إنها تتجاب زيرو) أو صني (طلعت ضيقة جدا عليا). فإستقريت على لوجان على أساس أوفر الفلوس وأصبر لي كام سنه يمكن ربنا يكرم وأركب الكورولا بس بصراحة لافكرت في لانوس ولا فيرنا ولا أفيو، معلش مش عايز حد يزعل بس التلات عربيات دول بعد ما بقو يتقفلو عندنا مبقاش فيه مقارنة مع اللوجان، اللوجان بريستيجها أعلى دلوقت بصراحة وعربية محترمة،إللي جاب التلاته دول كوري فلت وبعدين فعلا قدمو وكفايه عليهم كده (برضه كلها 10 سنين ونقول كفايه على لوجان كده،عشان محش يزعل )، أصل في بلدنا أول ما العربية تقفل 10 سنين تلاقيها رطرطت تكسيات وتلاقي برستيجك في النازل. وبجد العربية طلعت حلوه ومقتنع بيها جدا لحد ما أعرف أغير لحاجة أعلى زي ماقولت.

ربنا يكرمك رد مقنع جداً
لكن مع احترامي لكلامك موضوع البرستيج ده فيه شوية قولان
مش مهم ثمن العربية و لا إن فيه منها تاكسي أنا شفت كرولا 2010 و إلنترا تاكسيات
المهم عربيتك شكلها إيه و مهتم بيها و لا بتعاملها زي سوري يمكروباص أرياف بالنفر
يا ربتكون تاتا بـ 25 ألف زي إللي حتنزل قريب بس نظيفة و مش مخدشة و صيانتها دورية
احسن من هامر صاحبها هينها و بيلعب بيها بخت و ماشي يخبط بيها خلق الله
و الأهم إحساسك إنك راكب عربيتك ماحدش له فضل عليك بعد ربنا في ثمنها لا جبتها بالرشوة و لا بالسحت و لا حد مديهالك صدقة حتى لو بالقسط أنت ملك في سيارتك طالما جايبها من جهدك و شقاك أحسن مليار مرة من إللي معاه فيراري و مش مقدر قيمتها

تقبل تحياتي و مروري

[M.Sami el adham]

انا افضل اللوجان طبعا .. بس لو هشترى هشترى الفيرنا .. اولا لرخصصصصصص قطع الغيار المبالغ فيه .. ثانيا مش بتقل فى سعرها لما تيجى تفكر فى بيعها .. الانوس دى من وجهة نظرى مش بعتبرها عربية الصراحة .. الدايو منها احسن بكتيييييير , منصحكش بالتوفيق