فولكس بولو 2001 1000cc بس!!؟؟

[luckyman]

لا طبعا دول عاملين المحرك دة بالسعة لشخص بيستخدم السيارة داخل مدن مذحمة لتوفير فى الوقود كامل الاول طبعا على حساب العزم والقوة والتسارع والاداء يعنى بمختصر الكلام بس طبعا لو انت بتستخدم العربية داخل مدن مكتظة ومذحمة ولا حاجة لك بالسفر او طرق سريعة فلن تشعر بالفرق والخيار لك مع ملاحظة مفيش حاجة اسمها المانى ومش المانى انت عايز اية معطياتك اية متطلباتك فى الحياه مش شرط يعنى المانى يعنى ملائم وشكرا جزيلا

[mohamed ibiza]

يا جماعه الموتور ال 1000 ده مش مكنه جباره بس هو محرك بتاع مدن و موفر للبنزين جدا و برضه يعتمد عليه لو حافظت علي صيانته انما فرق شاسع بينه و بين ال 1400 مثلا ال 1400 ده رزع فيه براحتك هيستحملك انما ال 1000 بطبيعته موتور صغير و ضعيف مش قوي !!

و البولو تشيل معاك لحد 2000 سي سي مش هتقول لا يعني مش عشان نازله 1000 يبقي متشلش غيره و لو مش عاجبك ال 1000 هات مكنتها ال 1400 بفتيسها و سقطهم علي عفشة ال1000 و ضفيرته و هتلاقي تحت رجلك طلقه

[luckyman]

انا مش فاهم يعنى اية 1000 سى سى هو موتوسيكل ؟؟ لا طبعا سيبك منة حتى لو كويس لانة محرك قديم وسعتة محدودة بيتعب بسرعة زمانة خلاص بقى مستهلك لان حتى لو الضغط مش شديد بيكون توزيع الاجهاد علية عالىولك منى فائق الشكر والاحترام

[chingy]

سيدي الفاضل مين اللي قال ان البولو 2001 بتسخن دا كلام فاضي مع كامل احترامي لحضرتك العربية ما شاء الله عمرها ما سخنت معايا واكيد حضرتك بتتكلم علي عربيات هلكانة ومتهانة لان صعب جدا في ماتور البولو 2001 علي وجه التحديد والتكنولوجيا العالية الموجودة فيه بالرغم من انه 1000 سي سي انه يحصل الكلام فيه الكلام دا وانا اتحدي اي حد بالكلام دا دي عريبة الماني شركة فولكس واجن مش كوري والكلام الفاضي مفيش حاجة اسمها ماتور صغير عندهم يبقي بتسخن وجوان والفيلم دا وانا بقول الكلام دا لان الاخ عايز يشتري فلازم نكلمه بأمانة علي تجربة شخصية مش نقول ناس بتقول وسمعنا والكلام دا

[wadmad]

المشاركة الأصلية كتبت بواسطة luckyman لا طبعا دول عاملين المحرك دة بالسعة لشخص بيستخدم السيارة داخل مدن مذحمة لتوفير فى الوقود كامل الاول طبعا على حساب العزم والقوة والتسارع والاداء يعنى بمختصر الكلام بس طبعا لو انت بتستخدم العربية داخل مدن مكتظة ومذحمة ولا حاجة لك بالسفر او طرق سريعة فلن تشعر بالفرق والخيار لك مع ملاحظة مفيش حاجة اسمها المانى ومش المانى انت عايز اية معطياتك اية متطلباتك فى الحياه مش شرط يعنى المانى يعنى ملائم وشكرا جزيلا

السلام عليكم
طبعا يا جماعه انا بشكركم على انكم بتساعدونى بخبرتكم و وقتكم و انتو مش مجبرين
سيدى الفاضل انا شاب صغير برضة متطلباتى فى العربية يعنى بحكم سنى تبقى اولاً: سعرها مناسب
ثانياً:تبقى تحت رجلى حلوة فى السحب ,انا بطبعى مش مكن محبى السرعه لكن عايز وقت ما احب ادوس الاقيها بتجيب مش ميتة(طبعاً مش قصدى تبقى صاروخ لكن معقوله)
ثالثاً:ثبات لأنى هحتاجها فى السفر و لو قليلاً بس أكيد هسافر و طبعاً تكون على الطريق حلوة مش ضعيفه
رابعاً و اخيراً الشكل
دى حاجات انا كنت بدور عليها و بالبحث عن البولو اللى فى بلدنا لقيت كل البولو مو2001 موتورها 1000cc
قلت لازم اقف افكر شوية..
و آسف على تعطيلكم جميعاً