دعوة لمقاطعة المستعمل

[amr elsisi 1]

المشاركة الأصلية كتبت بواسطة ahmed_eng2001 انا مستمتع جدا بالحديث و الحوار مع حضرتك و مع بقية الاعضاء الكرام .... ساعات كتير الواحد بيستفيد و يعيد التفكير فى حاجات كتير كان مقتنع بيها ... بس انا لسة مقتنع بالعربيات المستعملة اما عن تحكم الصنايعية ..... حسبى الله و نعم الوكيل فى اى انسان يستغل الظروف او يستغل جهل اى واحد و يتحكم فيه , و اغلب الصنايعية كدة .... انا اتعاملت مع صنايعية كويسة جدا و رجالة جدا .... و الناس وقفت معايا لغاية لما العربية تتصلح لغاية وقت متاخر باليل علشان محطش نفسى تحت رحمة اى صنايعى .... اكتشفت انى لازم اعمل اغلب الحاجات بايدى فى العربية .... و الواحد بيحس بسعادة كبيرة لما بيصلح حاجة صحيح انا بوظت حاجات كتير و بكيت بدل الدموع دم ... و فطرت رمضان فى الشارع مرتين تلاتة .. و اتنصب عليا مرات كتير ..... بس محدش بيتعلم بالساهل مشكلتى دلوقتى فى الحاجات الكبيرة الى لازم محتاجة ميكانيكى .... زى تغيير الفتيس .... رفع الموتور ... عمرة .. حاجات زى كدة العربية المستعملة القديمة اكبر دافع انك تعمل حاجات بايدك و تبوظ براحتك و تقبل مرورى و كل عام و انت بخير و بعيد عن الميكانيكية

عزرا علي التاخير
وربنا يحفظك من كل سوء

المشاركة الأصلية كتبت بواسطة M.TONSY انا معاك يا استاذ عمرو ان المستعمل تجاربه مريرة واسأل مجرب مفيش زبون زى فى مصر يا راجل شرب لغاية كيعانه قدى من المستعمل و سنينه وها اسرد لك تباعا تجاربى الهباب لاحقا (5تجارب) بس المواطن المصرى مواطن مغلوب على امره دائما حتى اللى معاه برده ش مبسوط لان الاسعار نار فى الزيرو ويا ريت على قد كدة بناخد مواصفات عالية وامان او حتى خدمات جيدة من الوكيل كله زفت * زفت بجد ان مش عارف ليه احنا البلد الوحيد على مستوى العالم اللى فيها كدة يا راجل ده ليبيا جارتنا مفيهاش حاجة اسمها وظيفة سمكرى لان العربية عندهم اول ما بتتخدش بتترمى ومتتصلحش فطبعا مفيش مستعمل عندهم وكل عربياتهم زيرو وفئات عالية وبرخص التراب لان ما عندهمش جمارك وحتى لما دفعونا جمارك مبالغ فيها اوى قولنا زى بعضه علشان خاطر البلد نشوفها احسن بلد وتعود بالنفع على الشعب طلع اننا بندفع الجمارك ل آل مبارك وشلتهم حسبنا الله ونعم الوكيل

ربنا يعينك ويذهب عنك الحزن
وحسبي اللهونعم الوكيل في ال مبارك واعوانهم

المشاركة الأصلية كتبت بواسطة toyo انا سمعت مره راى فى موضوع الجمارك معرفش مدي صحته ...........ان لو الجمارك اتلغت هتقل سعر السيارات الجديده وده هيشجع كل الناس تشتري سيارات ..........وهتبقى الشوارع مواقف سيارات:w6w200504112245306 e

فعلا لو الجمارك اتلغت السعر حيقل
بس الزحام حيشتد

[amr elsisi 1]

