الغاااااء الدعم على البنزييين والرضوخ لصندوق النقد الدولى

[world_of_kill]

عاجل – الحكومة المصرية تدرس تغيير التعريفة الجمركية على السيارات

ياجماعه دلوقتي في اخبار شبه مؤكده مناقشه الحكومه عشان الغاء الجمارك او تخفيضها اظن كدا الكلام اختلف
الخبر من كذا مصدر اهو

و بعدين يا جدعان انتو زعلانين عشان الدعم حيتشال و كل واحد فيكم اتخن عربيه معاه 1600 سي سي طيب واحد زي انا يعمل ايه و علي فكره انا من اسره متوسطه او اقل شويه انا معايا عربيه 2800 سي سي انتو بتهرجو انا لو حصل الكلام دا تاني يوم اكون جايب مكنه 1600 و عاين الكبيره دي و قالبها غاز في مينت

http://amwalalghad.com/index.php?opt...%A9&Itemi d=208

[tamer.koko]

المشاركة الأصلية كتبت بواسطة moustafa.peace براحة انا مش بتخانق اولا انا معايا عربية والله العظيم وعادى جدا فى اوقات كتير مش بنزل بيها لان المواصلات بتكون اسرع وبعدين فية ناس كتير معهاش عربيات وبعدين معلش واحد جايب عربية معدية 100 الف وبيدفع صيانة شهرية فوق ال 500 جنية هتفرق معاه موضوع البنزين ياريت نبس لمصلحة البلد يا باشا انا معاك السياحة والضرايب دا كان فعلا بيتسرق ايام حسنى الناس دية واخدة عمارة واقعة وعاوزة تتبنى من جديد فلازم نساعدهم ونكون معاهم قالب وقالبا ولما نشوفهم بيسرقوا عرفنا اللى فيها مش هنقف ساكتين وهنقول للحرامى انت احرامى فى وشة

معني كلامك ان كل اللي معاه عربيه فوق ال 100 الف جنيه انه مش محتاج وقادر ومش فارق معاه صيانه واغاء دعم البنزين
واضح انك مش موجود معانا في مصر
انا اعرف ناس جايبه عربيات فوق ال 150000 ومش عارفين يصرفوا عليها
ده غير ان في شريحه كبيره جدا جايبه عربيات فوق ال 100 الف جنيه بالقسط وطالع عينه عشان يسد القسط وساعات مبيعملش الصيانه لانه معهوش كمان ازودله سعر البنزين
معني كلامك اننا كلنا لازم نتقشف ونركب 128 و131 عشان نستحق دعم الحكومه لكن لو مرفه ولو امام الناس يبقي اتكفر واشيل الطين اني فكرت اشتري عربيه من الجداد حلوه دي
في فئه بقي عاوز اقولك عليها كان في 2007 و2008 اتفتح القسط علي البحري وكمام كان ممكن تركب لانسر ب 5000 جنيه وعن تجربه وواقع والقسط كان حوالي 2450 في 60 شهر الناس دي اللي ربنا كؤرمه وعلي مشارف انه يخلص القسط قسما بالله قعدوا كتير مذلولين عشان يقدر يدفع القسط ومقصر في حق بيته والعربيه عشان يقدر عليها هو غلطان انا معاك بس خلاص غلط يبقي يبتدي يفوق نروح مموتينه بالبنزين
تفتكر اللي زي ده وهم كتير جدا ومنهم اللي لحد دلوقتي مدان للبنك قدام الناس وقدام حضرتك من الفئه اللي راكبه عربيه فوق ال 100 الف جنيه ومن وجهه نظرك لا يستحق الدعم يبقي
يستحق ولا لأ
اللي بيتعمل فينا ده كفروالله قمه الظلم اللي في دنيا وهنوصل لثوره جياع قريب جدا
ولما ايام حسني كانوا بيسرقوا وناهبين البلد علي كلامك ساعتها كان في سرقه ومتلغاش الدعم ولا كان عمره في ازمه بنزين 90 او 92 طبعا غير دلوقتي
يبقي دلوقتي علي كلامك اننا نسبهم ونستحمل وان الناي دي ملايكه ومش هيسرقوا يبقي رد الفعل انهم يلغوا الدغم
ايه الكلام ده باي منطق

[Hisham.Elgazzar]

معني كلامك اننا كلنا لازم نتقشف ونركب 128 و131 عشان نستحق دعم الحكومه

خلى بالك من كلامك يا كوكو لو سمحت
على الأقل والحمدلله بعرف أصلح عربيتى لأنها على قد أمكانياتى معنديش أستعداد أشترى عربية بقرض ربوى وقسط ، صباح الفل
والعربيات بقت دلوقتى كماليات المواصلات أحسن من البهدلة اللى بنشوفها
وبعدين لما البنزين يغلا العالم الفاضية اللى بتنزل تحرق بنزين ع الفاضى وتعاكس البنات وتوقف الشارع هيلموا نفسهم والشوارع هتفضى يبقى هتروح مشوارك من غير ماتحرق بنزين زيادة كمان هتوفر صيانة العربية لأنها بتحرق فى الوقفات أضعاااااااف المشى ونتا عارف كده كويس شكلك بتسوق من زمان

تحياتى وإحترامى

[miam0502788391]

المشاركة الأصلية كتبت بواسطة Hisham.Elgazzar ]وبعدين لما البنزين يغلا العالم الفاضية اللى بتنزل تحرق بنزين ع الفاضى وتعاكس البنات وتوقف الشارع هيلموا نفسهم والشوارع هتفضى يبقى هتروح مشوارك من غير ماتحرق بنزين زيادة كمان هتوفر صيانة العربية لأنها بتحرق فى الوقفات أضعاااااااف المشى ونتا عارف كده كويس شكلك بتسوق من زمان تحياتى وإحترامى

أصلا لما البنزين يغلى مش هتلاقى فى الشارع الا العالم الفاضية دول لأنهم مش تعبانين فى الفلوس , ومش فارقه معاهم ان البنزين يغلى او يرخص

[mhemeda]

حسبي الله و نعم الوكيل