سؤال فنى ازاى العجل يتحرك وفرامل اليد مرفوعه عند الجر

[mialbedewy]

طب يا جماعه انا مرة مشيت بالعربية وفرامل اليد مرفوعه
فسالت ابويا فقالي ان الموتور عفي كنا لسه مغيرينله طقم شامبر
بس تفسير عجيب لكن فعلا ممكن تكون الفرامل مش قد الموتور او الونش

[mr_astra]

فعلا يمكن جر السيارة والفرامل مشدودة لانها على سلك واير مش ضغط هيدلوليك زى اما بتدوس ببدال الفرامل وكمان وضعية العربية وهى مجرورة وشها لفوق بيدل مساعدة اكتر فى جرها ثم ان جرب وجس حرارة الطنابير العربية اللى الونش ساحبها هتلاقيها سخنة مما يدل على احتكاك تيل الفرامل بالطنابير

[samirayad]

فرامل اليد بتسمى بال barking brake

أى أنها مجرد مانع لحركة السياره ومحرك السياره لايعمل ( قوة فرمليه ميكانيكيه ضعيفه )

بمعنى أننا بنتمكن بالفعل من حركة السياره وفرامل اليد مرفوعه والمحرك يعمل

أذا هى قوه ضعيفه ولا تقارن بالفرامل الهيدروليكيه لدورة الفرامل

كما يلاحظ أنه مع قطر السياره وهى مرفوعه من الأمام

بتقل قوة فرامل اليد عن الوضع العادى والفرد الأربعه ملامسه لسطح الطريق

لأن فيه فردتين أماميين مستبعدتين عن ملامسة الطريق

ولايوجد ممانعه أو مقاومه لحركة السياره ( مع قوة سحب الونش للسياره ) سوى الفردتين الخلفيتين

أذا الحمل أقل على الونش من وضع ملامسة الفرد الأربعه لسطح الطريق

وبالتالى بيستطيع ونش المرور من قطر أى سياره بسهوله وفرامل اليد مرفوعه

[geuvara_2010]

اول ما الونش بيشد العربيه العجل بيبقي قافش و بعدين التيل بتاع الفرامل مع الحركه بيتحرق و يفك كانه مش موجود كانك مشيت بالعربيه 20000 كيلومتر يعني مع الاحتكاك التيل بيتاكل لحد مالعجل يمشي لوحده

[abdelrohman]

انا ف مرة شوفت عربية جيب الكاوتش فضل مفرمل وبيجروها
لكن تقريبا العربيات اللي بتمشي والفرامل مشدودة بيبقى سبب في التيل نفسه بيبقى ضعيف
وع فكرة المفاجاة ان الفيرنا اللي معايا اشد فرامل اليد وادوس بنزين العربية تسحب امامي وخلفي مقفول وسئلتهم في غبور قالي دة عزم العربية شديد قولتله المفروض متمشيش قالي لاء عزمها شديد ؟؟؟!!!!!!