العربية بتنتش على الاول

[احمد على 1999]

مع انى مقدرش احدد الخرطوم تبع ايه بس متهياليش هو السبب لان لو كان السبب كان بان على طول

و برضه انا عارف انها متاخرة علبة البيئة ملهاش تاثير غير على البيئة دا غير ان اكيد اللى ركبت مش علبة بيئة لان تمنها لوحدها يعدى ال 1500 جنيه

طالما ال rpm قليل كده قوى يبقى ضرورى ميكانيكى خبرة ينضف صمام الايدل و البوابة

سؤال مهم بقى : هل فى لمبة صفراء اسمها check منورة فى التابلوه ؟

[mr_astra]

500 لفة / دقيقة قليل جدا كما تفضل وقال استاذنا "احمد على " لازم العربية وهى سخنة يكون 900لفة / دقيقة ......بغض النظر وهى باردة على كام لفة / دقيقة
لازم السلانسية يعلى شوية من مسمار الرجلاش بتاع البكرة
ويا ريت تصور خرطوم اللى داخل على المانيفولد او البوابة لانى شاكك انة خرطوم الفايظ

[michaelmic]

بص نظف الرشاشات و بعدين لو انت على N و بعدين جبت D فالنتشه ديه عادية فى الاتوماتيك انا معايا فيرنا اتوماتيك بتعمل كدة و كمان ركبت RB اتوماتيك بتعمل كدة بردة بس البرجلة و الحاجات ديت ابقى شوف الرشاشات و نظفها و البوابه كمان و الحساسات

[ahmed5050]

شكرا لكل الردود والاهتمام بالمساعدة .

بالنسبه للاستاذ احمد على : العلبة انا جبتها ب 650 جنيه ومفيش لمبه check منورة فى التابلوه .
انا ان شاء الله هاروح للميكانيكى النهاردة واكشف على العربيه على الاسكانر وهاقوله ينضف صمام الايدل والبوابه. بس بصراحة انا معرفش اذا كان الميكانيكى ده بيفهم ولا لأ خصوصا انى انا اساسا مش بفهم قوى فى صيانة العربيات.

بالنسبة ل mr- astra انا هاصور الخرطوم علشان تقولى ده بتاع ايه.

بالنسبة ل michaelmic : التنتيش مش شرط يحصل لما انقل من NالىD - ده بيحصل على السلانسيه او الغيار الاولانى لما اهدى مثلا او اركن او اعدى مطب - الموضوع مش طبيعى خااالص

[mr_astra]

المشاركة الأصلية كتبت بواسطة ahmed5050 شكرا لكل الردود والاهتمام بالمساعدة . بالنسبه للاستاذ احمد على : العلبة انا جبتها ب 650 جنيه ومفيش لمبه check منورة فى التابلوه . انا ان شاء الله هاروح للميكانيكى النهاردة واكشف على العربيه على الاسكانر وهاقوله ينضف صمام الايدل والبوابه. بس بصراحة انا معرفش اذا كان الميكانيكى ده بيفهم ولا لأ خصوصا انى انا اساسا مش بفهم قوى فى صيانة العربيات. بالنسبة ل mr- astra انا هاصور الخرطوم علشان تقولى ده بتاع ايه. بالنسبة ل michaelmic : التنتيش مش شرط يحصل لما انقل من NالىD - ده بيحصل على السلانسيه او الغيار الاولانى لما اهدى مثلا او اركن او اعدى مطب - الموضوع مش طبيعى خااالص

حضرت لم تقرا المشاركة بالكامل
السلانسية عندك واطى جداااااااااا اظبطة الاول وبعدها اعمل اللى انت عاوزة