لادا 2105

[احمداحمدعيد]

السلام عليكم ورحمة الله لي إستفسار من حضراتكم وارجوا من حضراتكم سرعة الرد للاهمية وشاكر جدااا فضل حضراتكم ..... انا لسة من ساعة كنت بتفرج علي عربية لادا 2105 موديل 95 العربية فبريكة دواخل ورشة خوارج الموتور سليم قوايم تمام حوض وشنطة فبريكة راكب فيها طقم جنوط بالكاوتش جديد من شهريين العيب الوحيد انها عايز يتغير ليها الكورونة وبعض البوية الخارجية عايزة تتلقط حاجات خفيفة صالون جيد .... ممكن اعرف سعرها علي هذا الوضع كام وكام سعر الكارونة الاستعمال وأفضل نو كرونة أشترية .....المفروض اني ان شاء الله اخلص بكرة فيها فأتمني من حضراتكم سرعة الرد

[احمداحمدعيد]

18 مشاهدة ولا رد واحد من فضلكم اتمني الرد لاني قرأت علي المنتدي ان عيب الكارونة مرتبط بعيب في الفتيس وبالتالي الات الجر وهنا انا قلقت من العربية أشتريها وليها حل ولا اشوف غيرها

[mr_astra]

بنعتزر عن التاخير بس حضرتك كاتب الموضوع بعد 12 باليل واعتقد لو فى ناس رايحة شغلها اكيد نامت
الكارونة كلها لو هاتتغير فى حدود 1000 جنية
اما لو غيرت الببة فقط هاتعمل من 400 الى 500 جنية
ومصنعية 50 جنية
عربية بالحالة دى تعمل من 20 الى 22 الف
بالتوفيق

[احمداحمدعيد]

اسف جداااا للازعاج بس والله انا ايضا كان عندي شغل بس هي الظروف غصب عني العربية كنت قلقان من ناحيتها عشان كدة وانا راجع من الشغل اتصلت علي الاخ اللي معاة العربية واتقابلت معاه وتركت عربيتي معاه واخدت العربية ورحت بيها للميكانيكي وسمكري واكتشفت ان العربية كمان نغيرة النصف الامامي وبكدة صرفت نظر عنها تماما بالرغم ان صاحبها كان عارضها علي بــــ 17500 فقط اسف للاطالة وخالص شكري مرة اخري

[ibnelfared]

يا سلام والله بس خلى بالك بردة عشان أنت عارف التجار وبلاوييهم وربنا ما يوقعك في تاجر كذووب زى ألى وقعت فيه ما تتسرعش وخد معاك صنايعى صنايعى بأكد أهو وأغرم مبلغ وأرفعها في البنزينة وما تتغرش في الشكل ولا الحلفانات حتى ولو بعيالة وعيش حياتك لأن الصقة في الزمن دة كلمة قديمة