تطورات غريبه مع استخدام النيتروجين

المشاركة الأصلية كتبت بواسطة بدر بسيونى اولا لصاحب الموضوع على طرحه لموضوع النيتروجين لانه مؤخرا انتشر بصورة قوية وفى كلام عليه كتير انا حاطط النيتروجين فى عربيتى النترا 2010 من حوالى 3 شهور وحتكلم عن ميزاته وعيوبه اهم ميزاته مابتحتاجش تفحص ضغط الهواء على فترات متقاربة عكس الهواء بمعنى معدل تغيرضغط الهواء اقل من الهواء صوت العربية هو هو مااتغيرش لا المطبات احسنت ولا صوت احتكاك الكاوتش قل ولا وفر فى البنزين واعتقد ان مش حتفرق هواء ولا نيتروجين فى استهلاك البنزين اللى بيفرق هو مظبوط ولا لا وده الاساس وبالنسبة ليه ميزته بالنسبة لى اهم ميزة مش محتاج اروح اظبطه كل شويه وده رائ عن تجربة شخصية وشكرا ليكم

شكرا لردك المحترم وعرض تجربتك

بالنسبه لمميزاته الي حضرتك وضحتها
انه مش بيتزود كتير ده طبيعي و ميزة لا نغفل عنها

اما بالنسبه لصوت الكاوتش و تقليل معدل استهلاك البنزين
فده فعلا من مميزات النيتروجين
والسبب في ده انه اخف من الهوا
فغير انه بيخفف وزن العربيه
قوه انضغاطه بترفع العربيه عن مستوي سطح الارض لو قارنتها بالهوا
من هنا بيجي ان سحب العربيه بقي اعلي ومعدل استهلاك البنزين اقل غير ان صوت الكاوتش اختفي

اما بقي في كون عربيتك النترا
بصراحه مش عارف افسر الحوار ده كل الي اعرفهم عندهم النترا النيتروجين مش ماثر معاهم
بس برجح ده لنوعيه الكاوتش
لان ال m11 اساسا اتقل من الانترا كوزن فازاي النيتروجين ياثر في m11 وتعترض الانترا
يبقي اكيد في حاجه في خامه الكاوتش

وتقبل تحياتي

[أحمد فاروق سيد]

المشاركة الأصلية كتبت بواسطة lol64 لو الموضوع ده صح انا خاحط نتروجين انا صوت الكاوتش عندى حاجه تقرف شكرا على نقل تجربتك

غير لنتيروچين يا علاء
حتحس بالفرق لو بتسافر كتير

المشاركة الأصلية كتبت بواسطة lol64 انا الكاوتش عندى هانكوك الاصلى اللى بينزل مع الالنترا بس انت مش شايف ان 45 كتير قوى على الكاوتش ولا ده عادى؟ انا باضبطه على 30 مستنى رايك الجميل

عندك على قائم العربية مكتوب ظبط الكاوتش
والعربية فاضية أو محملة

المشاركة الأصلية كتبت بواسطة aboelesaad مشكور لردك المحترم بالنسبه لو انت في المنصوره عندك سنتر الهدهد الي في منطقه الاستاد وعندك في موقف التلاجه في محلين هناك بيعملو النيتروجين ومحطه بنزين shell الي بالمرور بس المحطه دي مش متاكد منها بالنسبه للقاهره عندك في طريق قليوب و انت لسه رايح للقاهره في اكتر من محل بيملي النيتروجين وفي برضو في احمد حلمي من اوله من عند النفق ورمسيس جمب المحطه القطار بس بصراحه اسماء المحلات مش فاكرهم خالص اعزرني بالنسبه للاسعار في بعضهم ب 5 حنيه و فيه ب 7.5 وده للعجله وعلي فكره مفيش فرق دي اجتهادات ومفيش فرق بين المنصوره و القاهره كلو زي بعضو وبالتوفيق يارب وربنا يسلم طريقك

فى القاهرة
أحسن واحد عنده نيتروچين وناس شغالة بتفهم
بيرچيستون اللى فى عمارات العبور - صلاح سالم
الترصيص مع ضبط الزوايا مع النيتروچين
بيخلى العربية حاجة تانية خاااااااااااالص

[HaMaDa-ToUBaR]

انا فعلا جربت النيتروجين لما سافرت القاهرة وبصراحة فرق معايا كتير جدا ولاحظت فرق النعومة بس بصراحة موضوع البنزين دة مش حسبتة خالص ونفسى اعرف العربية استهلاكها الحقيقى كام فعلا مش عارف احسبة ازاى ياريت تعرفونى اعرف الاستهلاك ازاى بالضبط وشكرا مقدما يا اجدع شباب

[أحمد فاروق سيد]

المشاركة الأصلية كتبت بواسطة HaMaDa-ToUBaR انا فعلا جربت النيتروجين لما سافرت القاهرة وبصراحة فرق معايا كتير جدا ولاحظت فرق النعومة بس بصراحة موضوع البنزين دة مش حسبتة خالص ونفسى اعرف العربية استهلاكها الحقيقى كام فعلا مش عارف احسبة ازاى ياريت تعرفونى اعرف الاستهلاك ازاى بالضبط وشكرا مقدما يا اجدع شباب

لما يكون ضغط الهواء داخل الكاوتش قليل تستهلك بنزين
والأستهلاك الكبيعى لموتور 1600 cc بيبقى
200 كم تستهلك 20 لتر

المشاركة الأصلية كتبت بواسطة HaMaDa-ToUBaR ونفسى اعرف العربية استهلاكها الحقيقى كام فعلا مش عارف احسبة ازاى ياريت تعرفونى اعرف الاستهلاك ازاى بالضبط وشكرا مقدما يا اجدع شباب

بالنسبه لظبط استهلاك العربيه
في زرارين في التبلوه
واحد للساعه و واحد لعداد الكيلومترات
الي علي اليمين
اتك عليه تكه هتشيل الساعه و تجبلك عداد الكيلومترات بس بالامتار ولو تكه كمان هتجبلك لو عايز تحسب مسفه معينه هتقطعها بالعربيه ولو تكه كمان هتجبلك معدل استهلاك البنزين وطبعا بيتظبط في الطرق السريع اما جوا البلد هيديك ميت الف قرايه

واي خدمه و رمضان كريم