سحب بنزين مع عادم أسود... إيه الحل؟؟؟؟؟؟

[sayed2077]

المشاركة الأصلية كتبت بواسطة zing0 حبيب قلبى يا أستاذ محمد, و الله بتوحشنى بص يا حبيبى، العربية عالسلانسية بتبقى كأنها شرقانة فى الأول و العربية بتترج جامد, بس بعد ما أسخنها لفترة تبدأ تضبط, و فيه نقطة فى نص دواسة البنزين و أنا بأزود بألاقى العربية بتفصل فيها خالص و ترجع تانى. الشيئ الغريب: رحت النهارده أغسل العربية و الحوض و العامل المهمل رش مياه على الأسبراتير و قضيت اليوم فى الشارع و أخيراً أضطريت أغير طقم بوجيهات لسه مركبّه من إسبوع. الطقم اللى بفكه كان خارج أسود هباب, زى ما يكون كان شغال بقاله مليون سنه!!!

الكربراتير محتاجه صيانة واصلاح ما دام البوجيهات بعد اسبوع حصل فيها كده

[محمدصلاح القاضى]

المشاركة الأصلية كتبت بواسطة zing0 حبيب قلبى يا أستاذ محمد, و الله بتوحشنى بص يا حبيبى، العربية عالسلانسية بتبقى كأنها شرقانة فى الأول و العربية بتترج جامد, بس بعد ما أسخنها لفترة تبدأ تضبط, و فيه نقطة فى نص دواسة البنزين و أنا بأزود بألاقى العربية بتفصل فيها خالص و ترجع تانى. الشيئ الغريب: رحت النهارده أغسل العربية و الحوض و العامل المهمل رش مياه على الأسبراتير و قضيت اليوم فى الشارع و أخيراً أضطريت أغير طقم بوجيهات لسه مركبّه من إسبوع. الطقم اللى بفكه كان خارج أسود هباب, زى ما يكون كان شغال بقاله مليون سنه!!!

ياباشا وانت اكتر والله
بص حضرتك
كدا محتاج تظبط خليط
من بنزين وهوا وكمان كهربا
انت هتخلى الكهربا زى ما هى حاليا
وبعدين هتقفل مسمار الهوا تماما
وبعدين تلفه مرتين او مرتين ونص
وتدور العربيه دارت
هتبدأ تقلل الهوا تقفله تانى بس واحده واحده لحد ماتحس انها هتبطل
ولازم تكون ايدك حساسه حبتين
خلاص ظبطت المسمار
لو العربيه عاليه تقفل البنزين شويه لحد ماتهدى
لو واطيه اوووى هتزود البنزين شويه
وفى الامرين هتظبط هوا هتبدأ بالتقليل هتبطل يبقى تفتح الهوا تانى
كدا الكربراتير تمام زى الفل
هتروح للاسبراتير وتفتح الصاموله اللى مسكاه من تحت حاجه بسيطه
وتقدم الكهربا سنه بسيطه ودا للوش العربيه وتدوس امبليه مره واتنين

العربيه فايقه هتربط الصاموله
لسه فيها سنه تقدم الكهربا كمان سنه
وتدوس الامبليه
اتظبطت زى الفل ربط
ما انبطتش
يبقى ترجع الاسبراتير للوضع الاول وبعدين تبدأ تأخر الكهربا ودا بتحريكه ناحية الصالون
مع انى اشك انها مأخره كهربا مش مقدمه
وتحت امرك فى اى استفسار

المشاركة الأصلية كتبت بواسطة zing0 السلام عليكم كنت إشتريت علبة رش أبرو بتاعة تنظيف الكربراتير, و عملت زى ما علمتونا, فكيت العمة و الفلتر و رشيت جوة الكربراتير و دورت و رشيت و قفلت و طلعت مشوار طويل. و قلت بالمرة أغير طقم البوجيهات, الحمد لله حسيت فى الأول بفرق ملحوظ , بس بعد كده رجعت لسيرتها الأولى: فى السحب و التسارع. المهم أنى لاحظت بعد التنظيف أن معدل الإستهلاك زاد جداً, و العادم بقى لونة أسود و ليه رائحة الإحتراق المميزة. و صوت العربية من عند الشكمان كأنها بتقطع. هل ممكن يكون الشكمان مسدود و لا دى إبرة العوامة فى الكربراتير, و سمعت إن فيه مسمارين لضبط الهوا و البنزين فى الكربراتير بس مش لاقيهم, مش شايف غير مسمار بيك السلانسية. (ملحوظة: أنا لسه عامل صيانة شاملة للكربراتير من حوالى 5 شهور, و غيرت أكس و باب) العربية لادا 2105

الحل
http://www.masrmotors.com/vb/showthread.php?t=105504

nktis

[zing0]

أنا كتبت رد إمبارح بالليل بس النت فصل فجأه . و مش لاقيها النهارده
المهم
زوبه كانت مبرجله و بتفصل فى السلانسية و مع كل الغيارات و بتشرق.
عديت عالميكانيكى ,غير أبلاتين و كوندنسر, و الحمد لله ظبطت بنسبة كبيرة.
اللى لسه فيها:
مازال فيه عدم أنتظام لعمل المحرك, يعنى معدل الدورات عمال يزيد و يقل بمعدل ثابت(ثانية يزيد و ثانيى يقل كأنى عمال ألعب فى بيك السلانسية)

- مازال فيه هباب أسود طالع من الشكمان, أو بالأصح من خرطوم الفايظ.
زيت المحرك بقى لونه و قوامه زى العسل الإسود (زيت شل أحمر 50)

هل لازم أروح للأسطى معتز بتاع الكربراتير؟ و لا الموضوع فيه كلام تانى؟