مشكلة مع توكيل Eit - رب ضرة نافعة

[محمد خيرى حسن]

أحمد باشا
صباح الفل لاتزعل منى فأنا جديا افكر فى تغير سيارتى وانا محتار مثلك تماما بين اللانسر والصنى ولكنى فجاه
شوفت السيراتو وعجبتنى ولكن كل الزملاء حذرونى من الوكيل ولذلك عندما قراءت موضوعك راودنى تضارب فى الاحاسيس بين ما سمعته عن الوكيل وما تقوله انت ولذلك كنت صادق معك فى قولى احس وربما يكون صح او خطاء فلاتزعل منى وارجو ان تعطينى رئيك بكل اهتمام ونصيحه فى اى سيارة من الثلاثه ترشحها لى
ولك منى كل الاحترام

[ahmed_su]

المشاركة الأصلية كتبت بواسطة محمد خيرى حسن أحمد باشا صباح الفل لاتزعل منى فأنا جديا افكر فى تغير سيارتى وانا محتار مثلك تماما بين اللانسر والصنى ولكنى فجاه شوفت السيراتو وعجبتنى ولكن كل الزملاء حذرونى من الوكيل ولذلك عندما قراءت موضوعك راودنى تضارب فى الاحاسيس بين ما سمعته عن الوكيل وما تقوله انت ولذلك كنت صادق معك فى قولى احس وربما يكون صح او خطاء فلاتزعل منى وارجو ان تعطينى رئيك بكل اهتمام ونصيحه فى اى سيارة من الثلاثه ترشحها لى ولك منى كل الاحترام

شوف يا محمد باشا انا مش زعلان ولا حاجة ,بس كنت بأرد على كلامك

مشكلة السبراتو انك لما تشوفها وتقعد جواها بتحبها مش عارف ليه ؟!!


ثانيا الوكيل الجديد لكيا هو محمد نصير بخلاف وليد توفيق ومشاكله واللى بوظت اسم كيا فى مصر

وكل اللى اتعامل معاه شكر فيه ...يبقى نرضى بيه الى ان يثبت العكس !!!

كان فيه موضوع عامله من 4 شهور فى موضوع حيرتى بين اللانسر والصنى ها اضيفه للمنتدى

واعتقد انه هيفيدك ... أقراءه الاول وبعدين نتكلم

[shevechinco]

السلام عليكم و رحمة الله و بركاتة يا ريت يا باشا بعد اذنك لو توصف لينا الكيا الجديدة و اية الفرق بينها و بين الي موجودة حاليا

[Nissan]

بسم الله الرحمن الرحيم
اولا الف مبروك على العربية و ربنا يبارك ليك فيها
ثانيا فعلا رب ضارة نافعة
ثالثا تعليقى على الموضوع : بصفتى مهندس ورشة اى شغل فى اى مكان فى العالم معرض لحدوث اخطاء بدليل ان امريكا بجلالة قدرها مش عارف تخرج من الازمة المالية اللى عملتها ليها و للعالم كله ده طبعا مثل بيوضح ان الخطا وارد حتى فى اكثر دول العالم نظاما و علما
لكن للاسف الشديد الاخطاء فى السيارات كل ما كانت تافهة كل ما كان اخطارها كبيرة و مدمرة مثل نسيان ربط طبة زيت المحرك بإحكام أو نسيان وضع زيت المحرك اساسا و صدقنى هذا يحدث و لقد حدث أمامى إنهيار محرك 6 سلندر بالكامل عندما وضع فنى - ربنا يبارك له - بوجيهات غلط للمحرك و دى كانت غلطة الفنى اولا و غلطة المخزن ثانيا
و اللى حصل مع حضرتك يدل على قلة خبرة مهندس الإستقبال و انا متاكد ان حضرتك قد تكون فى قائمة اول 10 عملاء يقوم باستقبالهم و الدليل انه اتى بفنى لمساعدته لحل مشكلة ترشيح زيت من مكان ما ف سيارة حضرتك و ده بردو شىء وارد لأن من غير غلط مش هيتعلم و اكيد حضرتك اخطات فى عملك - مع كامل احترامى لحضرتك - عشان احنا كلنا بشر و الكمال لله سبحانه و تعالى وحده
و الله مش بدافع عنه او عن الفنى بس يجب إلتماس العذر لهما و عارف تماما ان الموضوع ده مش قصتك عارف ان اللى يهم حضرتك عربيتك و مش مهم خبرة المهندس او الفنى او تعليمهم او قدراتهم ولا حتى اسمائهم
المقصود قدر الله ما شاء فعل و الحمد لله أكتسبت صداقة مدير المركز و أصبحت من اهم عملائهم

