حمرا يا برادعي

[تامر ديزل]

المشاركة الأصلية كتبت بواسطة dr.wael7yran هو مين بقى دي مشكلة .. بس احنا كلنا لازم نؤمن انه في واحد في مصر من وسط ال 80 مليون فعلا كده .. و افتكر معايا .. بعد ما طفشنا الفرنساويين من مصر ( مع انهم كانوا هيموتوا وهم ماشيين ) بعتتللنا الدولة العثمانية واحد اسمه خورشيد .. و كان عسكري .. و كان دكر .. بس كان مفتري .. و قام عمر مكرم بمساعدة وتحريض من تاجر دخان و عسكري من البانيا اسمه محمد علي .. و قاد الثورة .. و طردوا خورشيد شر طردة .. و جه السؤال مين يحكم مصر .. فتنحى عمر مكرم القائد الحقيقي للثورة و قال لأ ماليش في الحكم .. و اجتمع علماء و وجهاء و مشايخ الشعب .. و اتفقوا على رأي غريب جدا .. عارف ايه ؟ اتفقوا ان المصريين جنس نمرود و مينفعش يحكمهم و احد مصري و لازم مملوك او تركي هو اللي هيقدر يلم الشعب ده .. و منهم عمر مكرم ... يعني لو ماكنش موجود كنا قلنا محمد على شافهم بقرشين و لا حاجة .. انما اتفقوا على كده .. و ادوها مخضرة لمحمد علي .. اللى عملها تكية اهله لمدة 150 سنة .. و كل ده .. لان المصريين كلهم .. بجلالة قدرهم .. مطلعش فيهم واحد دكر يقول انا هقوم بيها .. يبقى وشغلانتنا يا جدعان انه احنا ندور .. و نشجع و نتقصى .. و منرضاش بحد علشان ده امر واقع و قضاء اخف من قضاء .. لأ.. مصر ولادة .. و اكيد الدكر ده موجود .. عسكري .. اسلامي .. ليبرالي .. فحلقي .. بس اكيد موش هنرضى لمصر الا بالاصلح .. اللهم ولي امورنا خيارنا يا رب العالمين

اسمحلي يا دكتور وائل اختلف معاك في نقطه جدليه :
محمد علي ؟ احنا محتاجين محمد علي الثاني بس يكون مصري المره دي لان محمد على الاولاني المظلوم تاريخيا عمل ايه ؟ اول حاجه نضف البلد من الحراميه لما عمل مذبحة القلعه للمماليك وثانيا جاب واحد خبره عسكريه فرنساوي علشان يبني الجيش الحديث وكمان بعت ناس تتعلم في فرنسا لان فرنسا وقتها كانت اقوى واحدث دوله في العالم فأخد قراره يتعلم منها مش يعمل زي ولاد الصرمه اللي راحوا لاقوى دوله في العالم اليومين دول وجابوا مدرب كوره
عايزين محمد على تاني يلم الصيع والبلطجيه ويدخلهم جحورهم ويبني ويزرع ويطور والناس تتلم حواليه بدلما هما متفرقين كل حزب بما لديهم فرحون

[koashraf]

البرادعى هو الرجل الوحيــــــــد فى البلد دى اللى قال النظام السابق لازم يتغير ودعا الى العصيان المدنى..ايام ماكان كل اللى على الساحه دلوقت اما فى السجون أوفى الجحور خايفين يفتحوا بقهم..

وخضرأ يابرادعى....

[nktis]

متابع ومتفق معكم في الاراء...

[dr.wael7yran]

المشاركة الأصلية كتبت بواسطة تامر ديزل اسمحلي يا دكتور وائل اختلف معاك في نقطه جدليه : محمد علي ؟ احنا محتاجين محمد علي الثاني بس يكون مصري المره دي لان محمد على الاولاني المظلوم تاريخيا عمل ايه ؟ اول حاجه نضف البلد من الحراميه لما عمل مذبحة القلعه للمماليك وثانيا جاب واحد خبره عسكريه فرنساوي علشان يبني الجيش الحديث وكمان بعت ناس تتعلم في فرنسا لان فرنسا وقتها كانت اقوى واحدث دوله في العالم فأخد قراره يتعلم منها مش يعمل زي ولاد الصرمه اللي راحوا لاقوى دوله في العالم اليومين دول وجابوا مدرب كوره عايزين محمد على تاني يلم الصيع والبلطجيه ويدخلهم جحورهم ويبني ويزرع ويطور والناس تتلم حواليه بدلما هما متفرقين كل حزب بما لديهم فرحون

انا حكيت القصة الطويلة علشان جملة واحدة ..
انه لما اجتمع مشايخ و علماء مصر في فرصة تاريخية لاستقلال مصر ..
قالوا ده جنس نمرود و عايز دكر يحكمه بجد ..
و محمد على كان دكر طبعا ..
بس معقولة مصر كلها ماكنش فيها دكر غيره ..
دول اداهله على الطبطاب يا حاج تامر ..
و شغلانتنا احنا بقه ..
انه ندور على الدكر .. اللي بجد يستحقها ..
بس ندور بجد

[مادا]

[QUOTE=koashraf;534801]البرادعى هو الرجل الوحيــــــــد فى البلد دى اللى قال النظام السابق لازم يتغير ودعا الى العصيان المدنى..ايام ماكان كل اللى على الساحه دلوقت اما فى السجون أوفى الجحور خايفين يفتحوا بقهم..

مش عارف هو العصيان المدنى ده حلو ولا وحش .. يعنى خير على البلد ان كل واحد ميروحش شغله تخيل لو الناس كلها بطلت تشتغل الفلاحيين بطلوا يشتغلوا اجيب اكل منين العمال بطلوا يشتغلوا اننتج ازاى الاطباء بطلوا يشتغلوا المرضى اتموت مش عارف اقول ايه فى زمن يؤتمن فيه الخائن ويخون فيه الامين ويكذب فيه الصادق ويصدق فيه الكاذب وخيلكوا فى العصيان المدنى لما مصر تقع ومش انعرف ناخذ بايدها تانى