|
#1
29-05-2010, 01:03 AM
|
|||
|
|||
|
كلاكيت التجربة الأولى مع العربية برودوا كانشل
و أنا بشيك على عربية المدام اللى أشترتها مستعملة من كام يوم و طبعا لازم من شوية تغييرات بعد الشراء للإطمئنان على العربية.
روحت لميكانيكى و لعفشجى فى فيصل و هو بالمناسبة بيزبط زوايا و إتزان . و بعد الكشف على العفشة قالى العربية محتاجة الأتى: 1- طقم مساعد خلفى 2- طقم فلاتر بنزين و هواء 3- طقم سيور كاتينة و دينامو و تكييف 4- طقم بوجيهات 5- 2 كاوتش جديد يركب قدام العفشجى أخد 5 جنية كشف و الميكانيكى لسه ماحسبتوش لأنه لسهحيشتغل فيها بكره. طبعا أنا عارف زى معظم الأعضاء أن قطع غيارها فى الحرفيين أو التوكيل بس قلت أسأل الأول فى شارع فيصل. طبعا دوخت من غير فايدة. قلت مبدهاش أطلع على المنيل على محل الشياطين الحمر. و أنا فى الطريق عديت على كهربائى الانوس بتاعى فى بين السرايات و قال لى فى محل أسمه السرساوى فى شارع الدقى بيجيب حاجات الكانشل. طبعا طرت عليه فى الأول (مرفق صورة بمكانه) و ما شاء الله لقيت عنده كل حاجه خاصة بالميكانيكا فقط (كبالن-مقصلت-فلاتر-سيور-بيض ...) بس صاج لأ (ماعندوش إكصدامات أو شبكة أو ...) المهم جبت من عتده كل اللى إطلب منى و الأسعار كالأتى: جوز مساعدين خلفى 220 – سير دينامو 15 – سير كاتينة أصلى 85 – سير تكييف 15 – فلتر هوا 65 – فلتر زيت 25 - 3 بوجيهات NGK 40 – فلتر بنزين 25 طبعا الأسعار دى مش عارف كويسة ولا لأ (يا ريت اللى جرب يقول رأيه بس اللى لاحظته أنها كلها أصلية و يابانى (مرفق صور ليهم) بس بصراحة أنا ماصدقت لقيت حد قريب منى و عنده معظم حاجاتها. المهم رجعت من هناك و أنا راجع لقيت لمبة الزيت بتنور و تقطع . قلت أه ده قرف إنك تجيب عربية مستعملة و مش عارف عنها حاجة. المهم ركنت و شفت زيت الموتورو الفتيس لقيت زيت الموتور أسود و ناقص. قلت المهم فالأهم كلمت الميكانيكى و قلتله أنا جبت الحاجات كلها بس حغير زيت الأول قال لى و بالمرة أغسل الموتور كويس علشان أشوفها كويس بكره. و فعلا رحت عند محل الزيت اللى بتعامل معاه فى الهرم سألته إذا كان بيعرف يغير فلتر العربية دى و الحمد لله طلع ناصح و أروبه ضحك و قال لى بص حغيره إزاى. و لقيته فك النمرة الأمامية و لقيت بعدها صندوق فى الشبكة الأمامية و دخل جهاز طويل و فى ثانية واحده طلع الفلتر و ركب الجديد وغير الزيت. الحمد لله طلع الموضوع سهل. و أنا مروح غسلت العربية و جهزتها لرحلة الغد. و الى ما يحدث الغد. أسيبكم مع الصور       
التعديل الأخير تم بواسطة hazem_khidr ; 30-05-2010 الساعة 06:34 PM 
|
|
#2
29-05-2010, 08:50 AM
|
||||
|
||||
رد: كلاكيت التجربة الأولى مع العربية برودوا كانشل
ربنا يحفظهالك يا باشا و ترجعها زيرو ان شاء الله
و مستنيين تقريرك عنها بقى بع الاستعمال
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#3
29-05-2010, 09:09 AM
|
|||
|
|||
|
رد: كلاكيت التجربة الأولى مع العربية برودوا كانشل
تقرير ممتاز يا استاذ شريف وتقبل تحياتي ومستنيان رجوعك لارض الوطن يا ابو كمال وهتعملك حفلة في مطار القاهره بس انتا تقول هتيجي امتي
|
|
#4
29-05-2010, 01:09 PM
|
||||
|
||||
رد: كلاكيت التجربة الأولى مع العربية برودوا كانشل
بس انا مش جاى عن طريق الجو انا هركب المحروسة اللى معايا فى الصورة دى و ادوس بنزين و اجيلكم برا ان شاء الله يوم 25 - 6 تعالى اعمل لى حفلة فى نويبع بقى 
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#5
30-05-2010, 09:09 AM
|
|||
|
|||
|
رد: كلاكيت التجربة الأولى مع العربية برودوا كانشل
ربنا يوفقك يا أستاذ شريف
الأسعار اللي انت جايبها تمام و كمان فلتر الهواء انت جايبة رخيص أنا جبته من الحرفيين ب 85 جنيه بس فلتر الزيت و البنزين ب 20 جنيه زي اللي انت جايبهم بالظبط و سير الكاتينة ب 85 برضه و السرساوي كويس طبعا بس زي ما أنت قولت معندوش صاج أو أكصدامات و غالبا لما بروحله مش بلاقي عنده كل حاجه ربنا يوفقك
__________________
If you want a thing well done, do it yourself
|
 |
|
|
