يوميات سيترونتى........ الـ AX

[aymangalal7]

معلش نسيت اقول تعليق على كام حاجه عدت كده:
الكونتاكت الاولانى كان بتاع بيجو وطبعا ماعجبنيش الكلام ده جبت كونتاكت ستروين AX والجميل فيه بقى انه مظبوط فى مكنه اكتر من بتاع البيجو وكمان فيه LOCK للتارة او ماتشيل المفتاح وتحرك التارة سنه على طول تقفل وماتتحركش غير لما تحط المفتاح تانى وتحرك التاره سنه عشان يفتح تانى بصراحة بالصدفة اكتشفت كده الكونتاكت جبته من زعتر 125ج وموجود ارخص من كده عند غيره
الصور باين فيها الفرش الجديد والدواسات اللى فى الارض ولو حد لاحظ هيلاقى على فرش الابواب بين اللون الرمادى والبيج خط اسود ده ستيكر عشان يغطى الخياطة السيئة بتاعة السروجى وكمان على كسوة التابلوه فى داير اسود ده طبعا عشان يقفل على حرف الجلد اللى لزقته وكسيت بيه التابلوه من تحت (الكسوة بتاعة التبلوه صنعة ايدية وحياه عينيه) والفوانيس الخلفية عليها فامية اسود عشان يغطى على الخامة التعبانة بتاعة وش الفوانيس وعملت فامية كمان على الاشارات والغماز ولمسه استيكر كده على الفانوس الامامى ولزقة علامات تحت بعض تحت الغمازين واستيكر جاهز جنب غطاء تانك البنزين والتانى تحت كلمة ستروين اللى على الشنطة
وعملت علامة ستروين بالاسود على حرف الكبوت وجزء منها نازل على الرفرف والناحية المقابلة على الكبوت كرة البلياردو رقم 8 السوداء (شوفت الرسمتين دول على عربية ستروين ع النت وعجبونى فا عملتهم) وعلى الابواب من الجنب كلمة ستروين بين علامتين مايله وطبعا كل الاستيكر باللون الاسود فا مش باين وانا اخترته اسود عشان مش عايز حاجه ملفته واللى هايدقق بس هوه اللى هايشوف التفاصيل يعنى اللى بيحب العربية دى هايفضل يبص لها ويشوف كل حاجه
بالنسبة بقى للبريبريز الامامى عشان الكاوتش بتاعة يركب لازم الازاز يتشال وكان فيه شرخ ولحمتة فا قولت اقفل على الداير باستيكر برضه عشان الميه ماتدخلش جوه حل مؤقت لغاية ما اغير الازاز فى لمبة الصالون هانشوف زرارين جنب بعض واحد لنور الدواسات(تحت التابلوه والكرسيين) وواحد عشان فبلش البرق (ما حبيتش ادخل حاجه مع دراع النور الاساسى حفاظا عليه وعملت كل الاضاءات الزيادة بمفاتيح منفصلة ومن ضمنها فانوس الشبورة الامامى ونور الشنطة بزرار لوحدة برضه) ولو افتكرت حاجه تانى هاقول


ونكمل برضوا
يتبع

[aymangalal7]

نسيت اقول اهم حاجه:علامة ستروين اللى على الكبوت دى (اصليه) مش من ام 25ج اللى فى السوق لا انا بعشق الاصلى






























يتبع

[سالم سلامه]

حاجه جميله اوى ومجهود رائع تبيع بقى ههههههههههههههههههههههههه ههههههه

[aymangalal7]

ده مشط نور تحت الكرسى





ده عزل الكبوت اللى عملته وبصراحة عازل حرارة الحوض عن الكبوت تمام وبيسخن بس من الشمس من بره طبعا ده العادى

دى لمبة الطوارىء عشان لما افتح الكبوت بالليل ولا حاجه


الحوض وهوه نضيف وبيبرق


الزرار الابيض ده بتاع نور الكبوت








ده موتور رشاش الازاز كان القديم مسدود وضعيف فا غيرته ب20ج للاسف طبعا مش لاقى بتاعها الاصلى ابو خرطومين ورا وقدام فاستبدلته بموتور خرطوم واحد امامى الموتور ده موجود تحت الرفرف اليمين وملزوق فى قربة ميه المساحة من تحت

فانوس الشبورة عين الكتكوت ابو عشين جنيه فاكرينه؟؟؟؟


لمسه الاستيكر على الفانوس


ده المخدع بصراحة مريحنى جدا فى السواقة لمجرد انى اتخدع عليه (اسم على مسمى) غير انه بيفتح ويتحط جواه حاجات بدل درج التابلوه




