بريليانس ولا بروتون

[spider2x]

ياجماعه بصراحة الfrv احسن بكتير من الجين تو عشان العربيه قويه اناعندى صديق معاه الجين تو وتعباه قوى وبيشتكى من سوء التعامل بتاع التوكيل وقطع الغيار بيقول مش موجودة بتتوفر كل فترة وهو داللوقتى بيحاول يبعها ويشترى الfrv وبعدين كفايه ان توكيلها BMW وشكلها الجدىد والكماليات وان السيارة فيها كل عوامل الامان والثبات على الطريق

[بلبل الكوتش]

الجين 2 طبعا ثابتة رياضية امان سريعة شكل كل حاجة

[azazi]

Brilliance FRV تتفوق من حيث جودة خاماتها مع العلم ان الاداء متساوي تماما و من ناحبة الثبات تتفوق FRV على GEN 2 بفارق واضح ولكن ليس بالكثير ومن حيث قطع الغيار و ذلك ما يشغل الكثيرون فتتفوق FRV على منافستها GEN 2 من حيث الاسعار فتنخفض اسعار قطع غيار FRV عن اسعار قطع غيار GEN 2 وبفارق كبير لا يستهان به و من حيث التوافر فيتساوى بين الترفين

[ابراهيم أبوسيف]

انا معايا برسونا وبقولك بكل صراحة الأحسن الجين تو موتور وعفشة وثبات وقطع الغيار مش غالية زي الكوري تقريبا ومتوافرة برة التوكيل ودلوقتي بقى في منها استيراد كمان
الـ FRV انا سمعت عنها انها مش كويسة وكان هنا في المنتدى تجربة لواحد الموتور وقع في الحوض منه .. تخيل

أنا رأيي الجين تو أفضل بمراحل

[Hmatchy]

اولاً سلامو عليكو يا أعضاء منتدى مصر موتورز
دى أول مشاركة ليا هنا وسطيكو و أتمنا مش تكون الأخيرة
انا بصراحة مش قدرت اسكت لما شفت الهجوم دا على frv على فكرة مشاكل اللى ركبوا الجين 2 اكتر بكتير من مشاكل ال frv و دا كلام ناس ركباها بصراحة انا مش سئلة هى ايه لأن كنت يومها راكب مع صاحبى frv و كنا بنشد مع جين 2 على فكرة اخرها 170 فى الوقت اللى frv كانت 180 و لسا ال rpm مش على اخره و ممكن توصل 200 مرتاح
و الثبات ال frv تكسب بكتيييييييييييييير
انا صاحبى قالى هوريك اد ايه العربية دى استيبل وخد غرزة فى حارة واحدة صد رد يعنى جه من ورا عربية و رجع تانى أدمها فى نفس الحارة و الكلام دا كان على سرعة 180 بصراحة انبهرت بالعربية و للعلم هو كان راكب ابليها لانسر بومة و قالى البريلليانس كاركوبة وسواقة احسن من البومة
و انا افتنعت بكلامو
وموضوع قاعدة المتور المكسورة دا بافريان اثبتت ان كان فى خدوش فى الشاسيه من تحت يعنى قعدة الماتور خدت خبطة و اتكسرت و دا ممكن يحصل فى اى عربية
بس مع البريلليانس الوضع مختلف علشان صينى و اللى عاوزين يثبتوا كلامهم ان الصينى وحش و انهم كان ليهم نظرة مستقبليه هما اللى بيهجموا الصينى كلو
يا جماعة البريليانس زيها زى اى عربية كويسة فيها نسبة خطاء بس الفكرة كام %
يا ريت اللى يقول رأيو يكون عن تجربة
ورغم اعجابى الشديد ب frv و انا ناوى اجيب fsv إنشاء الله لاكن هكون واضح وصريح
العيبين الوحدين فى frv هما صوت الخبطة اللى فى أخر الباور لما يتكسر على أخرو
العيب التانى ان العفشة بتحتاج تربيط كل 5000 كيلو
بس عافشتها كويسة و لو اخت بالك منها هتعمر معاك