باركولى استلمت اسبيرانزا m12 وتقرير الاستلام

[YahiaAshraf]

[mido79]

المشاركة الأصلية كتبت بواسطة midoelmodamer النهارده يا جماعه كان معادى انى استلم عربيه m12 وطبعاُ ده بعد اقتناعى بيها لما شفت اراء الاعضاء عنها وانها قيمه مقابل سعر و ان عيوبها بتبقى بس عيوب تقفيل وده بيكون عند بعض الناس وناس لا ورحت المعرض علشان استلم وصاحب المعرض فتح كل حاجه فيها وفرجنى على كل حاجه شغاله تمام جيت اسمى وادخل واجرب بسم الله الرحمن الرحيم جيت وانا بفتح وبنزل الازاز لقيته بييجى عند نقطه معينه ويتحرك حركه بسيطه ويكمل طلوعه او نزوله بس جيت اتاكد من الموضوع لقيت الازاز راكب مكانه عادى مش بيتهز قدام او ورا وثابت مكانه وبصيت كان فى عربيه تانيه واقفه كان فيها نفس المشكله قلت مش مشكله يبقى عيب تقفيل واهى حاجه بسيطه و موجوده فى كل العربيات لان التانيه نفس الموضوع بيحصل المهم خلصت مع المعرض واستلمت العربيه ومنتظر الترخيص بس فى مشكله قابلتنى فى العربيه انى لما افتح الكبوت واجى تانى علشان اقفله ميرضاش يتقفل مهما ضغطت عليه لازم ارفعه فوق لاخره وبعدين اسيبه علشان يقفل !! فهل ده طبيعى فى الاسبيرانزا وبالنسبه لموضوع الازاز عند الفتح والقفل هل ده طبيعى برده ولا ايه ؟؟ ومشكورييين مقدماً على الردود

لو سمحت يا ميدو انا عايز اجيب العربية دي وشكلها عاجبني بس خايف عشان صيني وان الناس بتقول العربيات دي العفشة بتاعتها ضعيفة و مش بتستحمل الطرق بتاعت بلدنا يعنني واحد بيقولي ممكن تاخد بيها مطب الشاسية يتعوج !!!!!
المهم يعني قولي الm12 عملا معاك اة وي في تخبيط و رج في العربية وانت علي الطريق يعني في حاجات مش متقفلا كويس و الثبات علي الارض عامل اة مع السرعات والسحب بتاعها علي المطالع و عزمها شديد ولا لأ .....
لو سمحت ياريت تقولي عشان عايز اجبها خلاص وبعدين دي منتشرتش فمحدش يعرف عنها حاجة.
وشكرا

[helmy_foad]

المشاركة الأصلية كتبت بواسطة katoba الف مبروك ياباشا ربنا يديك خيرها ويكفيك شرها انا لسة مستلم m11 من يومين ياريت تعرفنا عملت اية فى الترخيص لان فية حاجة فى المرور اسمها اعتمادية الصناعه دى محتاجين من ابو الفتوح امضاء معين او رسوم معينه علشان يتم الترخيص لسيارات الاسبرانزا ودة الى فهمته منهم .. ياريت تعرفنى عملت اية .. تحياتى ليك

دة لما بتكون مستلم من أبو الفتوح نفسة مش من معرض
بتاخد المبايعة و تروح مرور بين السرايات (دة المرور اللى بيعتمد أبو الفتوح و مينفعش غيرة ) بتطلع الدور التانى تلاقى مكتب الإعتماد تديهم المبايعة يقوم خاتمهالك ختمين بدون أى رسوم و لا أى حاجة و بدون طابور و لا إنتظار و بعد كدة بتروح على المرور بتاعك اللى أنت تبعة علشان ترخص عادى

[tarek elbadry]

الف مبروك ربنا يديك خيرها ويكفيك شرها

[mhmdkhamis]

الف مبروك يا باشا وربنا يكفيك شرها