المشاركة الأصلية كتبت بواسطة capohosen بصراحة عجبنى جدا الموضوع وبرضه عاوز اضيف تجربتى مع المستعمل ولعنت اليوم اللى فكرت اجيب عربية ومش هنسى اليوم ده فى البداية قلت عاوز اجيب عربية فى حدود 5 الاف ج او 6 عشان خلاص اتخنقت من المواصلات وقرفه روحت واخد ميكانيكى معايا ونازل السوق وجبت سيات 133 مو 81 المهم الميكانيكى قالى تمام وزى الفل وعلى البركة واشتريت العربية ب4750ج السنة اللى قبل اللى فاتت ومن يوم مجبت العربية وفلوس يومية اول حاجة اسطوانة وديسك وتانى حاجة فرد العجل كله وتالت حاجة سمكرة ودوكو ورابع حاجة عمرة وفى الاخر خلال سنة لحد مبقيت خلاص ابيع هدومى بقيت اتحايل على حد يشتريها منى باى تمن اتخنقت وبيعتها ب3250ج بعد الاضعاف اللى صرفته عليها بجد تجربة فظيعة ودلوقتى محتار هل اكرر واجيب عربية مستعملة زى 128 بس خايف ولا اجيب موتسيكل وبرضه خايف من الحوادث مش عارف اعمل ايه

والله يا اخي 128 مريرة ايضا
ربنا يرزقق ما تتمنا

المشاركة الأصلية كتبت بواسطة eaglenest أنا كنت مشتري لانوس 2008 وايه فرحان بيها بقا اول عربية ومستعملة هخبط فيها براحتي وبتاع .. العربية كانت هتموتني والحمد لله ربنا ستر بسبب الكسل والاهمال من صاحبها وقلة الخبرة عندي الكاوتش كان متاكل وهوه منبهنيش واعتمد اني مليش خبرة وقشطة يا معلم بقا الزبون وصل ههههههههه بس للامانة اللي كان معايا جابها بسعر كويس واطمني على المكنة وكله تمام المهم الكاوتش وانا ماشي كان شانبر وهوبااا اساحبي فرقع وانا على السريع والحمد لله افتكرت كلام خالي لما الكاوتش يفرقع متدوسش فرامل وربنا ستر وجبت 4 كاوتشات جداد وبعدين رحت غيرتلها بقا السيور والحركات والفلاتر وبصراحة العربية الحمد لله أنا كانت ايدي فيها رجعت احسن من الاول وربنا يجازي صاحبها الاولاني على اللي كان عمله فيها ,,,, بس العربية مش عارف بتاكل بنزين وله دي طريقة سواقتي ال 20 لتر تقريبا كانوا عاملين 100 وشوية بس في الغالب طريقة سواقة خلاصة الكلام المستعمل عيبه ان العمر الافتراضي لحاجات كتير خلصت والراجل مش بيغيرها بيبيع على كده وانت بتلبس زيي كده انا هغير ديسك واسطوانة اهه ولسا الله اعلم .. بس انا لو بعت دي او رجع بيا الزمن هجيب زيرو حتى لو صيني مش هكرر مستعمل تاني

ربنا يباركلك في سيارتك ويكفيك شرها
وعن موضوع استهلاك البنزين برجاء راسلني علي الخاص
واكتبلي كل حاجة عن سيارتك
وانا متابع معاك باذن الله

[amr elsisi 1]

المشاركة الأصلية كتبت بواسطة messi2500 اعتقد لو الفكره نقاطع المستعمل عشان غلو الاسعار يبقه الاولى نقاطع الجديد اللى اغلى من كل دول العالم لان لو الجديد سعره نزل كل الناس هتشتري جديد ومش هيبقه فيه ازمة غلو اسعار المستعمل

الموضوع مش مقاطعة في الكامل ولاكن في غلو الاسعار

المشاركة الأصلية كتبت بواسطة eg_falcon طيب لو واحد لسه بيتعلم حيركب جديد ازاي و كمان انا شايف ان شوارعنا وحركة المرور عندنا مينفعش فيها جديد يعني الواحد يبقى دافع دم قلبه و يجي سواق ميكروباص معقد نفسيا يغلس عليك لمجرد الغلاسة يروح معورك في مبلغ و قدره و لا سواق نقل عام من اللي غررهم منظر الديناصور اللي ركبينه

ممكن تجيب حاجة خفيفة تتعم عليها
وبعد كدة ربنا يرزقق ما تتمنا
بالنسبة لسواقين الديناصورات
اهم حاجة ما تعاندش حتي لو انت صح في السواقة

