تجربتى الخاصة مع رينو لوجان

[islam1980]

أمتلك رينو لوجان 2011 وهذه بعض المشاكل التى قابلتها:
1-الصاج الخارجى ضعيف جدا . فقد رأيت بأم عينى صاج الرفرف الخلفى الايسر الخاص بسيارتى وهوة بيتطبق نتيجة لأستناد أحد الأشخاص عليه . ولا حظ معى أن هذا المكان شائع جدا فى معظم السيارات اللوجان حيث أن الرفرف الخلفى اللأيمن يقويه وجود تنك البنزين فيه. أما الأيسر فلا وهوا فى رأيى عيب فى تصميم السيارة.
2-فى يوم من الأيام فؤجئت أن التكييف لا يعمل بعد صيانة ال5000كيلو بيومين (تخيل) المهم ذهبت للتوكيل و بعد الكشف على السيارة(تكلفة الكشف 45جنيه) تم تشخيص السبب بأنه فيه طوبة متناهية الصغر لدرجة أنها مرت من فتحات الشبكة الامامية للإكصدام دون أن تصيبها بأى أذى ثم قامت هذه الطوبة المندسة بالتوجه مباشرة الى السربنتينة الخارجية للتكييف فأحدثت بها إصابات بالغة (بالبلدى خرمتها) مما أدى لتسريب الفريون بالكامل. وبالتالى فالعلاج هوة تغيير السربنتينة و إعادة شحن الفريون بتكلفة تقارب ال3000 جنيه فقط!!
والسؤال هنا ما الذى يضمن لى أن لا يتكرر هذة العيب فى أى لحظة قد تكون بعد خروجى من مركز الصيانة مباشرة حيث أن ما أكثر الطوب الماكر المندس فى كل الطرق ببلدنا الحبيبة مصر ولماذا لا تصنع الشبكة الأمامية بفتحات أضيق أويتم وضع شبكة حماية للسربنتينة طالما أنها بهذة المتانة الفريدة

[heshhesh]

وانت دفعت 3000 دول وتمن الكشف كمان بجد ربنا يعينك

[sherif fersh]

حظ سىء مش أكتر ...
معلهش , تعيش و تصلح ‘

[MOSTAFA SALLAM]

قدر الله و ما شاء فعل و الحمد لله انها جت على قد كدة و قــــــــــــــــــــــــ ــــــــــــــــول الحمد لله .
بس انا اللى اعرفه ان العربية طالما فى فترة الضمان مبتدفعس مليم لأن دة عيب صناعة و لو انت كنت اشتكيت لحماية المستلهك كان هيجبلك حقك تالت و متلت و بعدين متجيش غير من توكيل محترم زى رينو !!
امال باقى التوكيلات زى منصور او غبور مثلا بيعملوا ايه فى الناس :") :") حسبى الله و نعم الوكيل .

[Dr-Samir]

السلام عليكم
انا كنت ناوى اشترى العربية دى الاسبوع الحالى فياريت لو حد هنده معلومات عن التوكيل وهل هو على طول كده " ادفع وبعدين اخبط راسك فى الحيط " ولا ايه بالظبط .