الغاااااء الدعم على البنزييين والرضوخ لصندوق النقد الدولى

[NASERELFHHAM]

المشاركة الأصلية كتبت بواسطة ahmed_rahem انا هسئل سؤال واحد فقط: مصدر الخبر ومدى صحتة؟؟؟ لانة مش موجود غير فى الصحيفة دى فقط!!!

-----------------------------------------------------------------------------------


صحيح مش ممكن يكون كل ده شائعات . نفسى تبقى شائعات فقط وربنا يستر لأنى والله كرهت بلدى ونفسى وكل حاجه فى الدنيا كلها ومش عارف احبها تانى

[ahmed_zamalek7]

المشاركة الأصلية كتبت بواسطة akkoo أرجو أن لا نعلي مصلحتنا علي مصلحة الوطن , هذا الدعم يمثل حمل كبير جدا علي الميزانيه , و يجعلنا نستدين من الخارج , و هو دين ستدفعه الأجيال القادمه , لكن ألغاء الدعم يجب أن يوازيه مواصلات عامه محترمه و نظيفه أستطيع استخدامها بدلا من السياره , و تكون السياره للأستخدمات الطارئه فقط , و يوجهه جزء من الأموال التي ستتوفر الي دعم التعليم .

مصلحتنا ايه ومصلحه الوطن ايه مهو مصلحه الشعب هى مصلحه الوطن وكمان مصلحه الوطن انم الاسعار تغلى والحياه تبقى نار امال ثوره ليه بقى عشان العيشه تبقى زفت اكتر ده ايام حسنى الكل الناس بتقول عليه حرامى مكنتش الاسعار زى دلوقتى الناس نزلت عشان تلاقى حياه احسن مفروض الاسعار تقل بقى مش تذيد يبقى مفروض نفضل زى ما حنا وخلاص

على فكره موضوع البنزين ده جمبه حاجات تانيه هتحصل فى البلد

قانون الضرائب العقاريه ال الاخوان كانو معترضين عليه ايام حسنى هيتعمل
ده غير قانون بطرس غالى القالو عليه انه حمار ده للموظفين هيزود نسبه الخصومات مقابل ان الموظفين يطلعو على 65 سنه ويكون المعاش نسبته 70% من المرتب يعنى مش المعاشات الهذيله الموجوده دلوقتى بقى عايزين يعملو ايه هيطبقو القانون عدا نسبه المعاش يعنى نصبين على الموظفين وهيفضل معاشتهم التعبانه مع ذياده الخصومات

ياترى ديه مصلحه الوطن

[رفيق]

المشاركة الأصلية كتبت بواسطة akkoo أرجو أن لا نعلي مصلحتنا علي مصلحة الوطن , هذا الدعم يمثل حمل كبير جدا علي الميزانيه , و يجعلنا نستدين من الخارج , و هو دين ستدفعه الأجيال القادمه , لكن ألغاء الدعم يجب أن يوازيه مواصلات عامه محترمه و نظيفه أستطيع استخدامها بدلا من السياره , و تكون السياره للأستخدمات الطارئه فقط , و يوجهه جزء من الأموال التي ستتوفر الي دعم التعليم .

هى فين مصلحة البلد مالبلد راحت ورا الشمش طيب انتا لما تلغى الدعم من البنزين الناس مش حتمون والعربيات حتقف ويقولو نروح الشغل مواصلات ازاكان دلوقتى والسواقين بيستغلو الظروف لوزحمة ويقولك نركب فى المكروباص اربعات عارف يعنى اية اربعات يعنى الكرسى ياخد 3 تحشر فية 4 ويقولو الاجرة اد كدة ويزودو فيها علشان الناس مطرة عاوزين يروحو الش\غل والى عاوز يروح وبعدين دلوقى الدنيا زحمة فى المواصلات فى اى وقت مكن اليوم امال لما يشيلو الدعم المواصلات هتبقى عاملة ازاى هتبقى زى علبة التونة المفتتة الى هيا درجة تانية مش درجة اولىواسعار المواصلات هتبقى غالية جدا وبعدين مفيش حاجة حتتحسن لامواصلات ولاغيرة الحالة هتبقى زى البتنجان الاسود وكل دة حيروح فى كرش الحكومة وكلهم زى بعض

[رفيق]

على فكرة البنزين فى السعودية ودول الخليج ارخص من مية الشرب ودة لية علشان هناك مفيش حرمية بياكلو البلد فى كرشهم وبيدو الناس حقهم

[سيف الدين سعيد]

المشاركة الأصلية كتبت بواسطة رفيق على فكرة البنزين فى السعودية ودول الخليج ارخص من مية الشرب ودة لية علشان هناك مفيش حرمية بياكلو البلد فى كرشهم وبيدو الناس حقهم

من الغلط جدا يا عم رفيق انك تقارن مصر بكل ما كان فيها من سرقه ببلد زى السعوديه الفلوس بتطلع فيها من بطن الأرض نوافير . وبعدين اذا كنا مش قادرين نصبر على بلد خران بقاله اكثر من 60 سنه يبقى قمتم بثوره ليه وبتحسبوا نفسكم ضمن من قاموا بها ؟؟؟؟؟؟؟؟؟؟؟؟؟؟؟؟؟؟ روحوا تظاهروا فى ميدان التحرير وطالبوا بالإفراج عن مبارك والعادلى وخليهم يعيشوكوا زى ما كنتم عايشين . حتى عشان يرخصولكم الأسعار . .....
اللى بيتكلم عن الثوره اى كلام من وحى خياله وحلمه انصحه انه يدخل على النت ويحاول يقرا ويفهم تاريخ الثورات اللى حصلت فى العالم ويشوف اقل ثوره احتاجت كام سنه عشان تتصلح امور دولتها . ويقارن كمان بين الفساد اللى كان عندهم وبين العزبه الخاصه اللى ولاد ال............... كانوا بينهبوها . وبعد ما يعمل المقارنه ينظر نظره موضوعيه للمصريين ويشوف اذا كان الشعب المصرى نظيف بما يكفى لكى يساعد على نجاح ثورته والى الشعب ده ممتلئ حتى الثماله من قذارة عهد طويل مر على البلد ومحتاج وقت أد ايه علشان ينضف ويبتدى يعبر المرحله السوداء اللى مرت عليه .
أما بالنسبه لموضوع البنزين يا بهوات ياللى بتبصوا لمصلحتكم فقط . فخطة رفع الدعم نصت على رفع الدعم عن البنزين السوبر والغير عادى اى من 95 فما فوق . يعنى لغاية 92 فهو بنزين مدعم . وانا شخصيا شايف ان انا ياللى راكب عربيه على قد حالى مش لازم ابدا انى اتساوى بعيل بياخد مصروفه من الست والدته عشان ينزل يركب عربيه طول الليل عمال يتمرقع بيها هو واصحابه . وفى الآخر بيحط بنزين بنفس سعر اللى انا باحط بيه . وكمان فكرة البونات فكره ممتازه ودول كتير بتطبقها .
وزى ما قال أخونا ان كل اللى بيعارض بيكون له غرض فى نفسه . ومش بيفكر غير فى مصلحته وفقط . والدليل على كده اننا مش قادرين نصبر على البلد لغاية ما ينصلح حالها ومتخيلين ان الساحر حاييجى يلمسها بعصاه السحريه فينصلح حالها فى غمضة عين . ياريت نفوق يا ذووا الأنفاس القصيره ونصبر شويه لغاية الفتره الإنتقاليه ما تعدى .