فيتيل بطل العالم 2010 (أصغر بطل عالم فى التاريخ)

[حازم شاهين]

أعتقد إن فيتيل عنده كل مقومات البطل الكبير و لو قدر يشارك فى السياقات لمدة 15 سنة كمان زى شوماخر ممكن يبقى أسطورة أخرى ، و فيتيل مظهرش فجأة و ما بقاش بطل فجأة لكن و من هو سائق غلبان فى فريق توروروسو كان باين إنه سائق متميز و ممكن يجى منه

عموما قدامه 81 سباق يفوز بيه و 6 بطولات عالم علشان يبقى أسطورة زى شوماخر
لكن إللى صعب يوصله هو شعبية إيرتون سينا
سينا كان عامل زى لعيبة الكورة الشراب الحريفة بس فى السواقة
يعنى بيعمل كل حاجة تخلى الجمهور يحبه و يشجعة و دى حاجة غير اﻹعجاب أو اﻹحترام فقط

[sam ram]

انا برضو مع رأيك يا حازم باشا (مش التاني ... التاني .. اللي انا اقصده ..
فيتيل قدامه فرصه كبيره يحقق انجازات وبطولات ويحطم ارقام
لكن حب الناس مش بالارقام و الانجازات
هو ممكن شعبيته تبقى اكبر من مواطنه شوماخر ... خصوصا انه بيبي فيس وخفيف شويه عن شوماخر
لكن ايرتون سينا ... معتقدش في حد حيبقى زيه .. على الاقل من الجيل ده

[SuMo]

يا جماعه انتو بتتكلمو فايه
مهما كانت شعبية الأبطال دول عمرها ما هتيجى حاجه جنب شعبيتى

[حسام البورسعيدى]

الف شكر يا باشا على التقرير الوافى ..

يا ترى امتى هنلاقى مصر داخله فى سباقات الفورميلا ؟!!

[حازم شاهين]

المشاركة الأصلية كتبت بواسطة SuMo يا جماعه انتو بتتكلمو فايه مهما كانت شعبية الأبطال دول عمرها ما هتيجى حاجه جنب شعبيتى

هى هئ هئ هئ .......... على يدى و يشهد على كدة جماهير Multi Option

المشاركة الأصلية كتبت بواسطة حسام البورسعيدى الف شكر يا باشا على التقرير الوافى .. يا ترى امتى هنلاقى مصر داخله فى سباقات الفورميلا ؟!!

العفو يا جميل

بس صعب قوى ﻹن مصر حتى لسه ما عرفتش تعمل عربية عادية فما بالك بأخر ما وصل إليه التطور التكنولوجى
أما على مستوى السائقين فحتى البحرين و قطر و اﻹمارات لسه مش قادرين يقدموا سائق فى الفورميلا رغم كل اﻹمكانيات الرهيبة المتوفرة عندهم ﻹن الموضوع عايز قاعدة من الناشئين و ده بياخد وقت كبير