دى السوستة الاصلية بتاعة الفيتيس بصراحه قيمة جدا جدا جدا والقاعدة الفيبر اللى بتمسك فيها من تحت (عامله زى الجوان كده)ماكانتش موجوده وطبعا بتلم تحتها تراب وكل شوية تتحرك من مكانها واول ما شوفتها فى الوكالة قفشت فيها وخليت البياع يفكها من الكونسول وادهالى ورشيتها وركبتها والامور اتظبطت ع الاخر الحمد لله (تفاصيل صغيرة لكن بتسعدنى)



نسيت اقول ان الجزء الصغير المدور ده اللى الكونسول المفروض اصلا انه بتاع (وايرات) سلك بيعدل وضع فوانيس الشبورة فى اتجاهين فوق وتحت لكن عشان الموديل ده مافيهوش فوانيس شبورة فى الاكصدام لقيت مكان المفتاح ده طبه وعرفت انه واير الشبورة مش كهرباء لانى نزلت جبته من الوكاله ولاقيته ماينفعش غير للفوانيس الاصلية فاستغليت المكان برضه وعملت مفتاح نور الشبورة منفصل
ويتبع.................... ......................... ونشوف اللى جاى

[aymangalal7]

نخش بقى على شغل الاضاءة بالليل
لاحظوا انى اضطريت اصور بدون فلاش عشان النور يبقى على طبيعته لذلك ممكن تلاقوا الصور مهزوزة شوية استحملونى بقى....ونشوف مع بعض


ده اسمه نور طيار عشان لمبته مدورة ومتحركة زى بتاعة السوبر جيت كده وبتشتغل مع الكونتاكت



ده نور الدواسة تحت التابلوه بينور بزرار لوحده اللى قولت عليه قبل كده عشان اشوف بالليل لو حاجه وقعت كده ولا كده او حبيت انظف او......او.......او...... .........



ده نور العدادت بس الصورة مهزوزة قوى المفروض لما شيلت اللون الاخضر من الورق انه ينور ابيض زى ماشوفت على المنتدى لكن لاقيت النور اصفر زى ماهو باين مش بطال برضه والالوان الاحمر والازرق انا اللى ملونها على الورق برضه ومافيش لمبه مش شغالة جوه العداد


ده النور الصغير بتاع بالليل



ده النور العالى غيرت اللمبات لان القديمة كان لونها ازرق بتدى نور على ابيض خفيف ومكتوم لكن الاصفر ده قوى وبيفرش احسن 200/260


ده النور الواطى


ده نور عين الكتكوت (الشبورة)


كده اضاءتة من قدام


مشط النور تحت الكراسى مع نور الدواسة الامامى برضه


شريط نور فى الشنطة بمفتاح واحد شده اسمة كده واحد شده
الشريط 90سم اشتريت 2 على انهم ابيض لقيت واحد ابيض وواحد ازرق


ده المفتاح واحد شده متثبت بسهولة جنب مكنة حزام الامان اللى فى الشنطة


نور الابواب بينور مع فتح الباب وبيقفل لما الباب يقفل او ندوس على زرار الباب برضه


علامة ستروين بتنور بالتبادل بين الكلمة والعلامة وتثبت لما ادوس فرامل وبتشتغل مع النور الصغير على فكرة العلامة متوصلة من لمبة النور الصغير فى الفانوس الخلفى مش من ذراع النور



ده فانوس شبورة خلفى بيشتغل اختيارى (من زرار لوحده بتاع الفابريقة فى التبلوه) مع انور الواطى بالليل


ده زرار نور الشبورة الخلفى موجود فى الاطار الخارجى لعلبة العدادات


ده زرار سخان الازاز اللى ورا شغال برضه


دى الزراير اللى قولتلكم عليها بتاعة نور الدواسات وفلاش البرق انا اللى مألف الزراير دى وعامل مكانهم زى مانتوا شايفين كده واللمبة الطويلة اللى قدام دى بتاعة الصالون الرئيسية بتنور مع فتح الباب وموصل عليها مشط نور ازرق ورا فى القوايم هنشوفها دلوقت



دى لقطة كده لفلاش البرق بينور بالتبادل بين الفانوسين حطيت اللمبات بتاعتة جوة الفانوس وقفلت عليهم بدواية لمبة الفانوس(محكمة جدا) والجهاز ورا الشبكة الامامية فى الوش ولفيت عليها لزق عشان تحميها من الميه واخدت السلك على جوه (عديته من الحوض) ووصلته بالزرار اللى جنب نور الصالون (الزرار الابيض) طبعا الكهربائى اللى وصل الاساسيات وانا وصلت اللمبات وشرايط النور والمشط والحاجات دى البسيطة


يتبع..................... ..