[sam ram]

المشاركة الأصلية كتبت بواسطة Nissan بسم الله الرحمن الرحيم اولا الف مبروك على العربية و ربنا يبارك ليك فيها ثانيا فعلا رب ضارة نافعة ثالثا تعليقى على الموضوع : بصفتى مهندس ورشة اى شغل فى اى مكان فى العالم معرض لحدوث اخطاء بدليل ان امريكا بجلالة قدرها مش عارف تخرج من الازمة المالية اللى عملتها ليها و للعالم كله ده طبعا مثل بيوضح ان الخطا وارد حتى فى اكثر دول العالم نظاما و علما لكن للاسف الشديد الاخطاء فى السيارات كل ما كانت تافهة كل ما كان اخطارها كبيرة و مدمرة مثل نسيان ربط طبة زيت المحرك بإحكام أو نسيان وضع زيت المحرك اساسا و صدقنى هذا يحدث و لقد حدث أمامى إنهيار محرك 6 سلندر بالكامل عندما وضع فنى - ربنا يبارك له - بوجيهات غلط للمحرك و دى كانت غلطة الفنى اولا و غلطة المخزن ثانيا و اللى حصل مع حضرتك يدل على قلة خبرة مهندس الإستقبال و انا متاكد ان حضرتك قد تكون فى قائمة اول 10 عملاء يقوم باستقبالهم و الدليل انه اتى بفنى لمساعدته لحل مشكلة ترشيح زيت من مكان ما ف سيارة حضرتك و ده بردو شىء وارد لأن من غير غلط مش هيتعلم و اكيد حضرتك اخطات فى عملك - مع كامل احترامى لحضرتك - عشان احنا كلنا بشر و الكمال لله سبحانه و تعالى وحده و الله مش بدافع عنه او عن الفنى بس يجب إلتماس العذر لهما و عارف تماما ان الموضوع ده مش قصتك عارف ان اللى يهم حضرتك عربيتك و مش مهم خبرة المهندس او الفنى او تعليمهم او قدراتهم ولا حتى اسمائهم المقصود قدر الله ما شاء فعل و الحمد لله أكتسبت صداقة مدير المركز و أصبحت من اهم عملائهم

الخطاء وارد طبعا .. في اي مكان واي مجال ... والحذر لا يمنع القدر ...
لكن فيه حاجه اسمها كواليتي كونترول quality control .... سيستم شغال في اي مكان لمنع حدوث الاخطاء (خصوصا الاخطاء البشريه ) و عشان كده فيه check list بيمشي عليها كل واحد .....
اولا المهندس الصغير ده ماكانش المفروض يستقبل لوحده طالما هو خام كده وواضح ان ما كانش لسه حتى عنده فكره ... و دي غلطه من الوكيل قبل ما تكون غلطته... خصوصا ان المركز كان فاضي ومفيش ضغط .. يعني كان ممكن اوي يكون حد قديم معاه او قريب منه يتابعه ...
ثانيا واضح ان محدش راجع على العامل ... طب فين مهندس الورشه؟؟؟
الواضح من الكلام ان التوكيل كويس (نيته كويسه) وعايز يعمل حاجه بس لسه معملوش سيستم ... و ده مش صح .... اخطط الاول مظبوط و افهم كل واحد دوره و اديله ال quality control procedurs او اجراءات ظبط الجوده... وبعدين اشتغل.
او ممكن يكونوا حطوا نظام للاستقبال و مراجعه الحجز و الصيانات الدوريه و لما جت حاجه جديده عن اللي اتدربوا عليه اتبرجلوا... و دي برضه غلطه الوكيل ... المفروض يكون فيه حد خبره يسند المهندس الصغير ويراجع عليه
الحمد لله انها جت على اد كده و اكيد الموقف ده حيخليهم يظبطوا حاجات كتير و يطوروا نفسهم
ربنا يباركلك فيها .... و ابقى قلنا ايه التطورات في الخدمه مع الصيانه الجايه.