هي اللوجان فيها مرايات ............ حراري ؟؟؟؟

[abo-gamal]

بصراحة معلومة جامدة وجديدة

[akerima]

المشاركة الأصلية كتبت بواسطة akerima والله دي حاجة كويسة مش وحشة مع انها خسارة في شرطتنا الجميلة واللي عندة عربية بيضة كدة حيخاف عليها الناس تفتكر انها بتاعة الشرطة - بس استني كدة اية دا دي الصورة مكتوب فيها انها 1400 CC مش 1600 الكلام دا مظبوط ولا اية

حبيت اسجل اعتذار صغير علي قولي انها خسارة في شرطتنا الجميلة - ودا بعد ما شفت امبارح بتاريخ 28/11/2011 ظابط شرطة برتية عقيد واقف في نص شارع ابو قير مع اشارة مصطفي كامل الداخلة بتاعة سموحة وكان بينظم المرور وبيساعد ان الشارع ميوقفش مع وجود مدرسة فيها لجنة انتخابات وطبعا انتوا عارفين اللجان امبارح كانت عاملة ازاي

كل دا والله كانت الدنيا بترخ حنفية مية واتفتحت لدرجة اني كنت مقفل ازاز العربية كلة عشان مغرقش ودا نادرا ما بيحصل اني ابقي ماشي وازاز العربية مقفول علي الاقل اللي جنبي

والله كان هخاين عليا انزل اخده بالحضن - مش عشان هو ظابط لان دا واجبه - بس عشان باين ان سنة كبير وواقف تحت مطر فظيع ومع كده كان علي وجهه ابتسامة غاية في الجمال يعني مش مكشر ومبسوط ب اللي هو بيعملة

نفسي اشوف كل الشرطة كدة وبلاش وش الخشب اللي هما بيبقوا لابسينة دا واكيد فية غير الظابط دا كتير زيه ربنا يكتر من امثالك انت مثال عظيم لبلد عظيم

كل التحية ليك ولامثالك من ظباط مصر الشرفاء