نيسان تييدا هاتشباك اتوماتيك ولا سانيرو اتوماتيك

[ahmed-adel]

المشاركة الأصلية كتبت بواسطة zaza_elsaghir متشكرة جدا على الرد السريع انا عايزة اولا عربية هاتشباك، وشكله يكون حلو، تكييف قوى عزم قوى توكيل محترم زى توكيل نيسان وقريب من المعادى فئة سعرية متوسطة وحجم الشنطة مناسب اما الاوبشنس اتوماتيك ، شبابيك كهرباء، كاسيت وباور ABS، وتكون عالية وجنوط سبور وما تكونش صوتها عالى، كمان لازم قطع الغيار تكون متوفرة، وسعرها كويس عشان انا معايا كيا ريو 2004 بس مطلعة عينى فى قطع الغيار والصيانة

*الشكل: ده أذواق ,يعني حضرتك بس اللي تقدري تحكمي فيه
*التكييف :أكيد الياباني يكسب , يعني التيدا
*توكيل : التوكيلين محترمين
*حجم الشنطة : ده في صالح التيدا
*الاوبشنز: في صالح التيدا بحكم إنها في فئة سعرية أعلى بس كل اللي كتبتيهم موجودين في السانديرو
*الصوت : معرفش
*توفر قطع الغيار :ده في صالح السانديرو بحكم إن انتشارها أكتر وقطاع غيرها ارخص (عموما اللي بيشتري جديد ,يسأل على الوكيل علشان في صيانة المشتري ملزم بيها عشان الضمان )

فيه برده بديل تانية :1.renault megane
2. kia rio
أو ممكن بدايل مش هاتشباك :
1.hyundai elantra
2.accent rb
ممكن يتجابو خليجي وتعملي الصيانة في مراكز معتمدة وأوبشانز أعلى من الوكيل

[welywely]

نيسان تيدا بدون تفكير الرينو هايتعبك السحب و الهدوء في التيدا افضل و احسن بكتير و ده والله عن تجربه النيسان تيدا تحفة و ياباني على ابوه و ان فاتنا الياباني مش هيرجع تاني

[tamer.koko]

لو معاكي فلوس يبقي تيدا طبعا بلا نقاش لكن لو الفلوس متكملش يبقي السانديرو وعربيه حريمي ولذيذه فعلا ركبتها بس المانيوال