لازم تلحقونى الليلة دى

[samirayad]

المشاركة الأصلية كتبت بواسطة tham1010 ------------- يا باش مهندس سمير لمبة الفرامل فى الخلف بتفضل منورة حتى مع تدوير الماتور يعنى منورة سواء مش مدور الماتور أو مدورة. ماشى ...كده الأمور بانت أنا قصدى أن لما بدور الماتور مش فى لمبة إنذار حمراء فى الكمبيوتر بتاع العربية. يعنى مش بيدى إنذار ان ABS أو TCS فيهم عطل، والهذا أعتقد أن الحكاية فرامل قفشة مش رجعت لوضعها. ولكن أزاى وهى واقفة خمس أيام........ يحصل العطل دة لوحدة كدة بدون مقدمات؟؟؟

مش ....يعنى تقصد فيه


نعم

فيه لمبات إنذار خاصه بالأوبشن ده ABS أو TCSبالفرامل


كده بأه


معناه عندك مشكله فى دواسة الفرامل نفسها

إزاى !!!!!!!!!!

ممكن تكون محتاجه شوية تزييت وتطهيروتليين
بمزيل صدأ زى ال wd 40
----------------

فممكن يكون تقل الدواسه حاليا أحيانا مبيخليهاش ترد صح

وبكده ممكن تيجىء تدوس وأنت مروح تركن
طبعا لما بدوس على خفيف حتى
لمبات الفرامل بتنور ....
ولو الدواسه حركتها مش صح
تقوم تعلق معاك ومتردش

يعنى أنوار الفرامل الخلفيه تفضل منور

---------------------

وممكن يكون عيب ماستر رئيسى

بس خللى ده على جنب حاليا

على ماتزيت وتلين دواسة الفرامل صح

وتجرب

[samirayad]

حاولت أخد بالفتيس مرشدير للخلف ولكن حسيت ن العربية مكلبشة فى الأرض فعرفت ان الفرامل مانعة العربية من التحرك.

الدواسه معلقه فعلا

كأن فيه عفريت دايس عليها ومفرمل العربيه

العفريت ده

هو زرجنتها نتيجة تقلها وعدم رجوعها لوضعها الطبيعى صح

بحيث متشغلش مكنة الأستوب

ولما ماتردش الدواسه صح ....مكنة الأستوب هتفضل موصله كهرباء للأنوار الخلفيه

[samirayad]

.زى ما ناس كتيرة عارفة أنا عندى عربية هيونداى ماتركس. مش بمشى بيها إلا نادرا

الناس التى تغير الزيت بيكون عندها مكنة زى الأسطوانة كدة بتخرج طيار هواء شديد وكما زى ما يكون زيت مع الهواء.

ممكن يكون فيه علاقه فعلا

بين تنظيف الحوض ودخول ماء لميكانيزم حركة الدواسه

ويكون الغسيل هو السبب فى دخول مخلوط من الهواء والماء وخلافه

من خلف سيرفو الفرامل لميكانيزم الدواسه

-------------------

بمعنى


غسلت ....فروحت ...فركنت ....فصدت ....فثقلت

[tham1010]

أنا متشكر لكل من قام بالرد وخاصة الباش مهندس سمير الذى تعب نفسة بمحاولة تفسير الموقف. أعتقد أن هذا هو التفسير الصحيح لما حصل لان العربية واقفة لمدة خمس ايام يعنى محدش داس على الدواسة أصلا. فأكيد كان فى حاجة بتحصل .

أنا فعلا حاسيت ان الدواسة بتاع الفرامل تقيلة يعنى قبل الموقف دة كان السوستة بتاعة الفرامل لينة .أم الأن لما بدوس عليها والعربية مش دايرة ماتورها بحس إنها ثقيلة والمشوار بتاع الحركة للأسفل قصير على غير العادة.

أما لما دورت الماتور امس حسيت أن الفرامل أصبح فيها قد من الليونة شوية ولكن برضوا المشوار لأسفل قصير عن المعتاد.

أنا عندى سؤال يمكن يوضح الأمر. هو من المفروض ان الثلاث دواسات بتاع البنزين والدبرياج والفرامل يكونوا فى مستوى واحد. فلو مثلا وجدت أن دواسة الفرامل نزلة لتحت شوية يبقى العطل فى الحكاية دى.

أنا هنزل أشوف وألحظ إذا كانت الدواسات الثلاثة فى مستوى واحد أم لا. ولكن هل نظريا هذا الأمر صحيح أم ان الدواسات قد تكون فى مستوى واحد ولكن من الخلف المشكلة موجودة؟

[ahmedsherif1990]

المشاركة الأصلية كتبت بواسطة tham1010 أنا متشكر لكل من قام بالرد وخاصة الباش مهندس سمير الذى تعب نفسة بمحاولة تفسير الموقف. أعتقد أن هذا هو التفسير الصحيح لما حصل لان العربية واقفة لمدة خمس ايام يعنى محدش داس على الدواسة أصلا. فأكيد كان فى حاجة بتحصل . أنا فعلا حاسيت ان الدواسة بتاع الفرامل تقيلة يعنى قبل الموقف دة كان السوستة بتاعة الفرامل لينة .أم الأن لما بدوس عليها والعربية مش دايرة ماتورها بحس إنها ثقيلة والمشوار بتاع الحركة للأسفل قصير على غير العادة. أما لما دورت الماتور امس حسيت أن الفرامل أصبح فيها قد من الليونة شوية ولكن برضوا المشوار لأسفل قصير عن المعتاد. أنا عندى سؤال يمكن يوضح الأمر. هو من المفروض ان الثلاث دواسات بتاع البنزين والدبرياج والفرامل يكونوا فى مستوى واحد. فلو مثلا وجدت أن دواسة الفرامل نزلة لتحت شوية يبقى العطل فى الحكاية دى. أنا هنزل أشوف وألحظ إذا كانت الدواسات الثلاثة فى مستوى واحد أم لا. ولكن هل نظريا هذا الأمر صحيح أم ان الدواسات قد تكون فى مستوى واحد ولكن من الخلف المشكلة موجودة؟

صحيح جدا و لازم يكونو فى مستوى افقى واحد لو كل حاججة مظبوطة او العربية لسه زيرو