العودة   مصر موتورز مجتمع السيارات > السيارات الامريكية > جيب Jeep


مشاهدة نتائج الإستطلاع: ما هو تقييمك لوكيل جيب و مراكز الخدمه
سئ (لن أذهب إليه تاني ، حاروح لميكانيكي متخصص) 10 45.45%
سئ (سأذهب إليه تاني ، معنديش بديل) 3 13.64%
جيد 8 36.36%
ممتاز 1 4.55%
المصوتون: 22. أنت لم تصوت في هذا الإستطلاع

إضافة رد
 
أدوات الموضوع
  #11  
قديم 27-12-2013, 08:24 PM
imagineside imagineside غير متواجد حالياً
 
تاريخ التسجيل: Aug 2010
المشاركات: 2
imagineside is on a distinguished road
افتراضي رد: ما هو تقييمك لوكيل جيب و مراكز الخدمه


المشاركة الأصلية كتبت بواسطة M!NA مشاهدة المشاركة

بعيدا عن توكيل أبو غالي... و عز العرب...

الهيئة العربية للتصنيع هم الأفضل

و لدي أسباب قوية سأذكرها...

بعد ما جبت عربيتي الشيروكي (موديل 2000 , 4 سلندر) كنت بلاحظ أني لما بعمل مشاوير طويلة و الفتيس يسخن... أن العربية بتدبدب جامد جدا في الطلعة أو في المارشيدير....

فقررت أغير الاسطوانة و الديسك و البلية... و لأن الموضوع ده بيتطلب فك الفتيس... قررت أعمله في مكان متخصص...(توكيل) عشان أكون عملت اللي عليا و مندمش بعد كدا...

رحت توكيل أبو غالي و طلبت من أمين المخزن أني أشوف طقم الاسطوانة و الديسك... لقيته بيديني علبة كرتون مكتوب عليها Mopar من برة و بعد ما فتحتها لقيت الديسك اللي جوة Valeo
سألت واحد من مهندسين الصيانة...

الديسك دا نوعه ايه؟؟

قاللي Mopar ...

قلتله بس الديسك مكتوب عليه Valeo

قاللي يا باشا مش مهم... المهم الكارتونة مكتوب عليها ايه؟؟؟ !!!

طبعا سبت المكان كله فورا عشان مرتكبش جريمة في حقه (لأنه مالهوش ذنب في الآخر)

نفس السيناريو مع اختلاف الحوار... تم في توكيل عز العرب....

في النهاية... رحت الهيئة... و جبت منها الاسطوانة و الديسك و الاتنين كان عليهم علامة كرايسلر و Mopar و ركبتهم هناك - و هنا عرفت ليه الحاجات اللي في الهيئة غالية.... (لأنها فعلا فعلا أصلية)

بعد ما ركبوهم ادوني ضمان 20 ألف كيلومتر أو سنة.... و بصراحة الخدمة كانت معقولة... نقدر نقول جيدة..لكن مش ممتازة... (لأنهم برضه جهة حكومية و الروتين الحكومي مبوظ شوية حاجات بسيطة بس مش مأثرة أوي في جودة الخدمة بصفة عامة)
الاستاذ مينا احب اوضح نقطة ناس كتير متعرفهاش بس بما اني شغال في قطع غيار الجيب من سنين و عندي محل قطع غيار للسيارات الامريكية و بستورد قطع غيار من امريكا موبار و مركات عالمية اخرى وليا خبرات من تعاملاتي مع وكلاء الجيب في مصر (ابوغالي - عز العرب - الطارق اسماعيل "اسكندرية" - النيل الهندسية "الغردقة" - الهيئة العربية للتصنيع

شركة موبار مش بتصنع كل قطع الغيار بنفسها بمعني ان في بعض قطع الغيار شركات اخري بتصنعها تحت اشراف شركة موبار او بمعني اخر بتصنعها بمواصفات معينة مخصوص لشركة موبار وبتنزل في كرتونة موبار وعليها لوجو الشركة المصنعة وعليها ايضا الرقم المسلسل لموبار و احيانا بيكون في اختلاف كمان بين الرقم المسلسل لموبار اللي علي الكرتونة و اللي علي القطعة نفسها لان بعض قطع الغيار بتكون مكونة من اكتر من قطعة زي طقم الدبرياج بيكون عبارة عن دسك و اسطوانة و بلية وبلية دريك و كل قطعة غيار فيهم بينزل عليها رقم محدد لكل قطعة ودي من المشاكل اللي بتقابلنا مع العملاء عند توضيح المعلومة ده طبعا بخلاف المشكلة الكبيرة اللي بنقابلها مع العملاء في موضوع المنشأ وان مش كل قطع الغيار بتكون E IN USA لان MOPAR بتصنع في بلاد كتييييييير اووي منهم كندا والمكسيك والبرازيل اليابان وبلاد اخرري و اخيرا في حاجات بتتصنع في الصين ودي المشكلة الكبرى

وعلي سبيل المثال اليك بعض قطع غيار جيب لبيرتي 2008 حتي الان (KK) وانا اخترت العربية دي بالذات لانها جديدة و ممكن تسأل اي حد معاه العربية دي وللتوضيح اكتر العربية متقفلة في الهيئة العربية للتصنيع.
لو حضرتك جبت العربية زيرو و فكيت البوجيهات بتاعتها ( اخترت البوجيهات عشات تكون من الحاجات السهلة اللي تقدر تشوفها بنفسك ) هتلاقي مكتوبة عليها NGK و عليها رقم الموبار ZFR6F11G وطبعا شركة NGK اليابانية غنية عن التعريف للجميع خصوصا في البوجيهات.
مثال اخر .. لو حضرتك فكيت فلتر التكيف بتاعها هتلاقي مكتوب عليه VALEO وده فيديو ازاي تقدر تفك الفلتر بنفسك اللي موجودة في التبلوه

و بالنسبة لتجربة حضرتك مع طقم الدبرياج اللي من جوه VALEO اللي كان في ابوغالي وعز العرب وطقم الدبرياج اللي من جوه MOPAR اللي كان في الهيئة العربية للتصنيع
ده السبب فيه الانتاج لان في حاجات موبار كانت بتصنعها و بعد كده فوضت شركات تانية تصنعها ليها و ايضا احيانا بيكون في قطع غيار موبار بتصنع منها عدد معين وده طبعا بيكون من نصيب الشركات اللي بتقفل العربيات زي الهيئة العربية للتصنيع اللي بتقفل تقريبا كل العربيات اللي بتتقفل في مصر ودي بتبقي تكلفتها اغلي من قطع الغيار MOPAR اللي بتتبقي متصنعة عن طريق شركات تانية و الباقي علي شركات اخري وانا ارجح ان السبب في ده خطوط الانتاج او التوفير في التكلفة

اتمني اكون قدرت اوضح المعلومة قدر المستطاع وانا جاهز لاي اسئلة بخصوص قطع الغيار الاصلية "موبار" والمركات العالمية الاخري اللي تخص كل السيارات الامريكية من " جيب , دودج , كرايسلر "
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:57 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017