زنة التبلوه العجيبة

[dragking]

السلام عليكم
المشكلة دي سبق وتم حلها بنجاح باهر من قبل بعض الاعضاء في مواضيع سابقة ، والحل ياجماعه يتلخص بسهوله جداً في الآتي:
الزنة دي بتحصل لما بتكون دايس بنزين على الغيار الثاني او الثالث وبعدين بتشيل رجلك من على البنزين بدون فرامل فبتسمع الزنة - صح ؟
ماشي الزنة دي بتكون جاية من خلف الطابلوه
الحل هاتفتحك كبوت الفيرنا الجميلة وهتبص في آخر الحوض تماما بعد الانجيكشن هتلاقي ماسورتين ماشين بداية من اليمين الى اليسار بعد الانجيكشن بالعرض وخلف الطابلوه تماما كل اللي هاتعمله انك هاتجيب قطعتين سفنج كويس بسمك حوالي 3 الى 4 سم بحجم نصف كف اليد وهاتحطهم خلف الماسورتين اللى اصلا عاملين الزنة الرخمة وتحشرهم وتثبتهم كويس ورا الماسورتين وبين جسم السيارة الصاج من الداخل بحيث ان كل قطعه سفنج تبقى ورا ماسورة وجربوا وادعو لينا جميعاً
ملحوظة بخصوص عزل الفيرنا " العزل كويس جداً عكس كل الناس اللى بتقول ان الفيرنا مافيهاش عزل لأ فيها عزل كويس جدا جدا خلف الطابلوه بس انت مش شابفه
وشكرا لكم جميعا اذا كنت قد استطعت افادتكم

[M.TONSY]

تعقيبا على مشاركة الاخ dragking
هوانت تقصد مواسير التكييف اكيد وده من احد عيوب العزل
وبعدين بالنسبة لموضوع العزل حضرتك فعلا مش موجود لان كل واحد عنده فيرنا بيسمع صوت الموتور والفتيس كمان وهو سايق بعكس العربيات المحترمة والعزل المقصود بيبقى ظاهرى يعنى بتشوفه بعينك ما بين الموتور وسدر العربية وده بيعزل الحرارة والصوت

[ahmedsherif1990]

طيب انا معايا ماتريكس و باسمع نفس الزنة .. ما كانتش موجودة قبل كده بس بتظهر لما بمشى على طريق اسفلت خشن
.. ياريت صور للمواسير دى جزاكم الله خيرا

[dragking]

المشاركة الأصلية كتبت بواسطة tonsy1979 تعقيبا على مشاركة الاخ dragking هوانت تقصد مواسير التكييف اكيد وده من احد عيوب العزل وبعدين بالنسبة لموضوع العزل حضرتك فعلا مش موجود لان كل واحد عنده فيرنا بيسمع صوت الموتور والفتيس كمان وهو سايق بعكس العربيات المحترمة والعزل المقصود بيبقى ظاهرى يعنى بتشوفه بعينك ما بين الموتور وسدر العربية وده بيعزل الحرارة والصوت

صباح الخير
باشا هو تقريبا مواسير تكييف فعلا وبعد ما بتحط الاسفنج بيمنع صوت الزنة اللي بيتسمع لما بتكون دايس بنزين على الثاني او الثالث وتسيب بنزين
بالنسبة للعزل : مافيش عزل في كبوت الفيرنا طبعا وده واضح اما العزل بين الكبوت والتابلوه فهو موجود ومؤثر بس مش ظاهري والدليل لو مش موجود هو طبعا دخول هواء ساخن على مقصورة القيادة اثناء القيادة وده مابيحصلش
وشكرا للافادة

[lord_diago]

ياريت يا جماعة نحدد شكل المواسير بالظبط ودي بتاعت ايه لان في مواسير كتير ورا الانجكشن ولكم كل الشكر والاحترام.