هل لمسطره الرشاشات دور فى زياده استهلاك البنزين

[samirsaid1]

المشاركة الأصلية كتبت بواسطة samirayad دى صوره تخطيطيه توضح تركيب منظم ضغط البنزين ( أى البلف ) على نهاية مسطرة الرشاشات وواضح طبعا إن المسطره شىء والبلف شىء آخر منفصل عنها

عشر شمعات للمهندس سمير


مش عارفين من غيرك بالمنتدى كنا هانعمل ايه
ربنا يخليك لينا يابشمهندس
أصل احنا من فلول المهندس سمير

[samirayad]

أصل احنا من فلول المهندس سمير

دا أكيد علشان أنت أسمك

سمير ياسمره

وأكيد أنت عارف المثل إياه

مين يشهد للعروسه .....!!!!!!!!!

[waleed_d82]

متابع باهتمام
وشكري للمهندس سمير علي معلوماته القيمة

[khaledrezk]

المشاركة الأصلية كتبت بواسطة mazen mazen العربيه عندى اكسنت 1500 موديل 99 بتاكل بنزين غيرت الرشاشات بطقم استيراد بدون المسطره والاستهلاك اتظبط مره والتانيه وفرحت لكن بعد كده لسه بتاكل بنزين هل المسطره لها علاقه باستهلاك البنزين؟

السلام عليكم يا اخى
انا عندى نفس مشكلة الاستهلاك العالى للبنزين
ونظفت الرشاشات وغيرت بوجيها ونظفت بوابة ولسة الاستهلاك عالى
كشفت عليها كشف اعطال بالكمبيوتر طلع عندى حساس الكامة بايظ وهو الى بيسبب استهلاك عالى للبنزين وللاسف مش لاقية وربنا يسهل ونلاقية استيراد او جديد
شيك على حساس الكامة وشوف بردة رأى مهندسنا الكبير ( مهندس سمير )
وربنا ييسر لك الحال فى اصلاحها
والسلام عليكم ورحمة الله وبركاتة

[samirayad]

كشفت عليها كشف اعطال بالكمبيوتر طلع عندى حساس الكامة بايظ وهو الى بيسبب استهلاك عالى للبنزين وللاسف مش لاقية وربنا يسهل ونلاقية استيراد او جديد

طبعا زى ماحضرتك بتقول

حساس الكامه عنصر مساعد فى عملية التحكم

لتحسين عملية ضبط توقيت الحريق للحصول على آداء دقيق من محركات الحقن الإلكترونى

وطبعا

طالما حصل خلل فى دقة ضبط توقيت الحريق بيأثر برضه على إستهلاك البنزين

لكن مش بالقدر الكبير

يعنى الخلل فى الأستهلاك بيكون قليل إلى حد ما

--------------------

ملحوظه لحضرتك ولكل الزملاء

مش كل محركات الحقن الإلكترونى بها حساس كامه

وأعتقد أنه مش موجود عند أخونا / مازن بسيارته الأكسنت