المشاركة الأصلية كتبت بواسطة خالد الجوكر يا جماعه باختصار شديد المستعمل زى البطيخ يا تطلع قرعه يا تطلع حمرا وبختك يا ابو بخيت لكن السعر بيبقا ماشى ع الموديل كلو وبيبقا بردو ع حاله العربيه يعنى انا اتعرضت عليا ف يوم كرولا 86 متظبطه وفتيس اتوماتيك ب40 ألف نفس العربيه صاحبى جابها من السوق ب17 ألف بس فتيس عادى ومجنطه سبور التانيه مكنتش مجنطه يعنى شوفو الفرق والعربيه واحده ونفس الموديل والفرق ده واللهى انا اليومين اللى فاتو دول واحد صاحبى معاه 504 بيقلى عربيتو جايباله 23 دلوقتى لكن لما يشدها بيقلو هتجيب بتاع 27 وبيقول مبهدلاه اخر بهدله مفيش مشوار بيروحو بعيد الا لما لازم تدق معاه النقصه واللى غاظنى اكتر بيقلى ان عربيته نفس عربيتى ونفس الموديل لامؤاخذه لو نفس عربيتى 79 مش هتجيب اقل سعر مع الشده 35 او بعد كده بألف او اتنين دنا عربيتى جايبه على حالتها كده ال35 ولسه مشدتش يعنى عايزه شويه حاجات قصر الكلام العربيات على اد حالتها بتتسعر وانا اتعرض عليا من موضوع المستعمل ده كتير جداً وتجارب كتير لناس اصحابى اعرفها لغايه ما الادا وقعت قدامى ف مدينه السلام على 6 و7 بس متدمره عايزه قد سعرها علشان تعرف تمشى بيها واسف ع الاطاله وشكراً لصاحب الموضوع انو فتح باب المناقشه ف الموضوع ده علشان كل واحد يعرف الجديد فى ايه والمستعمل على ايه تحياااتى . .

بالله عليك مش حرام عربية من سنة 79 تعمل 35000

المشاركة الأصلية كتبت بواسطة ابو دهب مع احترامى فى مثل انجليزى بيقولك .. I'm not a rich to buy a used car .. انا مش غنى عشان اشترى عربية مستعملة .. كان قصد اللى بيقوول المثل دة انه هيصر على المستعمل اضعاف ثمنه و هو مش غنى عشان يصرف عليه كل شوية .. بس للاسف هنا فى مصر الحالة العامة للمواطن المتوسط متسمحش انه يجيب جديد .. الجمارك مش مخلية حد يشترى .. اخره لو جاب هيجيب فيرنا و بردو ييجى يبص على قطع الغيار ولا يبص على امان ولا سلامة ولا تقنية و لا كماليات .. و لهذا السبب انتشرت الماروتى الزيرو فى الشوارع مع انى متأكد ان بره والله ما يرضوا يركبوها مع احترامى للعربية دى ( كان معايا واحدة ) .. والله لو كان ب يد الواحد انه يشترى زيرو ماكان حد اشترى مستعمل .. مهو بالعقل ...قدامى زيرو و مستعمل و على الاختيار , اكيييد الزيرو .. كل مسمار فى العربية جديد لم ستخدم .. فى حاجة احلى من كدة ... تحياتى

احيك علي هذا المثل الجميل

[رباب جاد]

والله معاك حق انا مريت بتجربة بجد صعبه جدا خاصة انى كنت قعدت فترة طويله احوش فلوس العربية واعمل جمعيات وفى الأخر اشتريت عربية صينى موديل 2006 وطبعا عذبتنى وكل شويه عند الميكانيكى وطبعا مصريف ايه عاليه جدا والله انا صرفت عليها 4000 علشان اوضبها واعرف ابيعا واللى ياخدها ما يدعيش على لأنى والله واخداها متبهدله السمكره والأكر والزجاج والمرايات وكمان بتسخن سخونيه رهيبه ومش عارفه كانت عنينا فين بس هو نصيب قدر الله وما شاء فعل بس ما احبش حد يقع فى نفس المراره دى خاصة انى لما ابيعا ان شاء الله حخسر فيها تقريبا 5000 جنيه بس الحمد لله على كل حال

[خالد الجوكر]

يا استاذ عمر انتا بتقول حارم لو تبقا موديل 79 ب 35000
واللهى اتعرض عليا اختها ف المنصوره ب 40000
ومكنش راضى ينزل ربع جنيه
ف عربيات قديمه اه لكن حافظه وجودها وبردو اكيد ملاكها محافظين عليها ومش حارمينها من حاجه