ارجو الافاده فى استهلاك شيفورليه لانوس 2012 للبنزين

[sayed_alsayyad]

انا اشتريت سياره شيفورليه لانوس من اسبوع فقط بعد ما خدتها من الصاله ماكنش فيها بنزين روحت البنزينه ومليت التنك بنزين 90 والغريب ان العربيه بعد 300 كيلو فقط البنزين خلص والله العظيم
مش عارف حل المشكله دى ايه والعربيه لسه جديده يعنى المفروض تعمل 750 كليلو مش 300

ارجوا الرد ولكم جزيل الشكر والتقدير

[Mohamed Elhasafy]

جرب تانى مع 92 من بنزينة محترمة ... أنا لسه حاصل معايا الموضوع ده الإسبوع الجارى مع العلم إن العربية ساجا عاملة 20000 و بقالها سنة و معملتش كده معايا إلا فى أزمة البنزين اللى فاتت ... البنزين اليومين دول غريب قوى: إستهلاكه عالى و سحبه سئ

[sayed_alsayyad]

المشاركة الأصلية كتبت بواسطة Mohamed Elhasafy جرب تانى مع 92 من بنزينة محترمة ... أنا لسه حاصل معايا الموضوع ده الإسبوع الجارى مع العلم إن العربية ساجا عاملة 20000 و بقالها سنة و معملتش كده معايا إلا فى أزمة البنزين اللى فاتت ... البنزين اليومين دول غريب قوى: إستهلاكه عالى و سحبه سئ

شكرا لحضرتك على الاهتمام .. يعنى ممكن يكون من البنزبن .. ممكن يكون الكلب بتاع البنزينه حطلى 80 وقالى 90
اصل العربيه لما طلعتها من المعرض كان صوتها واطى بعد ما حطيت بنزين العربيه صوتها بقى عالى اوى

هو البنزين 80 اللى اتحط فيها ممكن يأثر عليها؟ .. انا اسف تعبت حضرتك معايا .

[moca_moca]

ياجماعه من المعروف ان العربيه بتاخد فتره في الاول تقريبا 5000 كيلو او اكتر شويه مش متاكد استهلاك البنزين فيها بيكون مش ثابت الفتره دي بتكون فتره التليين
انصح الاخ اللي عنده عربيه 2012 يبحث عن مواضيع استهلاك البنزين عشان يعرف ازاي يلين موتور عربيته بالطريقه اللي تحافظ علي عمر الموتور وتخلي استهلاك البنزين في المستقبل مثالي
ياريت تقولنا العربيه عامله كام كيلو

عموما الاستهلاك حاليا هيكون متفاوت يعني مره عالي ومره منخفض وارجو انك تبحث عشان فيه مواضيع بتشرح شرح وافي كل حاجه بالتفصيل من خبراء عشان العربيه تعيش معاك وتريحك

[sayed_alsayyad]

المشاركة الأصلية كتبت بواسطة moca_moca ياجماعه من المعروف ان العربيه بتاخد فتره في الاول تقريبا 5000 كيلو او اكتر شويه مش متاكد استهلاك البنزين فيها بيكون مش ثابت الفتره دي بتكون فتره التليين انصح الاخ اللي عنده عربيه 2012 يبحث عن مواضيع استهلاك البنزين عشان يعرف ازاي يلين موتور عربيته بالطريقه اللي تحافظ علي عمر الموتور وتخلي استهلاك البنزين في المستقبل مثالي ياريت تقولنا العربيه عامله كام كيلو عموما الاستهلاك حاليا هيكون متفاوت يعني مره عالي ومره منخفض وارجو انك تبحث عشان فيه مواضيع بتشرح شرح وافي كل حاجه بالتفصيل من خبراء عشان العربيه تعيش معاك وتريحك

العربيه عامله دلوقتى 430 كيلو بس بس انا مش مصدق ان العربيه تستهلك كل البنزين ده وموتورها 1500 سى سى
ولسه جديده ..

شكرا على اهتمامك