دعوة لمقاطعة المستعمل

[vovoasw]

المشاركة الأصلية كتبت بواسطة ahmed_eng2001 انا مختلف مع حضرتك فى اغلب الى ذكرته , الناس فى طباعها و تفكيرها مختلفين العربية كماكينة عمرها الافتراضى مش قصير ... و العمر الافتراضى لقطع الغيار بيختلف من قطعة للتانية و من عربية للتانية الى بيحصل ان الماكينة دى نتيجة الاستخدام بتحتاج لتغيير بعض قطع الغيار من فترة للتانية ... عمرها الافتراضى خلص !!! ايه الى يخلينى اروح اشترى عربية مستعملة ؟ 1- خلفيتى و ثقافتى السابقة ..... انا اتربيت على الـفيات 132 .... و البيجو 504 مفاهيم المتانة مختلفة .... و مفاهيم اداء العربيات مختلفة 2- عدم توافر الفلوس ..... طبعا لو معايا فلوس كويسة كنت حروح اشترى عربية جديدة 3- قناعتى الشخصية ان فيه عربيات زى الالماظ ..... لا تزال تعمل بكفاءة و ادائها افضل من الكثير من السيارات الحديثة .... مثل المرسيدس .... التمساحة ... الخنزيرة ... البودرة ... الشبح ... العيون ... انا مش حذكر الشمامة علشان دى موديلات الستينات البيجو ...... 504 ... 404 ... عربيات لا تزال تعمل حتى الان ... موديلات السبعينات الفولكس .... الخنفسة .. الى فى منها موديلات الستينات الرولز رويس ..... تاكسى لندن كان شغال لغاية كام سنة فاتوا .... التاكسى ده موديلات الخمسينات التويوتا ..... لاند كروزر ... فيه عربيات لسه فى الصحراء موديلات السبعينات الفيات ..... ال132 و ال 125 و ال1300 .... عربيات موديلات السبعينات و لسة فيها الرمق 4- رفضى التام لموضوع التقسيط .... لما فيه من ارهاق شديد للميزانية ... و احساس دفين بالدين .... قيد فى رقبتك ... ده ان فيه شبه حرام ( انا غير مقتنع بالشبهه دى ) 5- مصاريف صيانة السيارات الجديدة و غلو قطع غيارها انا معايا عربيتين ..... واحدة جديدة و كنت اشتريتها بالقسط ...... و التانية قديمة و طبعا جبتها كاش انا كنت فرحان بموضوع العربية الجديدة و مش هاممنى قصة القسط ... بس حسيت براحة كبيرة جدا لما سددت الاقساط و العربية بقت بتاعتى العربية المستعلة ... انا عارف ... حتفضل معايا سنة او اكتر بتتصلح دايما .. و اتعلمت فيها كتير و اتعلمت منها كتير برضو ... ده غير ان قطع غيارها ارخص بكتير من العربية الجديدة هى الرفاهية فيها اقل ... الراحة فيها اقل ... بس انا بحب اركبها اكتر لو الزمن رجع تانى .... كنت ححوش فلوس اكتر فى حدود 50 الف تقريبا و كنت اشتريت مرسيدس موديل 80 او بيجو 504 ستيشن مثلا ..... و ما كنتش دفعتها مقدم فى الانسر تقبل مرورى و تطويلى

انا اؤيد كلام الاخ الفاضل وياسلام بقى لما تقع فى غرامها دى تبقى حكاية يعنى انا عندى بيجو 504 موجيل 1979 gr عارف انا مستعملة وان عمرها مش عارف اية بس على فكرة انا بحترم عمرها ومش هزعل لما اعمل لها صيانة او اكثر لانها مفيش شك سيارة محترمة تشيلك وتشيلك عليتك وتروح بها من اسوان الى مطروح ولا تشتكى ربنا يحفظها لية يا رب

[ahmed_eng2001]

المشاركة الأصلية كتبت بواسطة vovoasw انا اؤيد كلام الاخ الفاضل وياسلام بقى لما تقع فى غرامها دى تبقى حكاية يعنى انا عندى بيجو 504 موجيل 1979 gr عارف انا مستعملة وان عمرها مش عارف اية بس على فكرة انا بحترم عمرها ومش هزعل لما اعمل لها صيانة او اكثر لانها مفيش شك سيارة محترمة تشيلك وتشيلك عليتك وتروح بها من اسوان الى مطروح ولا تشتكى ربنا يحفظها لية يا رب

انا موافق على كلام حضرتك طبعا
ال 504 عربية اجبرت الناس على احترامها
الاسد العجوز زى ما بيسموها
ربنا يباركلك فيها و يكفيك شرها

[seaf_sawy]

جزاك الله خير فعلا موضوع رائع

[myson medo]

العربية لو زى الفل مكنش صاحبها فرط فيها اصلا
والعربية اول ما تفتح فى المصاريف صاحبها بيسربها
وقليل جدا لما تلاقى واحد فعلا بيبيع علشان مسافر او ليه ظروف طارئة
ولذلك الزيرو افضل بكتير
والله الموفق

[linatrix]

المشاركة الأصلية كتبت بواسطة myson medo العربية لو زى الفل مكنش صاحبها فرط فيها اصلا والعربية اول ما تفتح فى المصاريف صاحبها بيسربها وقليل جدا لما تلاقى واحد فعلا بيبيع علشان مسافر او ليه ظروف طارئة ولذلك الزيرو افضل بكتير والله الموفق

مش متفق معاك فى الكلام ده انا اشتريت عربيات كتير كانت حالتها كويسه قوى و بعتها بحاله احسن من الى اشتريتها