|
#16
21-04-2013, 01:30 AM
|
||||
|
||||
رد: لازم اسوق و مرعوبه
__________________
|
|
#17
22-04-2013, 12:52 PM
|
|||
|
|||
|
رد: لازم اسوق و مرعوبه
انا الحمد لله خدت كورس سواقه و جمدت قلبي و بقيت ايييييييييييييييييه بريموااا بس فيه حاجه صغيره اوووووووى انى قررت مسوقش ابداااااااااااااااااا ههههههههههههههههههههههههه هه مش خوف و لا رعب انا فعلاا اتشجعت بعد الكورس و حسيتها اسهل بكتيررر مما كنت بشك لكن الرعب داخلى ملوش علاقه كمان المجتمع المصري ف سواقة الستات بيتعاملوا معاها انها حاجه محصلتش للأسف
|
|
#18
22-04-2013, 02:05 PM
|
||||
|
||||
رد: لازم اسوق و مرعوبه
السلام عليكم
بس فعلا في ستات سواقتهم ما حصلتش للأسف  بس في ستات محترفين في السواق  والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
#20
25-04-2013, 07:15 PM
|
||||
|
||||
|
رد: لازم اسوق و مرعوبه
بصى حضرتك انا فاهم مشكله حضرتك لانى مريت بيها قبل كده من سنتين لما كنت بعلم والدتى السواقة وهى كانت زى حضرتك بالظبط كده ...
هقول لحضرتك كلمه واحده بس تفتكريها دايما وانتى قدام الدريكسيون ... انتى اللى سايقه العربية مش هيا اللى بتسوقك وما هى الا مجرد اله بنوجهها بالدريكسون ونوقفها بالفرامل .. فمفيش اى داعى للخوف اطلاقا .. واسمحيلى انصحك بكام حاجة ممكن يفيدوا حضرتك .. اولا حضرتك تاخدى حد من اخواتك او احد الاقارب معاكى وتروحوا اى شارع يكون فاضى خالص بالنهار .. وتبتدى من الاول كانه اول يوم سواقه بس باسلوب جديد .. اول حاجة لازم نبعد عن الدريكسيون بمسافه لا تقل عن 30 سم (حسب طول حضرتك) المهم مسافه تسمح بتحريك الدريكسيون بيد واحده بسهوله .. ماشى .. مش لازم ابدا تبقى شايفه طرف كبوت العربية لان دى حاجة ليس لها اى اهميه واحيانا بتبقى صعبه جدا مع بعض العربيات .. ظبط المرايات بحيت يبقى طرفها اللى جوه موضح طرف العربية من ورا .. وده سببه انك تقدرى تقارنى مكان العربيات او اللى الاشياء الى وراكى بموضع العربية بعد تظبيط كل ده اهم شئ فى الاول .. التدرب على الطلعه باشكالها المتعدده .. او بمعنى اصح بسرعاتها المتعدده .. لانى لما اجى اطلع من ركنه غير لما اطلع من اشاره مثلا .. الاولى عاوزه بطئ والتانية عاوزه سرعه .. فمينفعش وانا فى اشارع اقعد ارفع رجلى سنه سنه بقى والكلام ده .. فالسنس بتاع الطلعه ده لازم نتعود عليه .. اقول لحضرتك مثلا من ربع الى نصف ساعة طلعه ع الاول بس علشان الطلعه دى هى اساس السواقه فى الزحمة ودى اللى بتدى الاحساس بالثقه .. بعدها ابتدى اتعود على الفرمله الكامله وطبعا لازم مننساش ونتلبخ ومندوسش دبرياج .. فى حاجة مهمه نادرا لما حد بيعلمها لحد وبتبقى سلوك سئ احيانا بيستمر مع ناس اتعلمت من زمان .. وهى ان لازم مع كل فرمله ندوس دبرياج .. ودى حاجة غلط لانها اولا لبخه ع الفاضى وثانيا اجهاد لمجموعه الدبرياج فى العربية .. لو انا بهدى مثلا ومش هحتاج انى انقل من غيار لغيار يبقى اكتفى بالفرمله فقط والعربية مش هتطفى بالتاكيد لانها اخده سرعه .. انصحك بالتعود على الاسلوب الطبيعى ده لانه مع التعود هيزيد تركيزك فى الطريق بعد التدريب على الطلعه والفرمله نبدا نتدرب على تغيير الغيارات والسرعه المناسبة لكل غيار .. على فكره المفروض فى التلات خطوات دول تركيزنا ميبقاش فى الطريق اوى - طبعا بمساعده الشخص اللى معاكى - وعلشان كده لازم مكان يكون فاضى ويا ريت يكون واسع بقدر الاماكن .. طبعا مع التدريب على الطلعات والفرمله والنقلات بتبدى تعملها بدون تركيز او تفكير .. يعنى بالبديهه كده لان التركيز فى النقلات بسبب لبخه كبيره وانشغال عن الطريق وهو ده اللى بيخلى الشخص يتوتر وممكن يكره السواقه .. خدى وقتك فى التلات خطوات دول زى ما انتى عاوزه يوم - يومين اسبوع مش مهم .. هى دى اساس السواقه .. او ما نبقى تمام فيهم نبتدى بقى نمشى فى الشارع بكل جراه ونبدا الاول بشوارع هاديه بالنهار ونبتدى تدريجيا نروح اماكن زحمه اكتر .. وبعدين نجرب السواقه بالليل .. واستخدام انوار العربية عند مداخل ومخارج الشوارع و الركنات وغيرها من الفنيات ... وعموما السواقه جميله وممتعه جدا وكفايه الرحمة من المواصلات والبهدله بالتوفيق لحضرتك ....
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ  التعديل الأخير تم بواسطة حسام البورسعيدى ; 25-04-2013 الساعة 07:33 PM
|
 |
|
|
