العربيه مش بتدور بسهوله........... بتطلع عيني

[waelsalah]

بالمناسبة يا جماعه انا كنت عند الكهربائي النهارده بظبط حاجات بسيطه كده فقولتله على صعوبة الدوارة وبتحتاج تسخين كتير فوصفلى ميكانيكي وشكر فيه
لكنه بعد دقايق لقيته بيقولى المشكله عندك عيب فى الكونتاك مبيلقطش مع الموبينه اللى بتودى للمارش ده على انا فهمته منه
وقالى بدل ما تغير الكونتاك مثلا ب 150 ج ممكن اعملك زرار كونتاك خارجي تستعمله قبل المفتاح والعربيه هتدور علطول ؟؟؟ ما راى حضرتك فى هذا ؟
وقد فهمت منه ان لو لا قدر الله اى حد دخل العربيه سواء حرامي أو اى حد يسوقها من غير علمى مثلا ميقدرش يسوقها الا بوجود المفتاح برده؟؟؟؟ ما رايكم فى هذا ؟؟ عربيتي اكسيل 94 اتوماتيك 1500

[agamemnon]

مممممممممممممممممممم زى الفل

[goldenscorpion]

عموما فكرة المفتاح اللي يفصل كهربة العربية دي عموما فكرة مش بطالة و الميكانيكي بتاعي قالي عليها بردو عشان العربية مش تتسرق و قالي ان مكان المفتاح ده بيبقى سري في العربية أنا بس اللي أعرفه لمزيد من الأمان للعربية فهي فكرة حلوة مش وحشة .....و بالنسبة للعربية الأكسيل اللي مش بتدور بسهولة الصبح فعلى فكرة ما تستغربش حضرتك لما أي حد ينصح حضرتك انك تدوس لها بنزين 3 مرات قبل ما تدور الموتور أنا كنت في السعودية و كان عندي مازدا 929 موديل 1993 و كانت بردو بتحتاج اني أدوس لها البنزين حوالي 3 مرات قبل ما أدورها الصبح عشان تدور مع العلم ان والدي كان شاريها زيرو له و بعدين أنا أخذتها فالعربية بعد 15 سنة شغل موتورها حتى مع الاهتمام الشديد لازم يحصل فيه بعض الاختلاف البسيط جدا جدا عن الزيرو.....وربنا يوفقك

[waelsalah]

ما معنى قياس كهربة الاسبراتير وكيفيته وما دوره؟؟؟
علما بان الميكانيكى القديم اخرلى الاسبراتير منه لله وانا مستنى اظبطه لما اغير سير الكاتينة
ولكم جزيل الشكر والامتنان

[تيتو55555]

انا فعلا جربت ادوس بنزين 3 مرات قبل ما ادور والعربيه بقت بدور معايا من اول مره بس باخر ايدي شويه صغيرين علي المرش والحمد لله بتدور من اول اوتاني مره بالكتير
الف شكر لكم جميعا علي المعلومات القيمه
اما بالنسبه لوموضوع المففتاح ده فهو جميل جدا وخاصة الله لا قدر لو حد عرف يفتح العربيه ميعرفش يسرقها وربنا يسترها علينا جميعا باذن الله