خلاص حاتجنن..............ساعدو ني Help

[miky 3omda]

ال 120,000دوول يجيبوا جيتتا 2009 كسر زييييييرو و دي كماليات\\\\ثبات عالمي\\\سعر اعادة بيع محترم ززز قطع غيار متوفرة ب كثرة

[MmFFoR]

لو انت فعلا عايز عربية من غير عيوب يبقى نيسان تيدا فعلا
صالون واسع
خامات راقية
عالية على المطبات
ثبات يقارن بالالماني
سعر مناسب و قطع غيار متوفرة و رخيصة
شكل جميل و متميز
استهلاك وقود و اداء محرك ممتاز

[MmFFoR]

حط النيسان تيدا في قائمة خياراتك لانها اختيار ذكي

[destaroser]

أنا في حيرة ما بعدها حيرة......مش عارف أعمل اية,عايز أجيب عربية ومعايا في حدود 120وممكن لو قسطت أوصل لـ 150يعني الفلوس مش مشكلة ......المشكلة مشكلة إختيار......حاتجنن.......

أنا كنت راكب أوكتافيا A4 مستعمل وعانيت الأمرين مش عشان العربية وحشة ولكن عشان إهمال الى كان راكب قبلى...... العربية ممتازة واحساس بالقوة و الشياكة وعيبها قطع غيار نار ولكن متوفرة( أنا بحب أجيب اللأصلى).

نرجع لمرجعونا في الفئة السعرية دي والى مقبول ليا شكلا:

1-سيراتو: عربية أثارت الجدل ما بين موْيد ومعارض ,ما بين إنتشار وهمي وما بين أكثر عربية بتتباع كسر زيرو الناس (اللى راكبينها) بتقول عيوبها (ثبات مقارنة ب الأوكتافيا – عدم تشفير المفتاح مما يعرضها للسرقة – صاج ضعيف)

مميزاتها ( شكل تحفة – كماليات كثيرة – توكيل محترم – قطع غيار متوفرة- سعر إعادة بيع مرضي- موتور محترم – فتيس استيبترونيك 6 سرعات )

2-فلوانس : مميزاتها :شكل جميل واسعة – توكيل محترم.

عيوبها : سوء سمعة الميجان – قطع غيار أغلى من الفانتازيا – سعر إعاد بيع فى

الضياع – عدم أنتشار.

3-مازدا : مميزاتها :شكل جميل- توكيل محترم- ياباني.

عيوبها: قطع غيار غالية - سعر إعاد بيع فى الضياع – عدم أنتشار- عدم توفر قطع الغيار.

4-النترا 2012: مميزات: لسة معرفش لما تنزل الأول.

عيوب :السعر حايبقى غالى حبتين – هل التابلوة حيبقى بلاستيك زي RB- هل

حاتبقى واطية وبتحك في المطبات زي النترا الحالية- هل العفشة حاتبقى ناشفى زي

السيراتو- هل حايبقى فيها عيوب تانية ومش حاتبان الا بالتجربة)

5-فانتازيا: مميزات : كماليات كتيرة – ثبات – مفتاح مشفر – منتشرة – فخامة – قوة – صاج)

عيوب : الفتيس الاوتوماتيك فية عيب وطقم البودي بلف بتاعها ب 10,000 جنية عشان

كدة لو حاجيبها اجيبها مانوال (نفس كماليات الاوتو أول فئة – توكيل سيئ - قطع غيار

غالية (معمرة)- ثقيلة وغير شبابية (بس شيك)- سعر أعادة البيع بردة في الضياع.

أرجو تفتوني في أمري بموضعية ومحدش يقولى دول فئات مختلفة – ماحدش يقارن الكوري بالالماني دة يتقارن بالياباني .

اللى يرد ياريت يكون عن تجربة.

وألف شكر مقدما.

[destaroser]

المشاركة الأصلية كتبت بواسطة tarek elbadry السلام عليكم يا باشا سلمتك من الحيرة حضرتك راكب عربية مشاء الله قوية جدا فلو ها تغير يبقى لازم عربية تساويها علشان متحسش بفرق انا شايف العربيات الى حضرتك مختارها كلها اغلبها علشان شكلها الشيك بس اعتماديتها مش زى الاسكودا طبعا وفى الفترة دى البلد بتمر بظروف صعبة فى نصيحة بلاش تجيب عربية وتقسط بلاش دين فى الايام دى انا برشحلك عربية عن تجربة مع اخويا تيوتا مورلا 2007 عربية محترمة جدا عاليا عن الارض موتور قوى وناعم سبات حلو تكيف ممتاز سعر اعادة بيع هايل جدا بس هات عربية تكون مش متهانة

الف شكر انا معاك في الى قولته بس انا اتعقدت من المستعمل وشايف انى اللى بيبع مستعمل بيبعة عشان في مشكلة الا اللقط وانا معنديش الخبرة .