مشكله فى السنترلوك من الريموت

[sherif74]

السلام عليكم
عندى مشكله ظهرت من كام يوم فى شيفروليه لانوس 2013 وهى ان غلق الابواب من الريموت لايعمل علماً بانه بيصدر صوت الصفاره طبيعى وكذلك نور الاشارت يعنى لولا ما تاكدت ولقيت الباب بيفتح ما تعرف انه ما اغلق الابواب. وكذلك الابواب بتقفل مانيوال عادى جدا سواء من المفتاح او من الباب الخاص بى كقائد للسياره المتحكم فى كل الابواب. ووكذلك جهاز الانذار شغال طبيعى مفيش مشكله من الاخر كل ما فى الامر مش باقفل العربيه بالريموت زى الاول وباضطر اقفل بالمفتاح .. اتمنى من حضراتكم حد يفيدنى بصراحه قلقان مش عايز حد يلعب فى العربيه وتتفاقم المشكله اكتر واقول اكتفى بالفتح والغلق من المفتاح وامرى لله .. ملحوظه غسلت العربيه من حوالى 15 يوم فى مغلسه وما اخدت بالى من المشكله بعديها بس باشك انه حصلت مشكله من الغسيل
.. اشكركم جميعاً واسف للاطاله

[monamour688]

المشاركة الأصلية كتبت بواسطة sherif74 السلام عليكم عندى مشكله ظهرت من كام يوم فى شيفروليه لانوس 2013 وهى ان غلق الابواب من الريموت لايعمل علماً بانه بيصدر صوت الصفاره طبيعى وكذلك نور الاشارت يعنى لولا ما تاكدت ولقيت الباب بيفتح ما تعرف انه ما اغلق الابواب. وكذلك الابواب بتقفل مانيوال عادى جدا سواء من المفتاح او من الباب الخاص بى كقائد للسياره المتحكم فى كل الابواب. ووكذلك جهاز الانذار شغال طبيعى مفيش مشكله من الاخر كل ما فى الامر مش باقفل العربيه بالريموت زى الاول وباضطر اقفل بالمفتاح .. اتمنى من حضراتكم حد يفيدنى بصراحه قلقان مش عايز حد يلعب فى العربيه وتتفاقم المشكله اكتر واقول اكتفى بالفتح والغلق من المفتاح وامرى لله .. ملحوظه غسلت العربيه من حوالى 15 يوم فى مغلسه وما اخدت بالى من المشكله بعديها بس باشك انه حصلت مشكله من الغسيل .. اشكركم جميعاً واسف للاطاله

هي ممكن تكون المشكله في وحدة الانذار لانها مسئوله عن تشغيل السنتر عن طريق اشارة الريموت
ممكن تستني ميعاد الصيانة في التوكيل وتخليهم يبصولك عليها
او تخللي اي كهربائي شاطر يبصلك عليها من غير ما يبان انة اشتغل فيها عشان متفقدش الضمان بتاع الكهربا

[Hisham.Elgazzar]

حاول توصل للتوكيل يكشفوا عليها أفضل لأن الموضوع ده حصل مع زميل هنا

[sherif74]

شكرا جزيلا على اهتمام حضراتكم بالرد والله بصراحه انا بابقى خايف لاحسن تفتح بلاوى تانيه بعدها طالما فكيت مسمار يبقى ربنا يستر . علشان كدا انا مازلت ااقفل بالمفتاح والانذار بيكون شغال على فكره

[كفليت الاسفلت]

بإختصار حل المشكله هنا هتلاقي المسمار اللي عليه الدايره السوداء مفكوك رجعه مكانه وده تحت فرش باب السائق