الحمد لله إشتريت لانسر بومة 2007 وهذه تجربتى

[السيد العيسوى]

الف مبروك عليك البومه

[medo akef]

المشاركة الأصلية كتبت بواسطة Devill Blood هو أنا يعنى هاكدبك لكن سؤال أنت عندك لانسر صح طيب بجيب قطع الغيار منين فى المنصورة أقدر ألاقى قطع غيار أصلية طيب اللى مش أصلى كويس ولا لا لأنى عايز تيل فرامل

يعني ايه انا بعني هكدبك؟ مش فاهم
ولله انا بالاماكن الي بقلها دي شكلي هاخد ايقاف
كل طقع الغيار موجوده عند الخضري ايل في الحسنيه او الي ادام عوضله الجديد اسعاره حلوه و عنده الاصلي و التقليد
في تيل الفرامل يفضل الاصلي لاني مركب عندي تيل ب65 زباله بيعمل رعشه علي السرعه و ميجيش نص قوه التيل الاصلي بس الاصلي ب400 و انا التيل عموما مش بيطول معايا فقحرام كل شهر 400 جنيه تيل بس

[Mr V.I.P]

الف مبروك ياباشا ع العربيه

ميتسوبيشى كويسه جدا ومنتشئره انتشار رهيب

كل بنها تقريبا راكبه ميتسوبيشى

[moslem2]

الف مبروك...والاخوه خاصة من اهل المنصورة افادوك وفعلا الخضرى اشهر واحد عنده قطع غيار وخد لك لفه فى الحسينيه اهوه تاخد فكره وخبره عن الاسعار والتجار بس الخضرى هو الاكبر والاشهر ..بس احب أكد لحضرتك على اهمية تغيير السيور خاصة سير الكاتينه والدينامو بغض النظر عن ان مالك السياره كان مغيرهم قبلك وكمان زيت الفتييس وزيت المحرك طبعا وبص بصه عالفلاتر وعندك فلتر التكييف مستخبى فى فتحة درج التابلوه وصيانة العربيه سهله عند اى ميكانيكى شاطر ماعدا شغل الكهرباء فانصحك بشغل الكهربا فى المراكز المعتمده وهات القطع الاصليه هى غاليه شويه بس بتركبها وتنسها وفيه حاجات ماينفعش تجيب فيها تقليد زى سير الكاتينه,,والعربيه صيانتها سهله جدا ومفيش فيها اى تعقيدات وربنا يبارك لك فيها ويعطيك خيرها ويكفيك شرها والحمد لله معايا بقالها سنه ونص مفييش مشاكل معقده واعمل لنفسك جدول صيانه تمشى عليه ومبروك تانى يا برنس وابقى سلملى على راس البر الله يخليك وانت قاعد عاللسان كده

[besho_3030]

الف مبروك على العربية الجديدة