ساعدونى بسرعة مشكلة فى المروحة والموتور

[more13]

انا معايا فيات 131 ابطالى 1600اشترتها فى شهر 2-2013
المروحة بتشتغل اوتوماتك اول مؤشر الحرارة يبقى على 80
حاليا المروحة بتشتغل ومؤشر الحرارة عند 60
سؤالى
ياترى كدة فية مشكلة فى الماتور
ولا فية مشكلة فى المروحة
ولا دة طبيعى ولا دورة التبريد فيها مشكلة
ولا محتاج اعمل نصف عمرة
وامتة اعرف ان الموتور سخن زيادة عن اللازم
وامتة اعرف ان لازم اعمره
ياريت تلحقونى وتقولوا لى اعمل اية وشكرا

[AbOnOrA]

طيب مبدئياً متقلقش وان شاء الله خير طالما المروحة شغالة ومفيش سخونة
كون ان الترموستات بيشتغل بدرى مش عارف ليها حل او يتغير ممكن المتخصصين فى ميكانيكا الفيات يفيدوك اكتر ان شاء الله

ولا قدر الله لو حصل ان الموتور سخن لدرجة حصل تلف لمكونات الموتور هتبقى فيه اعراض تانية خالص زى ان العربيه تسخن جامد وبشكل مستمر او تلاقى طحينة فى مية الريداتير او فقاقيع هواء او دخنة سوداء او حتى الموتور يقفش خالص وان شاء الله انت بعيد عن الحاجات ديه كلها

[magicworld2]

مفيش قلق خالص ده كله فى الحساس حكايت انه يشتغل المروحه عند درجه حراره 60 جيب حساس 80

[more13]

المشاركة الأصلية كتبت بواسطة AbOnOrA طيب مبدئياً متقلقش وان شاء الله خير طالما المروحة شغالة ومفيش سخونة كون ان الترموستات بيشتغل بدرى مش عارف ليها حل او يتغير ممكن المتخصصين فى ميكانيكا الفيات يفيدوك اكتر ان شاء الله ولا قدر الله لو حصل ان الموتور سخن لدرجة حصل تلف لمكونات الموتور هتبقى فيه اعراض تانية خالص زى ان العربيه تسخن جامد وبشكل مستمر او تلاقى طحينة فى مية الريداتير او فقاقيع هواء او دخنة سوداء او حتى الموتور يقفش خالص وان شاء الله انت بعيد عن الحاجات ديه كلها

شكرا على الاهتمام بس عايز اسال انت تقصد دخنة سوداء من الشكمان ولا من حتة تانى
وفقاقيع الهواء دى الاحظها ازاى وامتة

[AbOnOrA]

الدخنة السوداء من الشكمان اه والفقاقيع ديه لو وش السلندر حصله حاجة هتظهر فى مية الريداتير